عنوان الموضوع : روآية سراب حياتي ..بقلمي ..رواية رومنسيه حزينه اكشن روايات
مقدم من طرف منتديات نساء الجزائر

روآية سراب حياتي ..بقلمي ..رواية رومنسيه حزينه اكشن






..مقدمة..

كلماتي..كانت تنتقد كثيرا..احلامي كانت تتحطم كل يوم..ثقتي بنفسي تزعزعت وطموحاتي تقابل بلامبالاة

فكرت يوما من الايام أن اتنازل عن كل شيء..لكن كان صوت يناديني ويقول لي ارجعي واطلقي العنان لكل كلماتك وخطي مايدور في خلدك وتحدي العالم بأسره من اجل احلامك ..

حاولت ان اخرج تلك الكلمات اليائسه والمهزومه..حاولت كثيرا وفشلت لكنني لم أيأس ومازلت احاول واحاول..

واكتشفت في نهاية الأمر أن يأسها وعجزها كان مجرد سراب..

اسرعت وبدأت في قراءة كل نقد وإهانة وجهت إلي فنطقت كلماتي..

هذا كان((سرآب حيأتي))..



ملآحظه :هذه الرواية من وحي الخيال ..والشخصيات ايضا من وحي الخيال لكن الرواية تحكي عن واقعنآ الذي نعيشه ولااقصد بها تشويه صورة اي مجتمع

جاري تنزيل البارت الاول

>>>>> ردود الأعضـــــــــــــــــــاء على الموضوع <<<<<
==================================


**الجزء الأول**
جآلسة على التلفزيون وبصوتهآ العربجي: آآآهـ لبى رادوي بس لو في واحد سعودي زيـه وش كآن بيصير آآآخ بس
قطع عليهآ احلامهآ وهو يقول :وانآ مو عآجبك ؟ قمر والله اني قمر بس تواضعي جابرني اني اعيش مع اشكآلكم ..
فعلا كآنت ملآمح ثامر طفولية بس جذابة بشكل غير طبيعي وابتسامته على قولته تدوخ بنات الديره
سديم اللي قطعت عليه اعجابه بنفسه وقربت عنده مرآ وهي تهز اكتآفه:ثامر ثامر
ثآمر بطفش:نعم وش تبين؟
سديم:تخيل يشوفني رادوي وجي يخطبني آآآ....
ثامر اللي قاطعهآ :اولا فارس احلامك متزوج وثانيا تحسبينه بيناظرلك وانتي ووجههك تحسبين نفسك بنت اصلا
سديم وهي ناوية تطقه بس متعوده على اسلوبه:انقلع بس بيجي اللي احلى منه وتشوف يا يا ..(وبنبرة استهزاء) ياقمر ..وراحت وخلته

******************

وفي بيت ابو خالد اللي كان متزوج من روسيه وجاب منها بنت وبعدها ماتت (كآثرن) اللي تزوجها بعد قصة حب عظيمة ..تأثر ابو خآلد كثير بس اللي خفف عليه حزنه انو عنده لورا وهي من ريحة الغوالي ..كآن ابو خالد يشوف فيها زوجته اللي حبها وكانت كل شيء بحياته
(لورا)كآنت نسخه من امها من ناحية الجمال والرقه الغير عاديه ومن ناحية التفكير المنطقي وعقلانيتها اللي تفتن وتشد كل اللي يتكلمون معها ويعرفونهآ
بعد موت كآثرن تزوج ابو خالد من (مهآ) اللي كان يكنٌ لها كل احترام لكن عمره ماحبها زي كاثرن
(مها)ماتفرق بين لورا وبين عيالها وكانت لورا بالنسبة لها زي بنتها واكثر بس لورا كانت متعلقه بأمها كثير ومستحيل احد يآخذ مكان امها،وكانت تعامل مها على انها مجرد مربية
وللاسف كانت كل محاولات مها علشان تتقرب من لورا تفشل بس مها بقلبها الكبير مافقدت الامل ولسه مستنيه يجي يوم وتقولها (مـــآآمــآآ)
ابو خالد رجل اعمال معروف وكان عايش في قصر واسع وحلو مرا بس على جماله كانت الحياة بداخله لاتطاق

********************

في مكآن آخر..مكآن كله قذاره وقرف وصوت الاغاني عالي والضحكات تتعالى
راكآن:اقول سلطون ليه ماتعطيني هذيك اللي عندك نتسلى فيها شوي
سلطان:والله لوعلي كان عطيتك بس بتفضحني بنت الـ..... ..وسرح في عالم ثاني
راكآن بإستغراب :بنت الـ إيش ؟؟
سلطآن بعد ماصحى من حلمه:هآآآآآ !! بنت ..بنت الحقيره ..ورجع سرح مرا ثانيه

@ نهآية البارت @


__________________________________________________ __________

**الجزء الثآني**
في صبآح يوم جميل ومع أشعة الشمس الذهبية ودفء مفتقد ..كآن يشرب قهوته وفي باله الف فكره وفكره
جت من واره وحاوطت عيونه بإيدينهآ وبصوتهآ الرقيق :Good morning
وخر ايدينهآ بحنان :Good morning ياقلب داد انتي
لورا:ليه الحلو جالس لحاله ؟؟
محمد:والله ياقلبي لقيت كل البيت نايم قلت اشرب قهوتي وبعدين امر الشركه
لورا:داد بليز انا اعرف انو في حاجه اكبر من كذا انت من كم يوم مو عاجبني
محمد :كالعاده غلبتيني ..مااقدر اخبي عنك
لورا بخوف :داد خوفتني ؟؟
محمد:والله يالورا لي كم يوم احلم بـ...بأمك الله يرحمهآ "وغرقت عيونه بالدموع"
لورا بنفاذ صبر :ايوا ؟؟
محمد:حلمت انها قالت لي خلي بالك على لورا ولاتتركها تراها تمر بمشاكل ولاتصدقها اذا قالت انها مبسوطه وتمام
لورا:اوووه داد فكرت انو شيء كبير خوفتني
محمد:لورا
لورا وهي مغمضه عيونها وتتمنى انو عيونها ماتفضحها:What ??
محمد:انتي من جد مبسوطه وماعندك مشآكل ؟؟
لورا: داد انا مبسوطه ويعني ايش بيصير فيني !! عن اذنك "وراحت وتركته"
محمد كان قلبه مو مرتاح لكلام لورا بس حب يمشي الموضوع
مها:صباح الخير على الغوالي
محمد ارتبك :هلا هلا صباح النور
مها:اقولهم يجهزون الفطور؟
محمد:براحتك
مها ابتسمة ابتسامه عريضه وراحت

على الفطور
محمد ومها ولورا على السفره
نزلو الثنائي المرح وبصوت واحد :صبااااااااح الخيييير
سيلا وخالد كانوا الثنائي المرح ..سيلا عمرها :16 سنه وخالد توأمها
الجميع:صباح النورر
محمد اللي كان يحب هبالهم وروحهم الحلوه:ياصباح النور على احلى اثنين
سيلا وخالد:باسو راس امهم وابوهم وجلسو جمب بعض كالعاده
خالد تلقى نظرة جادة من لورا وبلع ريقه وكمل اكله
محمد :مها
مها:هلا
محمد:وين راكان مااشوفه على الفطور
مها:اي والله وينه؟؟
خالد:ماجاء من امس
محمد وهو معصب:وينه !! طلع لي بفن جديد والله
مها:ياحسرتي على ولدي لايكون صاير له شيء
خالد وهو يحاول يرقع السالفه "حط يده على راسه وحك شعره :لابس صديقه بالمستشفى
ونغز سيلا علشان تصرف معاه لانه حس نفسه تورط ومحد اقتنع بكلامه
سيلا:امممممم اي صحح هو مرا كان يحكيلي عن صديقه حرامم يتيم ماعنده احد (وبدت تمثل دور الحزن والتأثر) ياحياتي هو مقطوع من شجره
محمد:طيب ليه مايتصل فينا على الاقل ماينشغل بالنا عليه
خالد: آآآآآ احم ماحب يزعجكم في الليل وارسل لي مسج
محمد:زين انا بروح مكتبي وبعدها بمر الشركه..لورا تبين شيء ؟
لورا ماتحب ابوها يفرق بينها وبين اخوانها: No dad سلامتك
طبعا سيلا وخالد ولعوا من حركة ابوهم بس مها كان الوضع عندها عادي
محمد وهو بيطلع للشركة والكل جالس في الصاله بما انه اليوم خميس ومافي مدارس:لورا اليوم مريني بالشركه ابيك بموضوع
لورا:بس انت عارف اليوم مرا ماينفع انا مشغوله لانو كم مصمم بيجي اليوم ولازم اقابلهم وزي ماتعرف بكرا العرض الخاص فيني ولازم اسوي كل التجهيزات
محمد:اوكي اشوفك بالليل
لورا:دآد زعلت؟
وفجاءه انفتح الباب..
سيلا وخالد بدهشه: راكااان
وركضت سيلا عنده آآآآهـ يااخوي كم اشتقت لك وضمته
راكان مستغرب
سيلا وهي ضامته بهمس :اسمع تراك كنت عن صديقك
وفجاءه قاطعها محمد:وين كنت؟؟
راكان وهو يحاول يتحرر من سيلا اللي ضمتته بقووه:امممم
خالد:ايوه وكيف صديقك ان شاء الله صار زين
راكان:اي صديق؟؟ آآآهـ اي اي صديقي اممم اي صديقي آآ...
مهآ:اي صديقك وش فيه؟
راكآن:والله صديقي يعني لسه حالته مومستقره ولسه في العناية المركزه
مهآ:لاحول ولاقوة الا بالله
محمد: الله يكون معه ..زين انا بطلع يلا باي
الجميع:باي
لورا اللي لحقته: dad I love you
محمد: ياعمري انتي me too
وطلع ..تذكر ايامه مع كاثرن اللي كانت مستحيل تخليه يطلع الا تبوسه وتقوله احبك
السواق:بابا ايش مشكل ؟
محمد:هآآآآ !! لا لا مافي مشكله ..وتوجه لسيارته

********************

قامت سديم من النوم ولقت ثامر جالس على التلفزيون
سديم وهي تتثائب:في فطور ؟؟
ثامر:لافي غدا هههههههههههه
سديم :ياشين اللي يستضرفون
ثامر:لانو دمك ثقيل
سديم:اي صح صح بس يلا ابي فطور تراني جوعانه
ثامر:روحي قولي لنورا تسويلك
سديم:ثامر بقولك شيء
ثامر:وش فيك ؟؟
سديم:اللحين ليه نحنا نعامل نورا كذا ؟؟ وحتى اذا جينا نسال عنها ابوي مايرد علينا ويقول سكروا الموضوع
ثامر:اول مرا فحياتك تسألين سؤال فمحله..صدق ليه؟؟
سديم:اكيد في سر ولازم نعرفه والله نحنا في هذا البيت كأننا غريبين
ثامر:ايش رايك نفاتح بابا بالموضوع
سديم:اوكي وافقت
ثامر:اذا جاء نتفاهم معه..بس كيف نبدآ ؟
سديم:ثامر تسمع صوت بطني
ثامر عصب وضربها بالمخده اللي جمبه:اصلا استغربت كيف سديم وتفكر بجديه
سديم:وهي تركض وتفحط: تحسبني ثامر ؟؟
ثامر رمى عليها المخده: يلا يلا بس روحي لاتموتين علينا وحذري نورا تطلع برا المطبخ علشان لاتلتهمينها معه

بـــالمــطــبخ
سديم :صبآآآآح الخـ....
وفجاءه سكتت ..لقت نورا تبكي من قلب وشكلها مرا يحززن..نزلت عندها بالارض ومسكت ايدها
:نورا حبيبتي فيك شيء؟؟
نورا وهي تمسح دموعها:لامافيني شيء يلا روحي افطري
دخل سلطان المطبخ ولقاهم مع بعض ..مسك شعر سديم
سلطان:انا ماقلتلك لاتجلسين معها ولاتكلمينها بس الظاهر كلمتي بتصير ثنتين في هالبيت ..وصار يطق ويصررخ ويهاوش
ثامر دف ابوه بقوه وسلطان شوي وكان بيطيح ..
ثامر: ابي افهم ليه تكره نورا وتعاملها كذا ؟؟

@نهآية البارت@


__________________________________________________ __________

يلآ بشوف كم اللي بيتآبعون معي الروايه ^^
اللي بيتابع يعلق ..

انين الوتر


__________________________________________________ __________

**الجزء الثالث**

مسك سلطان ثامر من تيشيرته:لو فتحت هذآ الموضوع مرآ ثانيه ..انت واختك بالشارع ولا اعرفكم ولاتعرفوني
سديم:ليه يبه كذا ..نحنآ مو اولادك؟؟(وضحكة ضحكة سخرية) ههه ههه .لاصح انت ناوي تتبرى مننا وهذا كله علشان مانبي نصير زي الغريبين في هالبيت ..تسكر وماقلنا شيء تطلع بالايام وماقلنا شيء تسافر بالاسابيع والشهور وماتسأل سكتنآ وتجيب بنآ..
هنآ سلطان فقد اعصابه وعطاها كف قووي
سديم نآظرتله بإستحقار :لا بالله رجال والله انك رجاااااال ..وطلعت وخلتهم
ثامر كآن الطرف الساكت لانو ولا يوم حاول يفكر ليه ابوه كذا
نورا كان الوضع عندها عادي لانها متعوده على الاشياء هذي
سلطان رجع طلع مرآ ثانيه ويقول فنفسه:ليتكم تحسون فيني ليتكم تعرفون وش اللي قتل فيني الحياة وانا بعز شبابي

بعد يوم
وفي المدرسة
سديم :ابوي مد يده علي وقال بيرمينا فالشارع..يعني بيتبرى مننا ..هذا ونحنا بس سألناه ليه تعاملها كذا ..اجل لو قلناله مين هي وش بيسوي ؟
رزان :ياحياتي انتي ..امممم طيب يمكن هو مايبي يصدمكم بالحقيقه او لسه ماجى الوقت المناسب
رزان وهي تلوح بيدها هلووو وين رحتي
سديم: لو كنت ولد ..
رزان:وهي مستغربه:نعم!!
سديم رزان انا قررت قرار
رزان :الله يستر من قراراتك ..اطربينا ياستي ..وش عندك؟
سديم:انآ قررت اصير بويه
رزان :بـ.. بـ..بويه!!
سديم:ايه علشان ابوي مايقدر يطقني مرا ثانيه
رزان :انتي يااستخفيتي او تستهبلين
سديم:انآ جاده ومرآ بعد
رزآن:مآاحس انو بيتغير شيء اكيد بتبقين سديم الضعيفه بعين ابوك والبنت اللي دايما مذلوله ومستحقره
سديم:لا لا مآعليك انا بتصرف..يلا عن اذنك
رزآن :باي ..عز الله استخفت
هيام:بوووووووووووو
رزان:يقلع شكلك خوفتيني
هيام:يلا الباص جاء ياجوليت زمانك
رزان طقتها: انقلعي بس صدق فراغه ماعندك سالفه الا الحب
هيام:الحب بايين فعيونك لاتنكرين هذا الشيء وركضت
رزان فصخت جزمتهاوضربتها على ظهرها: يلا يلا قدامي
هيام: اتاري الحب خلاك تنسين صديقاتك وما تشوفين الا روميو
رزان :سكتت لانو بالها ابدا مو مع هيام وهبالها
***********
في بيت ابو خالد
لورا: اخخخ امس كان يوم متعب بشكل غير طبيعي
راكان بهمس:ان شاء ايامك الجايه كلها بتصير تعب
سيلا :ايش ؟؟؟
راكان:انتي خليك فحالك مالك دخل
سيلا قامت وفراسها الف فكره

بغرفة خالد
سيلا:انا سمعته والله سمعته
خالد:مااظن في عداوات بين لورا وراكان
سيلا:والله مدري بس انا مارح اكذب اذني واصدق ظنوني
خالد:مالنا دخل فيهم وياخبر اليوم بفلوس بكرآ ببلاش
سيلا:بس هذي اختنآ !!
خالد:اختك انتي بس انا نفسي في اليوم اللي تفارقنا فيه
سيلا:وليه كل هالحقد؟
خالد:ابوي وامي مادروا عننا كل همهم لورا..ابوي ماالومه بس امي !!هذي وهي مو بنتها
راكان فتح الباب بقوووه :سلام
خالد بلع ريقه:هلا هلا
راكان:سيلا اطلعي برآ وسكري الباب وراك
سيلا :طيب "وطلعت " وهي تتأفف:افففف والله مدري وش فيهم هذول استغفر الله بس

*****************
بعد ماوصلت البيت كانت الساعه تقريبا 5
سديم:مفاجاءه
ثامر منطط عيونه مايدري يصدق اذنه ولا عينه
سديم طقته بعربجه:هيه انت تراني من اليوم اخوك
ثامر:سديم وش سويتي فنفسك !! صاحيه انتي !!
سديم:ايش رايك باللهي (وهي ترفع اكمامها او بالاصح وهو يرفع اكمامه) علشان مايقدر يمده يده مرآ ثانيه
ثامر مستغرب من اللبس وقصة الشعر والمشيه وكل شيء ..وتندم على اليوم اللي سأل ابوه عن نورا
:والله انهبلتي يابنت
سديم:انهبلت ..ماعاد اسمع الياء هذي ..ايه انهبلت عندك مانع
ثامر لسه مو مستوعب
سديم:اقول افتح المباراة بسرعه

*********

راكان:خلاص فهمت؟
خالد:احس اني بورطك
راكان حط يده على كتف خالد: انت قدها
خالد :ان شاء الله
***********
في شركة ابو خآلد
محمد في مكتبه يوقع بعض المعاملات والاوراق ومعاه السكرتير
السكرتير "يوسف":ابو خالد
محمد:سم
يوسف:سم الله عدوك بس في سؤال محيرني ..اللحين الكل يناديلك ابو خالد مع انو اكبر اولادك اسمه راكان
محمد:لانو ابوي الله يرحمه كان يسميني ابو خالد بس امه اصرت تسميه راكان لكن انا ضليت ابو خالد ولما جاء خالد كل الناس صاروا ينادولي ابو خالد
يوسف :اها طيب الوفد بيوصل الساعه 4
محمد:الحمد لله انك بلغتني (وهو يشوف فساعته اللي تشد كل من يناظرها لانها فخممه جدا) باقي حوالي ساعه
يوسف:اووه الوقت يمر بسرعه
محمد:اذا طلع الوفد اتصل على لورا وقولها تمرني
يوسف:تآمر طال عمرك ..شيء ثاني ؟
محمد:لاسلامتك

**************
في المدرسة

سيلا :بليييز تيتشر انا ماابي اروح هناك
الاستاذه:حبيبتي هذا طلب امك مو من عندي ..تقدرين تروحين فصلك
سيلا انهارت من البكاء ودخلت فصلها الجديد وبعدها ماعادت تشوف شيء
وبعد مافتحت عيونها ماشافت الا ولد واقف فوق راسها وبهمس :سلامتك خوفتيني عليك

@نهآية البارت@


__________________________________________________ __________

**الجزء الرابع**
كانوا سديم وسيلا لحالهم في غرفة المرشده الطلابيه ..
سيلا:وين انآ؟
سديم:هنآ (واشرت على عيونها)
سيلا:سويت فيني شيء !!!!!
سديم:منتي شايفه هذا(واشرت على الينفورم حق المدرسة)
سيلا:اوه ويت ويت اللحين انتي بنت ولا ولد ؟؟
ارتسمت على شفايف سديم ابتسامه عريضه جدا ومدت إيدهآ:انا طلال
سيلا:طـ..ط....وفقدت الوعي مرآ ثانيه

طلال (سديم):آآآآهـ وش هذا ياربي مالحقت حتى اعرفها عن نفسي
وحاول يقومها بس ماقدر..ركض عند الاستاذه وفقلبه خوف غير طبيعي ولا مرا حس فيه
طلال:استاذه استاذه
المرشده:هلا سديم ..قامت ؟
طلال:قامت بسسس
المرشده :بسس ايشش تكلمي
طلال :بس اغمى عليها مرآ ثانيه
"ركضوا كلهم عندها وبدوا يحاولون يقومونهآ ..وبعد جهد جهيد ..قامت ..حست انو كل الدنيا تدور فيها بس غصب عنها ابتسمت"
المرشده: سلامتك حبيبتي تحسين بشيء ؟
سيلا :لا بس ابي مويه
طلال:ماطلبتي شيء دقايق بس
وراح يجيب مويه ومن داخله يبتسم وحاس بإحساس غريب
دخل طلال:هذي المويه..يلا اتسدني علي علشان اشربك
سيلا:لاشكرا اشرب لحالي
طلال:يلا بلادلع وخليني اشربك
طلال وهو يشربها المويه كان يدقق في ملامح سيلا ..فعلا سيلا كانت مرا جميله عيونها وساع وفمها وردي وبشرتها بيضاء وشعرها بني وقصتها غريبه جدا بس لايقه عليها مرآ
ونفس الشيء سيلا اللي كانت تشرب ومادرت عن الموية دققت في ملامح طلال وتقول فنفسهآ :هذا اللحين بنت ؟؟(فعلا كانت ملامح سديم حاده بس جميله وهذا اللي مخليها وكأنها ولد ومع قصة الشعر وتفخيم الصوت والمشيه محد يقدر يقول انها بنت الا اللي يعرفها مرآ لانو اسلوبها ماتغير وكمان شخصيتها ماتغيرت)
سيلا خلصت المويه وهي ماتدري ..ضايعه مع طلال اللي ملامحه تحكي عن قصة جمال غريبه ومع عيونه اللي حست انها تحمل لها كلام كثير
طلال:احم تبي مويه بعد ؟
سيلا :لاشكرا خلاص ..بس دايخه وابي انام
طلال:استاذه عادي اجلس جمبها يمكن تحتاج شيء
المرشده:والحصص ؟؟
طلال:مافي شيء مهم
المرشده:طيب براحتك بس لو حصل اي شيء بلغيني ..انا عندي كم شغله تحت بخلصها
طلال:اوكي خذي راحتك

***************
بالقصر
نزلت وهي في قمة اناقتها .. ميك اب خفيف ومع ملامحها اللي كانت تميل كثير للملامح الروسيه اكثر من السعوديه .. وشعرها الاشقر الويفي وفستان بيبي بنك قصير
لورا وهي تدور:ايش رايكم ؟؟
محمد:بعد قلبي انتي والله كأنك اميره
مها:ماشاء الله مرآ طالعه تجننيين
لورا:ميرسي من ذوقكم ..وطالعت راكان اللي اعجب فيها بس يمثل دور الجمود وعدم الاهتمام
لورا:وراكآن ماعجبتك؟
راكان :ايه ايه حلوه ماعليك
لورا:تسلم "وطبعت بوسه على خده"
راكان انحرج من حركتها بس مابين :ليه كل هالتفاعل ؟؟
لورا:اليوم عرضي ..مها بتجين ؟
مها:اكييد وهذا شيء يتفوت
لورا:تنوررين ..يلا انا استأذن
محمد:موفقه
لورا: تسلم داد ..مها استنآك ولاتنسي تجيبي معك سيلا اوكي ؟
مها:اوكي
باست لورا ابوها وراحت وتتمنى انو اليوم تكون فاتحة خير عليها فعالم الازياء

خارج القصر ..
سلمت لورا على صديقة عمرها ريما
ريما: واااااااااو طالعه amazing
لورا: تسلمين ..حتى انتي مرا طالعه حلوه
ريما :تسلميلي يارب ..يلا نمشي
لورا :اوكي يلا

*************
بغرفة راكان

راكان: الووو خالد نفذت ؟؟
خالد:اي كل شيء تمام
راكان :كفوو ..بس اسمع زي ماتفقنا لاترجع البيت اللحين وكأنك رحت للمدرسة
خالد:اوكي اوكي
راكان :باي
خالد: باي
سكر راكان الموبايل واخذ نفس عممميق :واخيرا يا آنسه لورا
***********
بالمدرسة
طلال:اخخخخ من وين جآيبه هالجمال هذا ... اوووه معقوله انا افكر كذا معقوله قدرت اقتل كل شيء يتعلق بسديم بالسرعه هذي
قطع عليه تفكيره صوت كحتها
طلال: صحه
سيلا: تسلم ..وين المرشده ؟
طلال: ليه انا مو قد المقام ؟
سيلا: لابس اسأل
طلال:ماتبيني جمبك ؟
سيلا احتارت ماتدري هي وش تبي ..احساسها كان غريب هي فرحانه بس ماتدري تبيه ولا ماتبيه :امممم لاعادي
طلال:مافي شيء اسمه عادي اي ولا لا (وكآن فنفسه يقول يارب تقول اي يارب)
سيلا :اممم اي
طلال طاااار من الفرحه بس مايدري اللي يسوي صح ولا خطأ ..وبدون تفكير:طبع بوسه على خدها
سيلا انحررجت وتبي تغير الموضوع:امم اي حصه هذي
طلال :الاخيره
سيلا:اووه الحمد لله
طلال:للدرجه هذي تبين الفكه ؟
سيلا:لا والله بس تعبانه بروح عند الدكتور
طلال :سلامتك فيني ولافيك
سيلا ابتسمت وهي متردده :لا بسم الله عليك الحمد لله انها فيني
طلال:يابعد قلبي انتي ..يلا قومي مابقى على الحصه شيء
سيلا :يلا
نزلت الدرج بمساعده من طلال
وبالصدفه لقت صديقتها اثير
اثير:يابعد قلبي انتي "وضمتها بقووه"
سيلا:لبى قلبك والله لسه مو مستوعبه انك مو معاي بالفصل
اثير: حاولتي مع الاستاذه ؟؟
سيلا : اي بس تقول مامي هي اللي قالتهم انو يودوني فصل غير فصلي
طلال:طيب حاولي فأمك
ناظرت أثير لسيلا بمعنى مين هذي ؟
سيلا: امممم اعرفكم على بعض هذي اثير وهذا طلال
اثير بهمس:طلال؟
طلال:اهلين تشرفنا
اثير:الشرف لي
سيلا :يلا انا بطلع السواق ينتظرني..ومدت يدها لطلال على اساس يوصلها للباب
طلال طاار من الفرح ومسك ايدها ووصلها ..عند الباب..ضمها بقووه وقالهآ:ماتشوفين شر ياقلبي واذا حسيتي نفسك تعبانه بكرا لاتجين اوكي ؟
سيلا وهي مستغربه من حركة طلال:اوكي يلا باي
طلال :باي
وفنفسه انا وش اسوي ؟؟؟ مااقدر اتحكم بنفسي مااقدر
ولمح هيام و راح يسلم عليها
طلال:هلاااا
هيام:اخ اخ شوي شوي على يدي
طلال:لا ياالرقيقه ماعرفتك صراحه
هيام :اذلف اذلف بس ..ايه صح رازن غايبه مو ؟؟
طلال: اي غايبه
هيام:اليوم بكلمها عن اللي سويته بنفسك علشان بكرا لاتنصدم
طلال:انا قلتلها اصلا
هيام:زين يلا باي جآ باصي
طلال :باي
*********
فدآر الازياء
لورا: يلا ريما خلينا نلقي نظره اخيره على الفساتين
ريما: اووكي يلا انا مرا متحممسه
فتحوا باب غرفة الملابس
وتنحووو ..
ريما:لورا تشوفين اللي اشوفه
لورا وهي من الصدمه ماتدري تصيح ولاوش تسوي للي بيجون بعد كم ساعه:اكيييد في غللط يمكن دخلنا غرفة خطأ
ريما:لا هذي هي الغرفه وحتى شوفي الفستان اللي وريتني له قبل كم اسبوع
لورا وهي ماسكة الفستان اللي تقريبا مابقى منه شيء ..وكأن بعد ماشافت الفستان صدققت انو كل الفساتين وتعبها وسهرها رااح على الفاضي ..صارت تصيح شوي وتضحك شوي مو مستوعبه اللي صار
ريما مو عارفه كيف تتصرف ووش بتقول للي بيجون بعد كم ساعه
لورا: ريما الفساتين ماراحت ..تعبي وسهري وجهدي ماطار مو ؟؟ (وصارت تهز اكتاف ريما) قولي شيء قولي انو فساتيني نقلوهم لغرفة ثانيه ..لاتسكتين كذا تكفين لاتسكتين
ريما وديني خلني اشوف الفساتين تكفين وديني
ريما :حبيبتي اهدي شوي عارفه انو هذا شيء صعب بس البكى مارح يرجع شيء نحنا لازم اللحين نفكر كيف نتصرف ووش نقول للناس اللي جايين
لورا جلست على ركبها فالارض:خلاص انا انتهيت مستقبلي ضاع
ريما راحت تنادي احد علشان يتصرف معها لانو ماتدري وش تسوي
مساعدة لورا(كندا..سورية الجنسيه) :حبيبتي لورا لاتساوي بنفسك هيك ..ممكن نأجلو كم يوم او كم اسبوع ..واذا على الفساطين فينا نشوف اي مصمم ونشتري منو فساطين لسه مانعرضو بس هاد اكيد رح يكلفنا كتير
لورا:سوي اللي يريحك ..انا ماعاد فارقه معي ..بس ابي اعرف مين اللي سوى هذا الشيء علشان آكله باسنآني
كندا:لاتشيلي هم انا رح ساوي اللازم ورح بلغك بكل التفاصيل
لورا:اوكي انتي اتصلي بكل الناس واعتذري منهم وحددي يوم وبلغيني
كندا:شو هاليأس ياآنسه لورا بعرفك اويه(قويه)
لورا:من وين يجي الامل وكل تعبي راح بين يوم وليلة
كندا:ماشي حياتي ..والله عازرتك بس كمان الحياة مابتوقف على عرض ولاعرضين ولامليون انتي انسانه موهوبه ولازم تكفي مشوارك
لورا:ان شاء الله يلا عن اذنك
كندا: ازنك معك

******************
في القصر

دخلت وعيونها ماوقفت من البكى من يوم شافت هذاك المنظر
محمد:لورا حبيبتي وش صاير مو مفروض بعد كم ساعه عرضك ؟؟وليه البكى ؟؟
لورا:ضاع كل شيء راح كل شيء سويته
مها:حبيبتي طيحتي قلبي وش فيك
لورا وهي تشهق :الفساتين وكل الملابس كلللهم انحرقوا
محمد:انحرقوا ؟؟؟؟؟؟؟ ومين اللي حرقهم؟؟
لورا:مدري والله مدري
مها وهي تحاول تهديها:هدي نفسك حبيبتي يلا تعالي اجلسي هنا واذكري الله وان شاء الله كل شيء يتصلح
لورا: لا الله الا الله
سيلا وهي نازله وتغني ..معجبه مغرمه انا انا مش عايزه ال..... وتنحت
سيلا:وش فيكم ؟
لورا: تخيلي سيلا حرقوا كل الفساتين حقتي تخيلي حقارة البششر
سيلا تذكرت كلام راكان
مها:سيلا وش فيك ؟
سيلا :اممم لا مافي شيء بسس استغربت ..لورا وش بتسوين اللحين ؟
لورا:مدري والله مدري انشل تفكيري بس كندا قالت نأجله ونستأجر فساتين من اي مصمم لسه ماانعرضت ..بس انا ماابي كذا ابي الناس تشوف اللي سويته انا وتعبت فيه .."ورجعت تبكي"
ركضت سيلا عندها: ياحياتي انتي خلاص هدي نفسك ان شاء الله تورينهم في العروض اللي جايه ..يلا امشي معي علشان ترتاحين
لورا وهي زادت بكى ضمت سيلا بقووه:انتي احلى اخت في الدنيا
سيلا محتاره تعلم عن اخوها ولد امها وابوها ولا تسكت وتظلم لورا:وانتي بعد احلى اخت بالدنيا ..يلا امشي
راحو مع بعض ..وسيلا فكره توديها وفكره تجيبها
طبعا راكان هرب من البيت مايبي يشوف ردت فعل لورا ..وخالد كان مسوي انه نايم بغرفته خايف يبان شيء فعيونه
سيلا راحت لغرفة خالد
سيلا :خالد قووم بسرعه ..قوم يلا لاتسويلي فيها نايم انا ادري انك مو نايم بس تتهرب يلاا قووم
خالد:نعم وش تبيين لازم تقومين الواحد من نومته اففففف
سيلا:انت وراكان حرقتو الملابس اللي مصممتها لورا صح ؟؟

@نهاية البارت@