عنوان الموضوع : 987654321 كلها مشاكلي واريد منكم مساعدتي -لصحتك
مقدم من طرف منتديات نساء الجزائر

987654321 كلها مشاكلي واريد منكم مساعدتي



السلام عليكم ورحمه الله وبركاته
السالفه واضحه من عنوان انا حاله خاصه عندي تسع مشاكل يااخوات تعبت من حالتي وابي مساعدتكم يااهلي وعزوتي انتم انتم اهلي الي انا فقدتهم وفقدت حنانهم اه يازمن .
انا احس اني ضعيفه شخصيه وطيبه واحس اني طيبه الى حد انهم ما يعتبروني شي مع اني عمري 23وابي اثبت اني كبيره وابي منهم الاحترام الي القيه عند غيري لكن مابيد حيله امشي ودايم امي تقول مقوله ان البنت عند اهلها مثل الضيفه فنتبهي دايم احس اني خبله ماعندي كلام موزون ويدل على عمري اذا بغيت اتكلم ارجف ويحمر وجهي واحس ماعندي سالفه اه دايم انقهر من نفسي واحس ماني حلوه زي الي اشوفهم بنات عمي الي اصغر مني انخطبو وانا مانخطبت دايم تجيني هواجيس اني شينه منو بيفكر يتزوجني دايم اخواني يقولو لي روحي ياعبده ياتكرونيه مع اني ماني سمره مثلهم بس عشاني انا اسمر وحده في البيت تقولو ع قمحي كل العيون علي بتريقه الله يعلم اني دايم وانا في مسدحي ابكي من حالي واقول ليت ربي يشوفني ويساعدني يفرج همي ولا يارب تاخذ عمري ليش كل الرجال يبون وحده بيضاء صار عندي حاله نفسيه ياعالم ساعدوني

>>>>> ردود الأعضـــــــــــــــــــاء على الموضوع <<<<<
==================================


ومن قلك كل الرجال يبون بيضاء

الله يهديك بس

والله السماره اماره

والبنت ضيفه عند اهلها

كثير يقولونها الامهات من باب التفاؤل ان بنتها راح تتزوج وتتستت

انا يوم شفت الارقام ارتعت

وبعدين قلت يمكن رقم دجال دولي

هههههههههههههههه

هبلتي بي الله يهديك

كل هالتسعة ارقام ذي تنحصر بشي بسيط

الي هو ثقي بنفسك رقم واحد

ثنين طوري شخصيتك

سنك هذا سن التطوير والاضافات على الشخصيه

شابه بريعان الشباب

لاتضيعين عمرك الحلو وشبابك الغض بترهات لاتودي ولاتجيب

واياك ومقارنة نفسك بفلانه وعلانه

خلك انتي كيان والناس تدور حواليك وتقلدك

قومي انفضي عنك هالغرابيل وقومي من مسدح الشوم واللوم ذا

انفضيه واطردي الشياطين منه

قومي تسبحي وتطيبي وتزيني

وخلي لك جدول اسبوعي تعتنين ببشرتك ووشعرك

وقوامك وجسمك

وافرحي بشبابك

بلاهم بلاغم وانتي باول عمرك

وحكاية تكرونيه ماتكرونيه

ميب شي

لان التكرور بلدان منها عربيه ومنها اسلاميه

وناس بشر فيهم الخير والبركه

وعايشين بديارهم سلاطين

ويعيشون قصص حب وغرام وعشق ويتكاثرون

والدليل انهم سلاله غير منقرضه

وبعدين هالنبزات نادرا يخلو منها بيت

انا وانا صغيره ماينادون غير هندي بابا

عادي يوم كبرت كلن يقول ماجمال الاجمال الهنود

ويوم رحت لاهلي قلت لهم الهند بلد الجمال صاروا ماعاد يقولونها

هههههههههههههه


ادبتهم

لاقالوا هنديه قلت الهم اشكركم اعتراف منكم بجمالي

حتى اختي الصغيره كانت تنسج حكايات خياليه وتقولها لصديقاتها وبنات الجيران لاتزاعلنا

اني منيب بنتهم وانهم سافروا الهند حصلوني مره تحت شجرة جوز مدري لوز

ومرمي فوقي كيس لوز هندي

يعني جايتهم برزقي وخيري

ههههههههههههههههههههه

هذا واهلي ماعمرهم شافوا الهند الا بالخريطه الجغرافيه

لاتدققين بهالهبال

والله الحين لاجينا نستانس انا واختي انعيد ذكريات الهبال

وعلى فكره اختي ذي انا اقومها واقعدها بتكرونيه وحواء

والحين نضحك على هبالنا

لايقعد بنفسك شي

انتي منين جيتهم تكرونيه لايكونون راحوا غينيا وجاهم تمساح يمشي بك على ظهره بس

ههههههههههههههههههههههههه

وسعي صدرك وانا اختك وبعض السوالف خذيها بفكاهه واناسة وسعة صدر

لاتجين ضيقه وحساسه وتشيلين بخاطرك

حتى التكرونيه فرحانه بنفسها وواثقه من نفسها وهذا ابسط حقوقها

بشر مكرم من الله

لاتقعدين تحطمين بنفسك عندي سالفه ماعندي سالفه

ثقفي نفسك وسعي قراءاتك

اقري معلومات ومعارف عامه

بري والديك واحسني طاعتك لربك

وعيشي العيشه الي الله خلقها لعباده

(ويريد الله بكم اليسر ولايريد بكم العسر)

عيشي الاناسه والي يعسرك ويشين نفسك ابعدي عنه وتجاهليه

وعديه كنك ماسمعتيه

اتمنى انك تنقلين نفسك من هالخانه لخانه احسن منها


__________________________________________________ __________

كلام اختي ورب الكعبه فرجت راااااااااااائع هي كفت ووفت
وضحكتني والله يسعدك يارب الكعبه فرجت ههههههههههههه
اسمعي كلامها اختي صاحبه المشكله عندها حق في كل الي قالته وما اضيف عليه غير الله يسعدك وتشكر على ردها الروعه


__________________________________________________ __________

حتئ انا ماعندي اي كلمه اضيفها ماشاء الله عليها
اسال الله ان تكون من موازين حسناتها


__________________________________________________ __________

ماشاء الله عليك ياااافرجت

الله لايحرمنا من ردوووووودك الرائعة كفت ووفت
الله لايحرمها الاجر


__________________________________________________ __________

اختي مثل م قالت الاخت فرجت
انا كنت مثلك م عندي ثقه بنفسي احس نفسي
مو حلللوه واتجنب الناس وما اشاركهم في احاديثهم
بس قررت اني اغير من نفسي وصرت اتعدل
واحافظ ع بشرتي والبس
ولما اشوف احد يتكلم اروح ادخل عرض ما بينهم خخخخ
وصارت ثقتي ترجعلي شويه شويه
وبعد اهلي هم السبب الاساسي اللي خلو ثقتي بنفسي تنهز
كانوا يعايروني ب بو شفايف .. بو مزابل .. لان شفايفي
كبار م شاء الله ههه
فصرت اقولهم اصلا الحين هالشفايف يتمنوهن
م تشوفوا الحريم يروحوا لبنان وغيرها بس عشان
ينفخو شفايفهم انا بصراحه مرتاحه
وبعد لما اكبر بروح انفخهم بزيدهم ههههه
ومن ذاك الوقت محد يعايرني


فانتي لما يعايروك لانك سمرا اصلا حبيبتي احلى لون
هو السمر وانتي كما قلتي ان بشرتك حنطاويه
يعني لونك يهبل بس حافظي عليه وخلي بشرتك صافيه

السمر= الصبغه الملكيه


وتسلمي حبيبتي الله يوفقك دنيا واخره