الحزن سجل اسمي في طرف دفتره قوافي
عنوان الموضوع : الحزن سجل اسمي في طرف دفتره قوافي
مقدم من طرف منتديات نساء الجزائر
الحزن سجل اسمي في طرف دفتره
الحزن سجل اسمي في طرف دفتره
وكل منهو صدفني يفتكرني سعيد
ذاب صوتي قبل لا ياصل الحنجرة
وذاب كل الحكي مني وذاب القصيد
ان بغيت الحكي صار الحكي ثرثره
ولا بغيت السوالف صرت اردد واعيد
وان كتبت القصايد صارت مكسره
ولا تخاطبت مع فكري لقيته بليد
وان عرفت الطريق...أضيع آخره
ولا مشيت الطريق امشي على ما يريد
وان بغيت الفرح حزني يقول اذكره
صار عمر التعاسه مع خفوقي مديد
احسب حساب فكري واكسره واجبره
وآخر حساب فكري صرت انقص وازيد
هم قلبي كثير...وآآآه يا مكثره
كل ما راح هم (ن) حل هم (ن) جديد
الدروب بعيوني...كلها مسكره
وباقي قدام عيني بس درب (ن) وحيد
درب واحد (ن) يوصلني الى مقبره
ولا تقدمت خطوة صار موتي اكيد
والسبب من زماني شايل (ن) خنجره
كل ما قلت : هون يا زماني يزيد
الزمن ما بدا لي منه غيراقشره
مستبيح الخفوق وطول عمره عنيد
الزمن ذا لعب...بي لعب الكره
واصبح القلب من لعبة زماني شهيد
يا حزن ما كتبته طالبك تستره
لجل منهو عرفني يفتكرني سعيد
انشالله تعجبكم
>>>>> ردود الأعضـــــــــــــــــــاء على الموضوع <<<<<
==================================
يا حزن ما كتبته طالبك تستره
لجل منهو عرفني يفتكرني سعيد
إنتقاء رااائع غاليتي,,,,,
سلمتي وسلمت لنا ذائقتك الجميله,,,,
نورتي همس القوافي,,,,,
ننتظر جديدك,,,,,,
مودتي,,,,,
__________________________________________________ __________
ربي يعطيك الف عاافيه غلاتي ..
كلمات حزينه فعلا
لاهنتي
__________________________________________________ __________
وربي كلماااااااات غاويه صح لساااانج يا غاليه
مافيج حيله وربي
نتريا اليديد يا غاليه
خويتج ^^
__________________________________________________ __________
هم قلبي كثير...وآآآه يا مكثره
كل ما راح هم (ن) حل هم (ن) جديد
الله يعطيك العافيه
__________________________________________________ __________
اسعدني مروركن عن جد نورتن الموضوع
رد مع اقتباس
