عنوان الموضوع : اعجبتني واتمنى ان تعجبكم قصائد
مقدم من طرف منتديات نساء الجزائر

اعجبتني واتمنى ان تعجبكم



السلام عليكم ورحمة الله وبركاته
هذه قصه قريتها واعجبتني ونقلتها لكم اتمنى انها تعجبكم


الزمان : اثناء حرب الخليج 28/1/1991
المكان : احدى الكتائب العسكريه السعوديه في الحدود الشماليه للمملكة
الساعه :5 فجرا
اعلن في الكتيبه امر التعبئه السريعه لتغيير المكان وهو اجراء روتيني يتم فعله كل بضعة ايام ,واحيانا يكون اجراء تكتيكي لأسباب عسكريه بحته .
استيقظ الرقيب خالد على صياح بعض زملائه وهم يفككون شراع الخيمه من فوقه , فعرف انهم مغادرون ..
وكان خالد طويل القامه ويميل الى البياض , تقاسيم وجهه متناسقه وتدل على الطيبه ..
قام ورتب اغراضه بسرعه وجرى الى ساحة العلم حيث كان يؤخذ التمام (اجراء العد)
وبينما هو يجري سقطت منه رسالة ,ولم يلاحظ سقوطها
الساعه :7 مساء
بينما كان الرقيب خالد يرتب اغراضه في الموقع الجديد ,تذكر الرساله , فاراد ان يطمئن لوجودها ,تحسس جيوب بدلته ,وصعق حين لم يحس بوجودها , وبحركه سريعه لاينافسها في السرعه الا نبضات قلبه ادخل يديه في كل جيوب البدله , ولكن محاولاته في البحث عن الرسالة بائت بالفشل !!
خرج خالد مسرعا من الخيمه ذهب الى كل مكان وطئته رجليه في الموقع الجديد بحثا عن تلك الرسالة , ولكن ايضا لم يجد شيئا , فايقن انه فقد الرساله في الموقع القديم , فذهب مسرعا الى خيمه اخرى مخصصه لنوم الجنود , وكانت تعج بالجنود والصياح ,فدار بعينيه المكان , حتى وقع نظرة على العريف احمد , فذهب اليه وربت على كتفه طالبا منه اللحاق به الى خارج الخيمه .. ففعل .
كان احمد اعز اصدقاء خالد , على الرغم من احمد ليس لديه الكثير من الاصدقاء لخشونة طبعه الا ان خالد يعرف الانسان الذي خلف هذا الجسد ,ويحبه , وكان احمد اقصر من خالد واصغر منه ,ولكن الذقن الذي يتزين به يزيده عمرا ..
احمد : هلا ابو خلود
خالد : هلا احمد ابيك بخدمه
احمد : امر ؟؟
خالد: مايامر عليك عدو , بس فيه غرض نسيته في محلنا القديم , وابيك تساعدني نروح نجيبه .
احمد : انت انهبلت ؟؟ دام انك نسيته انا رايي تنساه على طول
خالد: تكفى واللي يرحم والديك انا ماراح يجيني نوم ولاارتاح لحد مالقاه
احمد: والله ودي اساعدك بس احنا في حالة حرب وانت عارف وش هي عقوبة الخروج من المعسكر , وبعدين على ايش تبينا نروح ؟ لاانت ولاانانعرف وين كنا فيه ولا وين احنا فيه الحين ؟ وبعدين وش هالشيء اللي ماتقدر تعيش من دونه ؟
خالد وعلى وجهه اثار الاسى : ضيعت رسالة ميسون
تغير وجه احمد لانه يعرف قيمة هالرساله عند خالد
احمد : طيب وشلون تبينا نروح ندور عليها
خالد : اخوك محمد
احمد: محمد؟؟ ...انت عارف اني ماكامت محمد من يوم وفاة الوالد , وانت عارف نوعية العلاقه بيني وبينه !!!
خالد: انا عارف ,بس محمد هو الوحيد اللي نعرفه في الفصيل الاول , وهو اللي يعرف موقعنا القديم ,والجديد , وبعدين لو المسألة مب خطيرة ,ماكان طلبت منك هالطلب ولا حطيتك في هالموقف
احمد : طيب..بس.. كيف تبينا نروح هناك
خالد : ابروح اكلم يوسف في التموين وابشوف اذا ممكن يدبر لنا سياره وانت رح جب محمد
احمد : طيب وين القاك
خالد: تلقاني عند خيمة التموين
وصل احمد لم خيمة الفصيل الاول واول مادخل وقع نظره على محمد فاشار له يطلع برا الخيمه
كان محمد اصغر من احمد وهو محبوب من الجميع الا اخيه
محمد (وهو يحاول ان يخفي علامات الاستغراب ):هلا احمد كيف الحال
احمد: شف لو ان المسالة لي كان ماجيتك بس خالد يبي مساعدتك وش قلت
محمد (بنبره حاده ): الى متى بتصير حاقد علي ؟؟ابوك اللي مات هو ابوي بعد.. الى متى بتعاملني كني انا اللي ذابحه ؟
احمد : ممتاز انك تذكرت انه ابوك لانك ماكنت تتصرف على هالاساس
محمد :ياخي يكفي العذاب الي انا فيه , يعني تتوقع اني ماعرف غلطتي ؟ ياشيخ صعودي على ذيك الرحله قبل وفاة الوالد كان اكبر خطا ومنيب محتاج تذكر ني
احمد: تبي تساعدنا ولا لا؟
محمد: وش هي المشكله ؟
احمد: تعال وانت تعرف وراحو متجهين لخيمة التموين
وفي هالاثناء
خالد: تكفى .. السيء اللي فقدته عزيز علي مره
يوسف : ودي اساعدك بس ماعندي ولا سياره جاهزه انت عارف اننا تونا منتقلين وتجهيز السيارات يصير باليوم الثاني ........ بس
خالد : بس ايش
يوسف : تعرف عبدالمحسن من مكتب رئيس الكتيبه ؟
خالد: ايه الصغير اللي توه داخل الجيش ماله شهر
يوسف : ايه هو .. هذا معه سيارة الميجور الامريكي عشان ينظفها ويعبيها ديزل
وانا ممكن اكلمه يعطينا السيارة الليله
خالد: تكفى ... مافيه الا ذا الحل
وفي هذا الوقت جا احمد ومحمد وذهبو جميعا الى مخيم رئيس الكتيبه بحثا عن عبد المحسن فوجدوه نائما داخل السياره ..فتح يوسف الباب واستيقظ عبدالمحسن بسرعه ورفع مسدسه على يوسف
يوسف: هديء اعصابك انايوسف من التموين ومعي بعض الزملاء ونبيك بخدمه
عبد المحسن (بعد ان ارتسمت ابتسامه على محياه):خدمه.. آمر ..وش ممكن اخدمكم فيه
يوسف: نبي الموتر
عبد المحسن :هاااه .. ماقدر اعطيك اياه هذاعهده علي من الميجور ..ممكن يفصلوني اذاضيعته
يوسف :حنا ماراح نسرقه حنا نبيه بس ساعتين
عبد المحسن بعد تفكير والحاح من يوسف :طيب بس اجي معكم
يوسف :ميب مشكله
ركبوا جميعا السياره متوجهين للموقع القديم , دليلهم محمد ويقودهم عبدالمحسن ,ومرت ساعه
يوسف : طيب وش انت فاقد ؟علشان ندور معك ؟
خالدبعد تردد) رسالة من شخص عزيز
يوسف : ايش ؟؟ جايبنا هنا وحاط مستقبلنا في خطر علشان ورق ؟؟انت انهبلت؟؟
محمد(عاتبا): ماهقيتها منك ياخالد
خالد: انا اسف ياشباب هاذي رسالة كتبتها لي زوجتي قبل ماجي هنا وانا كتبت عليها في الجهة الثانيه في حالة صابني شيء لاسمح الله , والرسالة غاليه علي بالحيل , ولاكان ماحطيتكم بها الموقف
عبدالمحسن : طيب يالله بسرعه خلونا ندورها علشان نرجع , انا قلبي بدا يعورني
وبدو يدورونها على انوار السياره وبعد مده , صرخ احمد:اظني لقيت شيء؟
فنظر خالد , ثم سقط على ركبتيه وحمل الرساله وشمها ,وضم الرسالة الى قلبه .
وقال : هذا عبير الغاليه ميسون


هذا الفصل الاول
وماراح اكمل الا لما الاقي ردود وتفاعل مع القصه

>>>>> ردود الأعضـــــــــــــــــــاء على الموضوع <<<<<
==================================


الله

قصة روووعه

انا فى انتظار التكملة

ياريت تكمليها بسرعه ...

تسلمى ياالغلا

تحياتى لك

مرمر


__________________________________________________ __________

يعني ماحد عبرني غيرك ياميرا م
طيب تستاهلين بكمل لعيونك


__________________________________________________ __________

(الفصل الثاني)
*************من هي ميسون*****************
ركبو جميعا السياره عائدين الى المخيم ..
قطع عبد المحس السكون بقوله :اقول خالد ,انا عارف ان مابيننا معرفه , بس ابقولك الصراحه, انا اول مره اشوف علاقه زوجيه مثل علاقتك بزوجتك, واللي اعرفه ان توك معرس ,يعني مادخلت,’اكيد انها من الجماعه ولا؟؟
يوسف(بعد ان ضرب عبد المحسن على راسه):اقول وراء ماتستحي على وجهك وتناظر طريقك ,مابقى الا البزران يتكلمون عن العرس!!
خالد وهو مبتسم:والله انتو ياشباب ماقصرتو معي ,وراح اقولكم قصتي مع ميسون من الالف الى الياء ,بس اللي ينقال في السياره مايطلع منها ,,اوكيه؟؟
عبدالمحسن وهو متحمس:اوكيه
محمد ويوسف : اسلم
خالد:سلمتو..احمد يعرف القصه كلها ..القصه بدت في سوق العويس في يوم خميس رائع..كان دوري اني افتح محل الوالد في ذاك اليوم ..لانه يوم اجازة الوالد..وكنا انا واخواني نتناوب على الخميسات ,,وكان محلنا عباره عن ملابس نسائيه جاهزه..وجيت للمحل متاخر حوالي الساعه 10 الصبح, ولقيت عند المحل وحده في بداية العشرينات ووحده اكبر منها بكثير, تبين بعدين انها امها ,واول مافتحت المحل دخلت هي وامها بدون احم ولادستور,وجت البنت :انت خالد؟؟
انا: ايه انا خالد ,اذا كنتي تبين تسالين عن البضاعه الجديده ترى ماعندي بها علم ,
قاطعتني ,وقالت:ليش تاخرت؟
انا : عفوا ياخاله المحل محلي واجي متى مابغبت .
قالت :انا زبونه دايمه هنا
انا:تشرفنا المحل محلك ,شوفي اللي يجوز لك ,وادفعي سعره ,ولا توكلي على الله
ميسون:انت وش فبك جفس؟ انا ماجيتك اشحد
قاطعتها امها :ميسون انهبلتي؟؟
والتفتت علي الام وقالت :هذا بكم ياشيخ ؟
انا:هذا ب70 واعطيك اياه ب65
ميسون :65 ,تبي تلعب علينا انت
انا:والله هذا مكسبه 5 ريال يعني مايرضيك ابيعك اياه بخساره ..
ميسون :اجل لاعبين عليك انا شايفته بمحل ثاني ب50
انا:جيبيه لي واشتريه منك ب55
ميسون:انا مانيب فاضيه اجيبه لك ..المهم ..هذا قماشه زين ولا خرابيط ؟؟
انا:ازين من اللي اشين منه
ميسون: ماش انت ماعندك علم ,الله يهدي صالح اللي دلنا على محلك
قالتها وهي تسحب امها وتطلع براء المحل ..
وانا تذكرت ان صديقي صالح قالي ان امه واخته يبي يجون لم المحل ,وكان يبيني اتوصى بهم .. وانا نسيت المسأله كلها ,,
فرحت ادورهم في المحلات القريبه,مالقيتهم..فقررت اني اتصل على صالح بالعصر علشان اعتذر منه..بس الصراحه الاعتذار ماكان السبب الرئيسي ..
جاء العصر ,ودقيت على رقم بيت ابو صالح ,وردت علي ميسون ,على طول تذكرت صوتها
ميسون:الو؟؟
انا:الو ,مساء الخير
ميسون(بصوت عالي ):انت ماتستحي على وجهك ؟؟
انا:عفوا؟؟
ميسون: انت ماعندك خوات تغار عليهم ,ماعندك شغل الا ازعاج بنات العالم,ترى رقمنا مراقب ,ونبي نجيبك ,وبخلي اخواني يجلدونك لين تقول بس ,ثمن يودونك للشرطه تشوف شغلها معك يالحمار
انا(مدري وش اقول):عفوا اختي ..انا خالد صديق صالح ,, صالح فيه؟؟ممكن اكلمه اذاماكان فيه ازعاج ؟؟
ميسون بعد ماسكتت لحظات:اووووه..طيب ورا ماقلت كذا من الصبح ؟؟..لحظه..
بعد شوي رد علي صالح
صالح: هلا ابو خلود ,,آسف لسوء التفاهم اللي صار مع اختي قبل شوي ,ياخي فيه واحد حمار مزعجنا بهاالتلفون ,مع ان ميسون ماتقصر معه ,تعطيه من الحامي ,بس مايتوب
انا: عادي يارجال عندنا وعندكم خير .. المهم .. انا بغيت اعتذر منك عن اللي صار مع الاهل اليوم في المحل , الصراحه ماعرفتهم , وطلعو من المحل زعلانين , وانا جبت القطعه اللي كانو حاطين عينهم عليها
ابعطيهم اياه هديه من المحل .
صالح: مافي داعي يارجال وما صار الا الخير
انا:عاد جبت القطعه وماابيك تفشلني , ومنها نشوفك يالقطوع
صالح : دامك معزم اجل ورا ماتجي تتقهوى عندنا الليله ؟؟
انا:تم..اجيك بعد صلاة العشاء مناسب ؟؟
صالح : مناسب
صليت العشاء ورحت لم بيت ابو صالح ..ودقيت الجرس رد علي صالح ,هلا خالد انا بدورة المياه ادخل بالخيمه دقايق واجيك ,
دخلت وجلست ,لقيت جريدة اليوم ..فتحتها وقعدت اقرا ..بعد شوي دخلت ميسون تحسبني صالح ..
قالت: سلام
واخذت وحده من المجلات وجلست
انا تنحنحت ..بس مانتبهت
قالت: ترى خويك خالد شايف نفسه بالحيل , يعني مادري من اللي معطيه الانطباع انه وسيم ولا فوق الناس ؟؟ وانا الصراحه ماندمت اني قلت عنه حمار في التلفون , حتى وانا غلطانه , مادري اول ماشفته مادخل قلبي ,ويوم سالته عن قماش القطعه قال : ازين من اللي اشين منه (قالتها وهي تقلد صوتي باستهزاء ), يعني انا ماقول الا الله يعين زوجته عليه . مع اني اتمنى وادعي ربي انه مايكون متزوج , يعني حرام تنظلم معه زوجته ,(وسكتت شوي ..ثمن كملت)حتى لو كان وسيم شوي , وطويل , هذا مايعطيه الحق انه يتفلسف على الناس , لاويوم سالته عن قماش القطعه قال............
(قاطعتها انا بصوت عالي شوي ):وقلت من ورا الجريده وانا ابتسم : ازين من اللي اشين منه
هي سمعت صوتي من هنا .. ورمت المجله .. وركضت لم جوا البيت من هنا
وبعد دقايق جاء صالح , وكان واضح من انه ماعرف وش اللي صار , وانا استحيت اقوله ,والصراحه ان طول المده اللي كانت جالسه فيه معي كنت رافع الجريده واحاول اني ماناظر فيها ,بس اول ماحسيت انها تبي تروح وهي في طريقها لم باب الخيمه مسرعه ,,لمحتها .. وياليتني مالمحتها ..كانت اجمل مخلوق شافته عيوني , كانت لابسه قميص احمر , ورافعه شعرها ,وكانت بيضاء لدرجة ان اللون الاحمر صار اغمق من الدم .. طول ذيك الليله مانمت قعدت اصلي واطلب المغفرة , لان الذنب اللي سويته في ذيك الليله شعرني بسعاده غريبه مثل سعادة واحد سرق اكبر بنك في العالم ولااحد درى عنه..وجاء وقت صلاة الفجر ..وبعد الصلاة , وانا ماشي مع الوالد من المسجد للبيت ..
قلت له :وش رايك تصير جد؟؟
التفت علي وابتسم , واسرع بخطواته ..
قلت له : انا اكلمك ..وراك عجل ؟؟
التفت علي (وهو يبتسم):اببشر العجوز
عبدالمحسن مقاطع كلام خالد : ياشباب فيه شيء غريب بالمخيم..
وكانت يده تؤشر على المخيم
_________________________
___________________________________


__________________________________________________ __________

الفصل الثالث
*******************************العار************** ***
الجميع احس ان هناك شيء غريب في المكان فالسكون غريب, وتكاد تكون كل الانوار مطفاة ,, وفجاءة ..
فتحت كشافات المعسكر كامله وكانت جميعها موجهه نحو السيارة , وبعد لحظه من الزمن بدا يتبين الموقف , فكان جمع كبير من الجنود موجهين فوهات مدافعهم ومسدساتهم نحو السيارة , وتبين ان قائد الكتيبه موجود ايضا ..
همس اللواء قائد الكتيبه مع مساعده العقيد , وذهب ..
امر العقيد مجموعه من الجنود , بانزال كل من في السياره , والذهاب بهم الى خيمة الحجز ..
السكون كان يعم المكان في خيمة الحجز , وكسر عبدالمحسن حاجز الصمت بقوله :وش راح يصير فينا ياجماعه
يوسف : هاذي يسمونها عصيان اوامر عليا اثناء الحرب , وفيها ذبح,خلونا نتمنى انها تصير على فصل تاديبي , بس لازم نجيب سبب مقنع لخروجنا من المعسكر ..
محمد: تبينا نكذب ؟؟
يوسف : انت شايف حل ثاني ؟؟لو نقولهم انا رحنا علشان نجيب رساله ماراح يصدقوننا . وراح تبدأ الشكوك
احمد: انا رايي من راي يوسف نعطيهم سبب مقنع
عبدالمحسن : انا ماعرف اكذب .
وبدا صوتهم بالارتفاع ..
يوسف : شف انا ماراح اموت بتهمة الخيانه
محمد : انا اقول نقولهم الصراحه وندعي ان الحكم يصير مخفف ..
تكلم خالد بصوت عالي :ياشباب ؟؟
سكت الجميع ..
خالد: انا آسف جدآ اني جريتكم معي ,وسببت لكم هذي المشاكل , وانا راح احلها لكم,بنقولهم اني اجبرتكم وبقوة السلاح ,وبكذا تطلعون منها ..
احمد:انت انهبلت ..ماحد منا راح غصبن عنه ,,
وقطع كلامه صوت الجندي يدخل الى الخيمه ,ويطلب خالد للتحقيق معه ,وراح خالد ودخل الى خيمه اخرى , وكان موجود فيها العقيد . مساعد رئيس الكتيبه , والميجور, وجندي سعودي يكتب المحضر ..
مرت نصف ساعه قبل ان يعود خالد الى خيمة الحجز ..
وذهب بعده يوسف .. ثم احمد .. ثم محمد..ثم جاء الدور على عبدالمحسن ..
وكان يسال كل واحد ياتي من التحقيق , ولكنه لاياخذ اجابه شافيه
فالكل ياتي من التحقيق منهك ولايريد الكلام .. ذهب عبدالمحسن الى خيمة التحقيق
قال له العقيد :هلا عبدالمحسن ,,تفضل اجلس ..بالله قلنا وش القصه , وشلون جرجروك ذا السرابيت معهم ..انا عارف انك عاقل ومنت راعي خرابيط .
عبدالمحسن: الصراحه اني انا السبب ..انا كان عندي غرض ..قاطعته ضحكه كبيره للعقيد ..
العقيد: كان عندك غرض ناسيه في الموقع القديم .. واجبرت البقيه على انهم يجون معك !!..الصراحه..انا حققت مع ناس واجد بس مثلكم ماشفت , بالعاده ندور على المذنب ,وانتم كل واحد يقول انا !!
واشر على الجندي ..فاخذه لخيمة الحجز
ومرت الدقائق كسنوات على الخمسة المحتجزين ..وبعد صلاة الفجر في اليوم التالي , دخل العقيد الى خيمة الاحتجاز , وامر المحتجزين باتباعه الى خيمة قائد الكتيبه ..اللواء..
دخلو وادو التحيه جميعا ,ثم قال قائد الكتبه : اني اخجل ان اعلم وجود نوعيتكم في كتيبتي , انتم عار على السعوديه ,
خالد :سيدي , فيه حقيقه يجب ان تكون معلومه لسعادتكم ..
اللواء : انا ماعطيتك الاذن بالكلام يارقيب ..الحين انتم مالكم مكان في كتيبتي , ولمعرفتي السابقه بةالد احمد ومحمد , راح اخفف الحكم الى فصلكم فصل تاديبي , وراح يكون فيه تحقيق معكم بعد انتهاء فترة الحرب , والحين ابي اعرف السبب الحقيقي , وش طلعكم من المعسكر ؟؟
خالد : انا نسيت غرض في مكانا القديم , واخذت محمد واحمد علشان يدلوني , ويوسف دبر السيارة عن طريق عبد المحسن
اللواء : يعني انت الراس المدبر ؟؟
خالد: نعم طال عنرك , وانا اللي استحق العقوبه
اللواء :وش الغرض اللي نسيته ؟؟
خالد: رسالة من شخص عزيز
اللواء :وش قلت ؟؟ رسالة؟؟ انت شيف هذا سبب مقنع ؟؟..من مين هذي الرسالة؟؟
خالد: من زوجتي
اللواء (وهو يحاول اخفاء علامات الاندهاش): طيب طيب انا عندي سببين لفصلكم , الاول اللي قلته , والثاني انكم مجرد اطفال لانكم شاركتو في عمليه تافهه وسخيفه , انا قررت افصلكم فصل تاديبي , وراح اوفر لكم وسيلة نقل علشان تروحون فيها لم الدمام , وتسلمونها هناك عند قيادة الاركان , والحين ابغاكم تسلمون اسلحتكم وشاراتكم للعقيد ومع السلامه , تاخذون عفشكم وتمشون الان
----------------------------------------------------------
----------------------------------------


__________________________________________________ __________

آسفه يابنات انتظروا الباقي بعد اسبوع
لاني مسافره ادعولي ارجع بالسلامه