عنوان الموضوع : عسى من حداني عن وليفي وانا باغيه<تحده ذنوبه مايجي الجنه
مقدم من طرف منتديات نساء الجزائر

عسى من حداني عن وليفي وانا باغيه<تحده ذنوبه مايجي الجنه



وجودي وجود اللي حداها الذراء والشبك
شعتهـا البـروق وذكرتهـا مرابعـهـا

تكسر عبايرهـا وتـرزم رزيـم ودبـك
عطت عمرهـا لامقـدم الشبـك جابعها

ولا تسمع الا عوقها يوم قال ابـك ابـك
ولا صبحـت لا راعـى الـذود بايعهـا

على اللي سكاكينه تحبك المفاصل حبـك
وقامـت مـدورة الفقـار تقاطعـهـا

وجودي عليك ووجد حالي وياما اصعبك
ظروفً حدتنـي عنـك مانـي بطايعهـا

ايا واحـداً لـوك بعيـدٍ علـيّ مقربـك
سكنت العيـون وكـن قلبـي منازعهـا

ولامني ذكرتك يالغلا والزمن قال إبـك
تداريك عينـي يـوم تـذرف مدامعهـا

تخاف الدموع بسيل الاشواق لا تشربـك
وتفقد عيوني صورتـك وانـت طابعهـا

انا البارحه لانـي بخاسـر ولا كاسبـك
وتلعب بي الفرقا علـى روس اصابعهـا

تذكرت بيـت اوحيتـه العـام ويناسبـك
واظنـه يناسـب حالـتـي ياملوعـهـا

بدون التزام بمذهـب القافيـه والسبـك
وكـل احترامـي للقصيـد ومراجعهـا

(عسى من حداني عن وليفي وانا باغيـه
تحده ذنوبـه مـا يجـي بـارد الجنـه)

علـى البيـت هـذا والضميـر ان بـدا يأنبك
فلي رغبتاً مدري متـى اكنـت تشبعهـا

ايا السالب اللي من عرفتك وانا موجبـك
ولا وين نفسي عـن مواصلـك تمنعهـا

ياليت الليالي في مكانـي شهـر تقلبـك
واصير بمكانك ، وانت ليتـك تجرعهـا

مرارة فراقـك يمكـن تحـس بمعذَبـك
ونفسك عقب طول المفـارق تراجعهـا

كتبتك بعمري بس اخاف الجفاء يشطبـك
ولا من شطبك الوقت رح عـاد رقعهـا

زمن يا مفرق شمل الاحباب انا بشاربك
قلوب الولايـف ليتـك اللـي تجمعهـا

كفانا قساوة خطوتك يـا زمـن طالبـك
وسومك على وجيه البشر من مدامعهـا

حداني على طرق التوجد حبيسة شبـك
سنا البرق ذكرهـا الولايـف وضيعهـا

سنه بالصطر لا روحت وارده تطربـك
ولكـن طويـل الوقـت عيّـا يطبعهـا

وانا مثلها رغم الجفا ما قدرت اشطبـك
عيوني على فرقـاك تـذارف مدامعهـا


مما راق لي
تحيتي

>>>>> ردود الأعضـــــــــــــــــــاء على الموضوع <<<<<
==================================


روووووووووووووووووعة الله يعطيكي الف عاااااافيية انتظر ابداعاتك يامبدعة


__________________________________________________ __________

وانا مثلها رغم الجفا ما قدرت اشطبـك
عيوني على فرقـاك تـذارف مدامعهـا

لافــــــض فـــو شآعرهآ ..


غآيه في الروعه والجمآل ,,



سلمت يمنآك عزيزتي ع النقل /


تقيم +نورتي همس القوآفي



ودي لك


__________________________________________________ __________

يسلموووو ع القصيده


__________________________________________________ __________

تسلم اناملك راائع


__________________________________________________ __________

تسلم اناملك راائع