عنوان الموضوع : (اكذب عليك ان قلت ماني بمشتاق ):/ علي حزام الخريص قصائد
مقدم من طرف منتديات نساء الجزائر

(اكذب عليك ان قلت ماني بمشتاق ):/ علي حزام الخريص







القصيدة مُحرف في بعض أبياتها ، وانتشرت بـ كثير من المنتديات،


وهي لـ الشاعر :/علي حزام خريص الروقي
وهذه القصيدة كاملة :/

اكـذب عـليك ان قلت ماني بمـشتاق ... واكذب عليك ان قلت حبك نسيته
خـل الكلام اللي طعن صمت الاوراق ... يحكي لك الي مانطقت وحكيتـه
تعبت اجمــع مابقــالي من اشــواق ... واقول ليت الشـوق يفهم ياليتــه
ناظر عيوني شـوف تأثير الاشواق ... شوف الفرح وشلون بعدك جفيته
ياشيخــة الزينــات تلعات الاعنــاق... لاتقطعيـن الوصـل وصرح بنيتــه
ياشبـه برق في دجى الليـل بـراق ... اخـيــل بـرقه لاشــربت وضــميتــه
كتفي يشيل من الزمن فوق ماطاق ... والضيق يرضى بي وانا مارضيته
الى متى وانـا انتظـر لحظة اشراق ... الى متى والحــزن هـالقـلب بـيتـــه
الى متى والهـم ينحت بالاعـمــاق ... واسقيــه من فـرقـــاك دمـعِ بكـيتــه
ياصاحبي شف خاطري مابعد راق ... بنفس الطريق اللي ابتداء وانتهيته
ضاق المكان وكل شي بعد ضــاق ... حتى القصيــد اللي بقـلبي احتـويتـه
ياقـو قلبـك وانت محرقني احــراق ... ارفــق بحــال اللي بحــبك طــويتــه
عـمرالشعرماضيق صدور الاوراق ...الضيــق ضيقي لاكــــتبت وقريتـــه
تدري عزاي ان حـدك القلب تشتاق ... دور عــلي بكــل دربِ مـشــيتـــه
يمكن تلاقي درب بدروب الافــراق ... ويجــوز ربي كــاتبــه واهتــديتــه
ومـدام ربي في يـده قسـم الارزاق ... انا اقتنـعت بمـا قسـم لي ورضيتـه

.
.


شعر :/علي حزام خريص الروقي

والاهم أنها نالت استحسان متذوقي الشعر ...




>>>>> ردود الأعضـــــــــــــــــــاء على الموضوع <<<<<
==================================


كلماااات رائعه سطرت لناروعة في قمة رونقها

جمال مختلق داخلها

حروف تلامس رقة الأوتار

عوافي على طرحٍ بجمال الياأقوت

ماننحرم من ابداعك ..

ودي وتحياتي لك


__________________________________________________ __________

كتفي يشيل من الزمن فوق ماطاق ... والضيق يرضى بي وانا مارضيته
الى متى وانـا انتظـر لحظة اشراق ... الى متى والحــزن هـالقـلب بـيتـــه
الى متى والهـم ينحت بالاعـمــاق ... واسقيــه من فـرقـــاك دمـعِ بكـيتــه


صح لسااان شاعرها
وتسلم ايدك لنقلها
يعطيك الف عافية يالغلاااا


__________________________________________________ __________

روووعه تسلم ايدك عزيزتي


__________________________________________________ __________



هذا من تصميمي إهداء لـ المنتدى ، وهذه الكلمات العذبة والجميلة تستحق منا العنايه ...


__________________________________________________ __________

المشاركة الأصلية كتبت بواسطة انسياب نبض
كلماااات رائعه سطرت لناروعة في قمة رونقها

جمال مختلق داخلها

حروف تلامس رقة الأوتار

عوافي على طرحٍ بجمال الياأقوت

ماننحرم من ابداعك ..

ودي وتحياتي لك


يعطيك العافيه اختي
شرفتي متصفحي

لاخلا ولا عدم