عنوان الموضوع : هذي مشكلتي وياليت تساعدوني
مقدم من طرف منتديات نساء الجزائر

هذي مشكلتي وياليت تساعدوني



السلام عليكم ورحمة الله
إلى اخواتي انا عندي مشكله وياريت إذا احد يقدر يساعدني مشكلتي في بشرتي بصراحه مره تعبانه وهالات سودا وبقع وأنا حاولت ماخليت كريمات ولا خلطات بس للأسف من سيئ إلى أسوأ إذا وحده تعرف شيئ فعال ومجرب ياليت تفيدني أو دكتور ممتاز أقدر أروح له بس يكون في الشرقيه مكان إقامتي لأنو من جد هذا الشي الوحيد اللي مشوه جمالي ومأثر على نفسيتي خاصه إني في سن مراهقه ياليت تفيدوني وبكون شاكره لكم وجزاكم الله ألف خير..

>>>>> ردود الأعضـــــــــــــــــــاء على الموضوع <<<<<
==================================


الله يكون في عونك حيااتي أنا أتوقع أنُ بس وقت مرحلة المراااهقة
وبعدين يزول طبيعي لكن لا يمنع أن تعرضي نفسك على طبيب أو طبيبة جلدية تخاافي والله يكون في عونك


__________________________________________________ __________

السبب الفعلي لكون البشره مرهقه وتعبانه هو نوعية الاكل ممكن تكوني ماتاكلي زين او تاكلى بس ماتنوعي بالاكل ممكن استعمال فيتامينات تعوض النقص في الاكل وفي نفس الوقت ماتزيد الوزن اسئلي الصيدلاني عنها وخذي كفايتك من النوم واتمنى لك الصحه والعافيه


__________________________________________________ __________

اسمعي انا اقدر اساعدك بس ابيك تساعديني بنفسك وماتهملين اي نقطة اقولها لكـ لاننا ننصح بالبنات ونتعب وانتوا ما تسمعون الكلام..

أولا:: يوميا اشربي 2 كوب عصير برتقال عشان الفيتامين سي اللي فيه..

ثانيا:: نظفي وجهك ورقبتك يوميا باسكينول اي نكهة ولاتقربينه من عيونك ابدا..

ثالثا:: استخدمي صابونة البابايا 3x1 كغسول للوجه ولازم وضروري ومهم جدا انك اذا خلصتي وغسلتي وجهك تنشفينه على طول مو تخلينه بالمويه..وتحطين اي كريم مرطب وانا انصحك نصيحة اخت لوجه الله اخذي كريم جيليسويد مع عصير ليمونه واخطيهم وادهني وجهك وباقي جسمك يوميا فيها..

رابعا:: اذ تبين كريم يشيل التبقعات ويوحد لون بشرة الوجه اخذي كريم أفالون Avalon وهو كريم مبيض وآمن على البشرة وما منه خوووف .. بس نصيحتي ابتعدي عن الكيماويات يمكن ما تناسب بشرتك ياقلبي..

خامسا:: وهذي اهم نقطة اقوووووووولها لك بما انك تعانين من التبقعااااات يا قلبي.. اكتبي هالعلاج فديتك..

اخذي علبة زيت لوز مر+ علبة زيت جنين القمح يا قمر.. واخلطييييييها وحطيها بعلبة.. وادهني وجهك يوميا قبل النوم..ولاتنسين انه زيت جنين القمح كمان يشيل الهالات خلال اسبوعين الى 3 لو استخدمتيه بشكل منتظم.. والله ان هالخلطة روووووعه عن تجربة يا قلبي..
وزيت اللوزر المر هو اللي يوحد ويبيض لون البشرة ولا تستهينين فيه والله اني ادهن فيه المنطقة الحساسة وانه بيضها ووجهي منوووور عليه والحمدلله..

سادسا:: إياني وإياك تنسين كريم السن بلوك او واقي الشمس.. لانه الشمس اذا تعرضتي لها تبهت البشرة وتبقعها وتسمرها.. والواقي يحميك من كل هذا!! تخيلتي؟؟

حبيبتي وربي ما كتبت لك شي الا وانا مجربته ومدوامة عليه وبتشوفين خلال ايام معدودة بتبدأ بشرتك تصير ابيض وانعم وأحلى بس يبي لها عناية يومية.. لا تهملييييييييينها واشربي الفيتامين شي يوميا وشوفي وجهك.. وعليك بقيام الليل يا قلبي..

موفقة والسموحه على التأخير صار لي يومين مادشيت المنتدى..


__________________________________________________ __________

ألف شكر لكم يا أخواتي على مروركم ويعطيكم ألف عافيه بصراحه ما قصرتوا وبالذات اختي دلوعة خوخه الله يوفقك ويسعدك يارب ويجعله في موازيين حسناتك انا بسوي اللي قلتي وإنشالله يفيد معي ومشكوريييين


__________________________________________________ __________

ممكن تستخدمى عسل نحل +قرفة جميل جدا للبشرة