عنوان الموضوع : واعيني اللي نومها ما هناها قصائد
مقدم من طرف منتديات نساء الجزائر

واعيني اللي نومها ما هناها



قصيدة قديمة لشاعر القدير : طلال السعيد ..


واعيني اللي نومها ما هنا هــا لامن تساوى الليل جاها بلاهــــا

قامت تهل الدمع من فوق خـــدي عبايرن حرق خدودي سناهـــــا

صرخة رضيع فاقدن شوف امـــــــــه والا خلوج ماخذين ضناهـــــــا

والا يتيم ظالمينه خوالــــــــــــــــه روحه بيد من لارحم وصاهــــا

والاسجين صكوا الباب دونه حال السقف من دون شوفه سماها

لاقلت انا ياعين يكفيك يكفيك يكفي ترى ماصاب نفسي كفاهـا

لاتسهرين المبتلي يالشجيــه خايف عليها من العما من بكاهـا

وراى الوم العين مالوم قلبي والقلب سبة سوها مع شقاهــــــا

شكيت همي للجبال الرواسي لكن ونين القلب كسّر صفاهــــا

وشكيت همي للبحور الغزيــــــره وساعت توحت ونتي نش ماهـا

وشكيت همي للهبايب وهبت أزرت تشيل هموم قلبي معاهــا

وشكيت همي للصحاري الوسيعــــه لكن ونين القلب ضيق فضاهــا

وشكيت همي للنجوم السواري لكن ونين القلب غطا ضواهـــا

وشكيت همي لليالي الطويله والصبح بان وونتي بمبتدهـــــا

رحت اشتكي للشمس من حرمابي والشمس غابت من خلاها بخلاها

وتخالط الظلام والنور عندي ماعاد أميّز صبحها من مساهــا

مالي جدا الا بس اطوّح ونيني ذي حالة اللي حاجته ما قضاها

ومن الندم عضيت بسرة يميني تلعب بي الحسرات وامشي بهواها

أقنب قنيب الذيب واعول عويله لامن تقضت عبرتن جا سواهـــا

كله سبب من لاعني بالموده واقفا وأخذ روح المعنى خذاهـا

غربلني المجمول وحرّق ضميري حط بحشاي جروح تنزف دماها

أربع سنين بالدقيقه نعدهـــا نشرب كدايرها ويشرب صفاهـا

أنا عذابه مشتقي به معنـــى وهو بعذابي بين ربعه تباهــــــا

أنا شريت القرب منه بروحي وعرضت له روحي وهو ما شراها

أنا عطيته كل عطفي وحبي وطلبت منه كلمتن ما عطاهـــــــا

يشوف حالي ما يهون عذابي يضحك وانا روحي عناها طواها

قلبي عليه وقلب خلي جفاني نفسي قوتني وهو نفسه قواهـــــا

أشكي من الحرمان وابكي جروح العليل الكايده وش دواهـا

ترجمت وناتي بمعنى القصيده وارجي عسى يبكي لها من قراها

يقول اللي حطم اللبين قلبه واعيني اللي نومها ما هنا هــــــا

>>>>> ردود الأعضـــــــــــــــــــاء على الموضوع <<<<<
==================================


رووووعه تسسلم الايادي ‏......تقيييم


__________________________________________________ __________

تسلمين يا قلبي ..


__________________________________________________ __________

يسلمو

قصيده رائعه


__________________________________________________ __________

الاروع مرورك ..


__________________________________________________ __________

رووعه تسلم يمناك ع النقل الرائع
يعطيك الف عافيه