شوفتك يمَه تنسيني اللي راح..! -خواطر
عنوان الموضوع : شوفتك يمَه تنسيني اللي راح..! -خواطر
مقدم من طرف منتديات نساء الجزائر
شوفتك يمَه تنسيني اللي راح..!
السلام عليكم ورحمة الله وبركاته
قبل تدخل قابلتني بابتسـامه
عينها بعيني تخاطبها (بصمت)
وطلعت حيَـه أميمتنا بسلامه
احمدك ربي لدعواتي (استجبت)
***
تعثًـــر دمعي يايَمــه وخــانت صوتي العبــره
....................اشوفك والتعب ضمك وليلي ماغفت به عين
تمنيت ورجيت الله يبـــدل روحــك العطــره
....................بروحي واخذ اسقامك واخليك بهنا تمشين
صبرتي كثير يايَمه على دنيا شكثر عكره
....................حنونه ..طيبه.. وحلمك أبد ماتملكه ثنتين
تجف بحور لدموعك تذوب لبسمتك صخره
....................يايمَه دمعتــك جمــره رجيتك يمه لاتبكيــن
اكابـر بالصبر وصــدود اشيـل الهم والحســره
....................اخاف تبين لك دمعه سجينه بعيني من شهرين
تغير لونك وجسمك ذبل والحال منكسره
....................تبدل حـالك وربي خبــير بحالتك تدريــــن
تعــلاً وجهــــك الشاحب وغابت حِـدة النبره
....................تمكنك السكوت اكثر واذا جد الحكي تحكين
لزمتك بالدعـا وآيه عظيمه للبــلا عثـــره
....................عساها طهر لذنوبك يااطهر طاهره تبقين
نسيت الناس يايمَه وعشتك يومي وبكره
....................ألين تعمًك الصحه واكبًر للشكر ثنتين
حفظك الرب يايَمه يانور ايامي وبدره
....................إلهي مِد في عمره وجنٍبها المرض آمين
***
المدينه ظلمه ووحشــه وأرق
من ورى شباكها الشمس ومباني
المدينه والطرق نفس الطرق
تختلف بعيون مرضى كم تعاني
>>>>> ردود الأعضـــــــــــــــــــاء على الموضوع <<<<<
==================================
روعه يعطيك الف عافيه
__________________________________________________ __________
ابيات قمه في الروعه
تسلمين يالغلا
__________________________________________________ __________
اسعدني مروركم العطر ألف شكر
__________________________________________________ __________
حفظك الرب يايَمه يانور ايامي وبدره
....................إلهي مِد في عمره وجنٍبها المرض آمين
آآآمين يآرب سلمت يمنآك ع النقل يالغلا ..
رآق لي ماطرحتي هنــآ ..
يقيم
نورتي همس القوآفي
ودي لكٍ
__________________________________________________ __________
بحَــة آلشوــوــوــقْ
اسعدني مرورك العطر ألف شكر
رد مع اقتباس
