عنوان الموضوع : نرفض نعيش الذل ونلبس هدومه.... قصائد
مقدم من طرف منتديات نساء الجزائر

نرفض نعيش الذل ونلبس هدومه....



ودي أبدد حزني وانفض غيومه

وأصرخ بدنيا الحب ...وأزيد الأصوات

قلبي إنصلى من لفحته ..من سمومه

لين الليالي صارت جروح وآهات

هذا الحياء ضرايبه ..ذي رسومه

كتم المحبة.. والمشاعر دفينات

أول وتالي ..ناقشينِ وسومه

جاري مجاري الدم طبعٍ وعادات

نشوم من ذكر الغرام وعلومه

ونرجي قدرنا يجمع قلوبٍ شتات

نرفض نعيش الذل ونلبس هدومه

على المبادئ نشأونا ..عزيزات

نعيش حلم الحب نعشق سهومه

نعشق طعونٍ بالمحاني نديّات

واللي حياتي تبتغيه وتشومه

يكفيني منه الحب لو بعض نظرات

لو ينجرح قلبي وتنضح همومه

ببقى على عهدي وتشهد هالابيات

أقفى وعيني ترتجيه وترومه

أقفى وخلى دموع عيني ذريفات

حبه جرحني وزوّدت بي كلومه

نظرة عيونٍ ماكناتٍ صويبات

كان الحبيب وصار ألد الخصومة

خلا حياتي من غيابه معاناة !


منقول

>>>>> ردود الأعضـــــــــــــــــــاء على الموضوع <<<<<
==================================


تسلمين حبيبتي ع الطرح الرائع
يعطيج العافيه قلبي
دمتي بسرور


__________________________________________________ __________

تسلمين الغلا الف شكر لمرورج الرائع

دمتي بصحه وسعاده


__________________________________________________ __________


__________________________________________________ __________


__________________________________________________ __________