عنوان الموضوع : بسوي مثل ما اشوفك تسوي و افعل افعالك لحامد زيد روووووعه << لعيون لمينداآأإأ -همس القوافي
مقدم من طرف منتديات نساء الجزائر

بسوي مثل ما اشوفك تسوي و افعل افعالك لحامد زيد روووووعه << لعيون لمينداآأإأ



××××××××××××


عفا الله عن خطا غدر الخناجر و الضلوع ابطال
باسامح و اتركك تحت الظلام الحالك لحالك
دخيلك وفر دموعك ترى هدر الدموع اذلال
و ترى ما فيه احد يصبر مثل صبري بغربالك
انا عيب علي انقض كلامي و الرجال افعال
و اذا قلت اقطع حبالك تراني بقطع حبالك

××××××××××××

عشان اكسب هدب عيني تجرعت العذاب اشكال
و ليتك تراف بحالي علشان اراف بحالك
مسوي في حياتي شي مايذكر و لا ينقال
حتى العدو و اهو العدو ما يعمل اعمالك
تمسيني على الهم و تصبحني على الغربال
تقلطني فناجيلك و تقصر عني دلالك

××××××××××××

تحملت التعب لاجلك و انا حملي يهد جبال
رحلت من العذاب و ما وقفت الا على جالك
علامك كلما اجيك متواضع جيتني تختال
معاك اليا متى باصبر و صبري معك يحلى لك
مثل ما اقبلت لعيونك لزوم تلدلي باقبال
و مثل ما قد حشمتك حس و احشم قلبي اشوالك

××××××××××××


انا محد بجابرني اساير معك هالمنوال
ترى ماني تبيع لك و لاني اصغر عيالك
انا حبيت اعشقك نبض و مشاعر ما اعشقك تمثال
انا جيت اسكنك و احياك و ابقى فيك وابقى لك
انا جيت اب ظمى عاشق تعب يطرد سراب اللال
انا جيت استفز رضاك من فرقاك و الجا لك

××××××××××××


انا ما همت بك عاقل انا كنت اعشقك بخبال
انا ما كنت احبك حي انا كنت اعشقك هالك
تخيل من كثر ما خفت تلقى للزعل مدخال
اخاف اخطي على طيفك و ادوس برجلي ظلالك
تبعتك و العرب تتبع رعود البارق الهمال
و انا شفت المطر يتبعك في حلك و ترحالك

××××××××××××


كأن الي خلق حسنك خلقني مع جسدك ظلال
و صرت اقرب جسد يمشي معك باقفاك و اقبالك
ابي قلبك يحس انه فقد بمحبته رجال
ملكته من هدب عين و خسرت ارضاه باهمالك
صحيح ان الفراق اقسى ولكن الوصال محال
و انا صعب على ارضي غرورك و اضعف قبالك

××××××××××××


بعد ما حققت عيني فبعدك للرقاد امال
اعود للسهر يا خوي فال الله و لا فالك
ببدل نظرتك فيني و اجي لك كل يوم بحال
باكون اقرب من ثيابك عليك و لا اتهيالك
بالمك و انثرك و اجمعك و ارجع انثرك باهمال
باخونك و ازعلك و ارضيك و ازعل منك وارضى لك

××××××××××××


ابرسم بالثرى وجهك و ابدفن صورتك برمال
ابشكي للعرب فرقاك و اضحك عند عذالك
ابهديك الوصال فراق و اهديك الفراق وصال
با سوي مثل ما اشوفك تسوي و افعل افعالك
عشان تعرف من فينا الزعول و من وسيع البال
ابيك تذوق فنجالي و انا باذوق فنجالك

××××××××××××


نصيحه و احتفظ فيها قصر معك الزمن او طال
ابي تسمع كلامي زين و تحطه على بالك
اذا حبك هبال اطفال لك عندي هبال اطفال
و لا و ابشر بعد بهبال حب ما هو بهبالك
و اذا قصدك تهين اسمي عشان تشمت العذال
ترى لا انت و لا غيرك و لا عشره من اشكالك

××××××××××××

لميندا
وانا عند وعدي
وان شاء الله تعيبكم

>>>>> ردود الأعضـــــــــــــــــــاء على الموضوع <<<<<
==================================


با سوي مثل ما اشوفك تسوي و افعل افعالك
عشان تعرف من فينا الزعول و من وسيع البال
ابيك تذوق فنجالي و انا باذوق فنجالك

××××××××××××


نصيحه و احتفظ فيها قصر معك الزمن او طال
ابي تسمع كلامي زين و تحطه على بالك
اذا حبك هبال اطفال لك عندي هبال اطفال
و لا و ابشر بعد بهبال حب ما هو بهبالك
و اذا قصدك تهين اسمي عشان تشمت العذال
ترى لا انت و لا غيرك و لا عشره من اشكالك

ترى يعجبهااااااااا هذااااااا المقطع وحتى انا
يسلموووووووووووووووووووووووو اميره بجد بعد حامد زيد ما تلاقي
فديته والله وفديتك يأميره والله بجد كلمااااااات تشفي نفس


__________________________________________________ __________

برسم بالثرى وجهك و ابدفن صورتك برمال
ابشكي للعرب فرقاك و اضحك عند عذالك
ابهديك الوصال فراق و اهديك الفراق وصال
با سوي مثل ما اشوفك تسوي و افعل افعالك
عشان تعرف من فينا الزعول و من وسيع البال
ابيك تذوق فنجالي و انا باذوق فنجالك

××××××××××××

الله الله عليك ياميره مبدعه مشاء الله انتي شكلك تقربي لحامد زيد ههههههههه


__________________________________________________ __________

انا ازين بيت عندي هذا
ابرسم بالثرى وجهك و ابدفن صورتك برمال
ابشكي للعرب فرقاك و اضحك عند عذالك
ابهديك الوصال فراق و اهديك الفراق وصال
با سوي مثل ما اشوفك تسوي و افعل افعالك
عشان تعرف من فينا الزعول و من وسيع البال
ابيك تذوق فنجالي و انا باذوق فنجالك


__________________________________________________ __________

الله يسعدك ويحفظك يااااااارب وينور اللي بالك
فديتك يالغلا الله لايحرمني منك


__________________________________________________ __________

المشاركة الأصلية كتبت بواسطة لوريان
ترى يعجبهااااااااا هذااااااا المقطع وحتى انا
يسلموووووووووووووووووووووووو اميره بجد بعد حامد زيد ما تلاقي
فديته والله وفديتك يأميره والله بجد كلمااااااات تشفي نفس


يسلمج ربي حبووبه ..
صدقج والله بس هم فيه شعراء ثانيين
علوش وفزاع وابن الذيب ماعليهم قاصر والله ^^..
ويسلملي ها المرور الحلوووووو