تغطيت وبعدني الليلة بردان -همس القوافي
عنوان الموضوع : تغطيت وبعدني الليلة بردان -همس القوافي
مقدم من طرف منتديات نساء الجزائر
تغطيت وبعدني الليلة بردان
كلمات الشاعركاظم اسماعيل كاطع
تغطيت وبعدني الليله بردان
لان مو انت يمي فراشي بارد
وينك يادفو يا جمر الاحزان
احس بدمي بالشريان جامد
يامهر الصبر ماكضك عنان
نسمع بس صهيلك وين شارد
كل ساعه وتعتني جفوف بطران
وانا جلد العلي قماشه بايــد
تعال اوزن هموم وجيب ميزان
وشوف شكد عذاب الروح زايد
أنسحبوا من حياتي هواي خلان
بقيت بهالزمان الوحدي اعاند
سواد الليل يبقى وتطفي الالوان
واعيد بذكرياتك والمشاهــد
اذا كل طير عنده ثنين جنحان
انا مكسور وعشت بجناح واحد
طال العمر صار خيوط كتان
كلما تنعكد بالجر تعاند
عيد وصبحت بوجه دفان
عايدني وكلت المن تعايد
محد عرف نقطة ضعف الانسان
وقيمتها بسعر دمعة الوالد
على بئر المنايا وجيت عطشان
مجبور وشربت الماي راكد
وينك يالبعيد القلب مليان
غنا و بوسات ودمــوع وقصايد
وياك بعشرتي ياليل خسران
مثل عشرة النار وي الكواغد
لو طاهر حليبه الدهر ماخان
ضربني براسي غفله واني كاعد
تغطيت وبعدني الليله بردان
لان مو انته يمي فراشي بارد
وينك يادفو يا جمر الاحزان
احس بدمي بالشريان جامد
*منقول*
>>>>> ردود الأعضـــــــــــــــــــاء على الموضوع <<<<<
==================================
سلمت أناملك غاليتي ع النقل الجميل ,,,
نورتي همس القوافي .
بإنتظار جديدك
مودتي
__________________________________________________ __________
روووعه يعطيك العافيه
__________________________________________________ __________
الف شكر عالمرور الاكثر من رائع وانت من نورتي صفحتي ياالغلا 
المشاركة الأصلية كتبت بواسطة أحسس حساسه 
سلمت أناملك غاليتي ع النقل الجميل ,,,
نورتي همس القوافي .
بإنتظار جديدك
مودتي
__________________________________________________ __________
المشاركة الأصلية كتبت بواسطة ماينلآم من حبك
روووعه يعطيك العافيه
__________________________________________________ __________
مرررررررررررررررره رووووووووووووعه يسلموووووووو تسلم والله انامل ناقلتها يارب ونبي اكثر ياحلووو تقبلي مروري اختك$وردةرميت مع الجروح$
رد مع اقتباس
