عنوان الموضوع : يابنات فزعه طلبتكم عطوني رايكم -بشرة صحية
مقدم من طرف منتديات نساء الجزائر

يابنات فزعه طلبتكم عطوني رايكم



بسم الله الرحمن الرحيم

والسلام عليكم ورحمة الله وبركاته

كيف حالكم عساكم طيبين

بحكم ان هالموقع كبير كلي امل انه يخدمني ان شاء الله

يابنات زواجي بمنتصف شوال وقدامي 3 شهور وشوي على التجهيز

رحت مشاغل وسألت واستفسرت عن برنامج العروس فكانت الاسعار

مختلفه من مشغل لمشغل فكانت الصدفه اني عرفت وحده اخصائية بشره ولها علاقه بالكريمات والمقشرات وغيرها

ومن ضمنها (ماء الذهب)

فكانت تقول انها تجيني للبيت وتبدا تهتم فيني قبل الزواج بشهرين ونص

وكلمتني عن ماء الذهب هذا وفوائده وروعته

والحين محتاره

اسوي برنامج العروس في الصالونات ولا في البيت مع موية الذهب

علماً اذا بالبيت راح اكتفي بالكريمات والمقشرات وماء الذهب بدون اي مياه ساخنه

او ادوات حاده تحطها بالشره وقالت انو اكيد اكيد البشره تتوحد وتصيري عروس بمعنى الكلمه نعومه وبياض

الحين وش اسوي؟

انا ميولي للبيت مع موية الذهب

اذا بالبيت مع كل شي من كريمات ومقشرات وماسك وماء الذهب يطلع ب3400

اذا بالصالون 3800

الي بالبيت الكريمات وغيرها راح تبقى معاي على مدار سنه اقدر استفيد منها بعد الزواج

ها وش رايكم

>>>>> ردود الأعضـــــــــــــــــــاء على الموضوع <<<<<
==================================


متى اغمض عيني وافتح والاقي ردود الشاطرات

بين والاخرى بكون اشيك

عاد الي بتفيدني ياهي بتحصل ذيك الدعوه بعتمة الليل

بخلي الكل يدعي لها


__________________________________________________ __________

اتمنى لك التوفيق .. بصراحه .. اول مرة اسمع فيه .. واكيدانها بتمدحه لك عشان .. تربح .. وهذى شغلتها .. اذا بغيتى بشرتك تتوحد وتصير نظيفه خاليه من العيوب .. انصحك بتقشير الكرستال . عند عيادة خاصه .. لان هي مو دكتورة بشره .. عشان تحدد لك شنو اللي ينفعك .. انصحك لاتغامرين ببشرتك .. لان مو كل بشرة تقبله . ممكن تخرب بشرك .. او ممكن ما تستفيدى شى بس تخسرين على الفاضي .

ونصيحه اذا بغيتى تسوين برنامج فى صالون .. لاتقولين انك عروس .. لانهم يستطمعون .. ويغلون لك السعر .. لان صارت معى مرة .. وحدة نفس البرنامج اللى انا اسويه بالضبط.. هى بسعر ارخص .. وانا سعر غالى .. عشان انى عروس ..

ونصيحه لوجه الله اذا بغيتى تسوين برنامج قولى انك تبين تسوين اشتراك .. لالالالا تقولين انك عروس . والله يضحكون عليك ..
نصيحه سوى اشتراك بحمام البخار .. فقط .. وقبل عرسك بيوم سوى باقى الشغل ..
وانا عن نفسي لم سويت اشتراك بحمام البخار .. كنت احط بالليل .. زيت الجلسرين + زيت اللوز + عصير ليمونه .. اخلطهم واحطه في جسمى وانام .. والصبح .. ازيت الشعرى .. بزيت جرجير + وزيت الخروع + زيت جوز الهند ... والعصر لما اروح للصالون .. اسوى حمام بخار لجسمى .. وبنفس الوقت حمام بخار للشعرى المزيت .. وكل اسبوع نفس الشى .. وسوى خلطه لنفسك .. شوفان + ليمون + ماء ورد +ملح سبا .. هذى الخلطه حطيها بعد حمام البخار .. وتتنظفين .. حطى خلطتك هذى تكونين مجهزتها من البيت وحاطتها في علبه .. وخلى يشغلون لك البخار لمدة 5 دقايق .. وتفركي فيها .. وبعدين غسلي جسمك وشعرك .. وبالهنا ..
بصراحه هذى تجربتى ..
وراح تلاحضى الفرق .ز وعقب ماتخلصين .. جيبي معك جل بيبي اويل .. تلاقينه يالجمعيه .. تدهنى فيه .. عشان جسمك يكون رطب ..

وبالنسبه للبشرتك . اذا تعانين من مشاكل روحى عند طبيب جلديه .. يعطيج كريمات .. احسن .. من خرابيط الصالونات .. والله نصيحه من اخت تحبك .. لايضحكون عليك الصالونات .. ويلعبونببشؤتك .. اوكى .. واي سؤال او استفسار انا حاضر ..
واخلطى مع صابون المغربي .. علبه فقس صغيرة ..


__________________________________________________ __________

الأخت الحلوة ذكرى ماقصرت
وانا معها بالرأي ....
تخسرين فلوسك عالفاضي
هالقسم مليان خلطات رااااااااائعة جدا ونتائجها تجنن ..
انا جربت الخلطة الصابونية ونتيجتها هائلة
مع اني ما اعمل حمامات بخار خارج البيت ..
بدل ماتعطين فلوسك للصالون اشتري بها الأشياء
اللي تحتاجينها واعملي كل شيء بنفسك افضلك
من هالصالونات ومراكز التجميل ..
اضافة الي اني لازم انبهك عن التكشف بجسمك امامهم
حراااااااااااااام عليك حبيبتي لاتستهينين بها لأمور...
انشاء الله اكون افدتك والف الف الف
مبررررررررررررررررررروك
الله يهنيك ويسعدك ويارب ..وتطلعين احلى عروسة .


__________________________________________________ __________

يوه احترت

يعني ماء الذهب ماحد جربه او تنصحوني فيه

احترت والله

المشكله كل وحده كلامها يعجبني ويقنعني

مع العلم راعية الكريمات كبيره بالعمر وبشرتها جوناااان

ابي ردود اكثر تكفون ساعدوني

يمكن اغير رايي واقتنع اكثر


الخوات الي ردو الله يعطيكم العافيه مشكوووووورات من الاعماق

ربي ينول الي ببالكم

قولو آمين



__________________________________________________ __________

سبحان الله

والحمدللــــــه..