صباحك خير ،،
عنوان الموضوع : صباحك خير ،،
مقدم من طرف منتديات نساء الجزائر
صباحك خير ،،
صباح الخير عالدنيا..صباح الورد والياسمين
صباح الخير لعيونكم
صباحكم صباح الخير
صباح كله هنا وسرور
صباح دافى
صباح كله امل وحبور
دعينا هنا ننثر كل مايروق لنا على صبح جديد متفائل..ينثر بداخلنا معانى البٍشر ببدايات يوم جديد..صباح الخير للوطن..صباح الخير للأم..صباح الخير للحب ،،، للصداقه ،، صباح الخير لابتسامة أطفالنا البريئة ،، ودعوات عجائزنا المجابه
صباح كله سعادة لكل اسرة منتدى سيدتي
>>>>> ردود الأعضـــــــــــــــــــاء على الموضوع <<<<<
==================================
صباح الخير ياعمري.. عسى عمرك صباح وخير
صباح الامنيات الحالمه.. والورد والمرمر
طيور القلب طارت لك .. وباقي في خفوقي طير
بـ يحضن حبك الخالد .. ويرعى بيتك الاخضر
من الغربه أنادي لك واناديلك .. واشوفك غير
أشوفك غير ما شفتك .. أشوفك اجمل وأكبر
وكل ما قلت اتغزّل .. يخون عيونك التعبير
أعوّد واعترف إني على التعبير ما أقدر
أحبك قد ما أحبك .. أحبك مالها تصوير
سوى انك ملكتيني وعشتي داخلي وأكثر
تعالي نترك الدنيا ورانا .. وآخذك ونطير
تعالي رجعيني لي .. وخليني أعود اسمر
تعالي من ورى شمسي .. تعالي نترك التبرير
شموخي واحتجاجاتي وصرخاتي .. بدت تصغر
أنا عاشق اذا جيتي .. وعاشق لو بدا تقصير
على كل حال انا عاشق .. وحبّك داخلي يكبر
نسيت أقول لك .. انك عناوين الفرح والخير
وذكرت آقول لك .. اني أحبك قد ما أقدر ●●●
__________________________________________________ __________
صباح الخير
ابي هالقلب يطمن
ابي منك صباح الخير
وانا وان كان لي موطن
ترى عيونك هي الموطن
أنا ظروفي من ظروفك
وعمري كلة يتجدد
اذا تطلع صباح الخير
ويجي مشرقها بحروفك
لـــ صرت بخير
اكيد يكون صباحي خير
ابي دايم تطمني على نفسي
من عيونك وفي قلبك
ابيك تكون انت بخير
عشان اكون من خيرك
وعمري يكون من عمرك
صباحه خير
__________________________________________________ __________
صبـــاح الخير ولا الخير يهدي لك صباحاته
صبـــــاح الـــورد يا ورد العــمر يا نغمة اشراقي
صباحك فـل واحلى فل يا طهره ونبضاته
صــباحك هو بياض الروح صباح الروح يا اوراقي
صبــــاح الصدق لامنه كتبني في معاناته
و صـــــــدق الصـــبح لمـــــيته"ست سنين"بأحداقي
تخيلها "ست سنين" وحلمي في ملفاته
بدولاب العمر يشهق! وانا اقول العمر باقي
ولا ليله نسـيت الحلم تخيل جرح لذاته
تخــــــيل كم هزيمه عشت وانا للضحك تواقي
لقيتك يا قــدر عمري على رغم انكساراته
لقيتك والعــجب طاغي و وردك ينتظر ساقي
اسميها حــكاية روح حلم يخون يقظاته
اسميها حكاية صبح صباح الحب واغراقي
صباح العشق لامنه نسى عمره ووقفاته !؟
وراح يقلب الدولاب و مـلفه مابه اوراقي !!
__________________________________________________ __________
لأمي الغالية ،،، صباحك خير ،،،
صباح الخير يا يمه .. صباح الحب يا عمـري
رضاك اجمل صباحاتي وزعلـك والله يشقينـي
غلاتك تاج ٍ براسي .. وسام ٍ في وسط صدري
يفرحنـي فـرح قلبـك وهمـك دوم يأذيـنـي
عيونك شمسي يا يمه وجبينك بدري يا بـدري
يا يمه يا ضيا هالبيت يا نور الدنيا في عينـي
تحملتي شقانا وصار يجاريـك الشقـا.. أدري
تدارين الحزن لأجلي عـن الضيقـة تدارينـي
تعزيني علـى نفسك..تزيـدي بالغـلا قـدري
عسى الله يطول بعمـرك ويقدرنـي ويخلينـي
أشيلك فوق اكبر راس .. أبيع الغالي لك وأشري
رضا المولى وبعده رضاك أمل دنياي بسنينـي
لبست الأبيض بمهدي ولبست الأبيض بصغري
سمعت وعـود دعواتـك إن الله بلغـك فينـي
وجيت اليوم يا يمه بثوبي الأبيـض وعطـري
وأبي ذاك الوعد يمه مثل مـا انتـي وعدتينـي
صباحك سعد يا يمه .. يا حب بمهجتي يسـري
في ضحكاتك وبسماتك تكـون الدنيـا بيدينـي
تخليني بكلمة حب يا احلى مـا كتـب فكـري
وانا اتغنى في اوصافك .. أحس الفرحه تمليني
سهرت الليل لعيونـك أخـط بدفتـري شعـري
وأنا ادري يا بعد راسـي دفاتـر مـا تكفينـي
__________________________________________________ __________
سعدت بمرورك غاليتي
رد مع اقتباس
