عنوان الموضوع : طريقة طاجين الزيتون لذيذ
مقدم من طرف منتديات نساء الجزائر

طريقة طاجين الزيتون



بسم الله الرحمان الرحيم اليوم جبتلكم طريقة تحضير طاجين الزيتون
المـــــــــقادير
___________

2 حبات بصل مربين. نصف راس ثوم مربي. وقطع دجاج او لحم حسب افراد العائلة 500غ زيتون بدون عظم. 5 حبات زردية مقطعة الى دوائر بيضاوية 2 ورقات رند ملح فلفل اكحل شوي كمون شوي راس الحانوة شوي فلفل بارد و فلفل حار ارطب طماطم مرحية وطماطم العلب المصبرة شوي معدنوس مع اعراف دبشة.. حبات بيض للزينة..
طـــــــــــريقة التحضير
________________
اولا . نحط الماء يسخن الى درجة الغاليان ونغسل الزيتون مليح ونحطو في الماء لي يغلي مع شوي خل ونبدلء في تحضير الاكلة تاعي.
ندير شوي من زبدة المدينة مع شوي زيت في المرميطة و نلوح اللحم او الدجاج نخليهم يتحمرو شوي في الزبدة والزيت مع الزرودية ثم نفرغ عليهم البصل و الثوم ونخلط ونبقا نخلط حتى انشم رائحة البصل و الدبشة والمعدنوس الثوم. ثم انداوي المرميطة .. طبعا بالملح و الفلفل اكحل و الكمون و راس الحنوة ونخلط شوي ثم مباشرة الطماطم المرحية هي الاولة قبل المصبرة لانو المرحية هي نيا اما المصبرة هيا تعتبر طايبة . قلت المرحية وبعد المصبرة لكن لكلى منهما نصف الكمية المطلوبة للمرميطة اما الباقي نحتفظ بيه .ونسقيها نصف السقي المطلوب
من الماء ونخليها تغلي شوي ثم نضيف ميت الماء المتبقي .. و بمعنا نسقي المرميطة على مرتين.. و نخليها حت ايطيب اللحم او ادجاج اذا اخلاص طاب انحيه و نخليه يقطر من السوس ثم نلوح مياشرة كمية الزيتون في السوس الثقيلة التى تحصلنانا عليها من خلال السقي على مرتين طبعا.ثم مباشرة كذالك نحط في ايي شي مهما كامت قليل جدا من الزيت ونفتح فيه شوي فلفل بارد و نغرف اعليه الطماطم المرحية و العلب لبقات من الاولة و لي احتفضنا بها في البداية ونفتحهم بقليل من الصوص تاعنا ثم نفرغها في السوس. مع ورقات الرند ونخليها تزيد تثقال شوي من خلال ما اضفنا اليها و الان نرحو للحم او الدجاج نحمرو في شوي زيت وبعدما توجد الاكلة تاعنا ندير شوي في صحن التقديم و من فوق قطع اللحم او الدجاج لي طاب و حمرناه و نكسر فيها حبات بيض ايكرنوا دايرين في الصحن دايرين بالدجاج او اللحم و فوق البيض لي كسرناه في الصحن نذرر عليه الدبشة و المعدنوس مقطعين ارقاق و اندخل الصحن للميكرو واند حت البيض يحكم روحو ثم نقدم الصحن . باتوفيق للجميع

>>>>> ردود الأعضـــــــــــــــــــاء على الموضوع <<<<<
==================================


انشاء الله يعجبكم


__________________________________________________ __________

جميل وشهي الله ابارك


__________________________________________________ __________

الله يبارك فيك حبيبتي شكررررررررررراااااااااااااا


__________________________________________________ __________

يعطيك الصحة لجين
عجبني
انت كتبتي باللهجة الجزائرية
ان شاء الله تكون مفهومة لجميع الاخوات فالمنتدى


__________________________________________________ __________