عنوان الموضوع : هذي قصيده رائعه للشاعر سالم ال قوافي
مقدم من طرف منتديات نساء الجزائر

هذي قصيده رائعه للشاعر سالم ال



هذي قصيده رااااائعه
للشاعر (( سالم البدوي ))
كل شبر بهالوسعيه ملك ربي تعلمين
وأعلم إن اللي خلقني هو خلق لك هالعيون
لكن أنتي من جلستي وأنتي فيني تحدقين
كن ما به ناس غيري بهالكراسي يجلسون
لو سمحتي عاد سمعي وحتى لو ما تسمحين
المهم اللي بقوله تسمعينه ويسمعون
ع الأقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركادة عاد زينة والحياء في البنت زين
وفيك آزم لا ركادة ولا حياءٍ يذكرون
تعرفيني أعرفك؟ ما أذكر إنا ملتقين
لا أعرفك من تكوني ولا تعرفي من أكون
وإطمأني أن كان قصدك بس فيني تشبهين
ما هو أنا اللي تعرفينه والبشر يتشابهون
ما دريتي من التشابه يخلق الله أربعين
وأعرف أربع يشبهنك بس والله يستحون
وإن كان قصدك شي ثاني عاد قولي وش تبين
خايف إنا نصير فرجة واللي ما أشتروا يتفرجون
وإذا ع البال عاجبتني لا يحوشك تحلمين
صج ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامة يلفتون
ولو توفر فيك هذا مع حلاتك تبشرين
ما هو أنا ألف غيري باب بيتك يطرقون
وش علامك رغم كل اللي أقوله وتسكتين
مو طبيعي هالسكوت وهالبرود وهالسكون
إنتي خرسا أسألك ولا مانك تسمعين
قالوا ربعي ذي كفيفة قلت لا لا تمزحون!!!
لين شفتك يوم رحتي يمسكونك باليدين
ما دريت إلا عيوني أربع أربع ينزفون
آه ياني منه مشهد يوم شفتك ترحلين
جيت اشوف عيون ربعي لقيت كل يدمعون
قلت سنّة هالحياة وحن ترانا مؤمنين
الله اللي مسيّرنّا بين كاف وبين نون
وكل أبونا نختلف مع إننا من أصل طين
سبحان يلي مصورنا ولله في خلقه شؤون
يعني حنا كل أبونا عاد إسمنا بنادمين
وليا قضى ربك أمر وقال له كن فيكون
فينا يلي رازقنه خير رب العالمين
وفينا يلي هو لعطفه بحاجة القلب الحنون
وفينا يلي ما شكى من علةٍ كالآخرين
صمٌ وبكمٌ وعميٌ فهم لا يفقهون
بس قليل عاد فينا للنعم هم شاكرين
والله يرزق هالخلايق من حيث هم لا يعلمون
وتدري عادك يالكفيفة حن تراى متشابهين
وإن ما عمت أبصارنا لقلوب أهم إليعتمون
يالكفيفة يالعفيفة إن قلت آسف تقبلين
يغفر الله ذنوب عبده ليا خطا وهل تغفرون



وسلامتكم

>>>>> ردود الأعضـــــــــــــــــــاء على الموضوع <<<<<
==================================


اذا فقد الحياء لدى النساء
سنفقد كلنا معنى الحياء .

. وان طالت بنا جنبات درب
فحتماً سوف نبقى في جفاء .

. ايا حواء قومي واسمعيني
لادم فيك اشياء واشياء .

. أيا أنثى حيائكِ فيه عشقي
فلا تستنزفي معنى الصفاء .

. فأنتِ بداخلي شيئاً جميلاً

كغيمةٍ بيضاء في وسط السماء .

. وكمهرةٍ عجز الرجال لعسفها
وكنخلةٍ ولدت من الصحراء .

. فلك الحياء مكمِلُ واذا فقد
سنفقد كلنا معنى الحياء .

راقت لـــي


__________________________________________________ __________

لاإله إلا أنت سبحانك إني كنت من الظالمين


__________________________________________________ __________

يعطيك العافيه


__________________________________________________ __________

المشاركة الأصلية كتبت بواسطة عطر انفاسى
يعطيك العافيه

الله يعافيك حبيبتي ..ممشكووره


__________________________________________________ __________

لاحول ولا قوة إلا بالله العلي العظيم