اهات من طول العنا طاولتني
عنوان الموضوع : اهات من طول العنا طاولتني
مقدم من طرف منتديات نساء الجزائر
اهات من طول العنا طاولتني
***** آهــــــــات*****
آهات من طول العنا طاولتني
ونفسي من الفرقا وحالي صخيفة
جارت علي من الفراق وقصتني
غــزت ولـكن مانـوت بالنكيفة
بهمومها اللي شفت منها كوتني
هـذا الـذي خـلا حياتي مخيفة
باكر يروّعني وانا فيه فتني
وأقول ليت الغيب يبخل بحيفه
خيل السعادة بالهوى خالفتني
خالفت معها عيـد قلبي وريفه
هـبت هـبوب بالـنـيا عطشتني
وكم غالي قبلي ظما من وليفه
ليت الليالي عن غرامي نهتني
ولا بـدا زرع الأمـل منك هيفه
ولا أنها في غايتي خيّـرتـنـي
واختار أنا مرباع قلبي وصيفه
خل جـيوشـه بالمحبة غـزتـني
وأنا أسير للعيـون العـفيـفة
اغلي هـجـوس طول الأيام جتني
هاك الهجوس اللي تجيني بطيفه
لماضـيات أبغيها ماأنصفتني
والمقبلات أرجى عدلها خليـفـة
أتبع ظنون بالهوى ماشـفتني
أحسب حمولي بالمـحـبـة خفيفة
واليوم ظالمة المحبة طوتني
طي الورق يوم انطوى به خريفه
وأشباح ياسي بالهموم اعترتني
وأنا عليّ أسبـاب صـدك كليـفة
أشيـل حتفي راضـي فـوق متـني
واروح نفسي من حياتي معـيـفة
واقــول للي بالجفاعـذبـتـني
عسى الشقا من بيننا بالنصـيفة
شربت من فيض الشـقا واشبعتني
دنـيـاً مع الأحزان ضـدي حلـيفه
الشاعر: السامر
هذه القيده تعجبني وحبيت تشاركوني رأيكم فيها
>>>>> ردود الأعضـــــــــــــــــــاء على الموضوع <<<<<
==================================
خيل السعادة بالهوى خالفتني
خالفت معها عيد قلبي وريفه
أبيَات رائعَه
السامر شاااااعر من العيَار الثقيييل ..
ولااا ننسى إنه الداعم الأول لِـ المواهب الشعريّه
الله يعطيِك العَافيه نودي .. إختيَار أكثر من رائع
__________________________________________________ __________
مشكوره عزيزتي ميلاف
على مرورك الرائع
دمتي في حفظ الرحمن
__________________________________________________ __________
هـبت هـبوب بالـنـيا عطشتني
وكم غالي قبلي ظما من وليفه
نووودى
ذوقك خيال رووعه
يعطيك ِ العافيه
__________________________________________________ __________
عزيزتي nokia01
مشكورة على مرورك الأروع يالغاليه
__________________________________________________ __________
ليت الليالي عن غرامي نهتني
ولا بـدا زرع الأمـل منك هيفه
ابيآآآآآآآت رائعه
تسلمين عالاختيار نووودي
ودي لك عزيزتي
رد مع اقتباس
