للحين أحبك واذكرك وين ما رمت ..ولو ياخذك هالموت بعشق اعيالك -همس القوافي
عنوان الموضوع : للحين أحبك واذكرك وين ما رمت ..ولو ياخذك هالموت بعشق اعيالك -همس القوافي
مقدم من طرف منتديات نساء الجزائر
للحين أحبك واذكرك وين ما رمت ..ولو ياخذك هالموت بعشق اعيالك
السلـآم عليكم
كيف الحال؟؟!
كنت قاعدة اتصفح..
واقراء اشعاار ..
وكتابات اعضااء..
فرايت كتابة اعجبتني
بقلم الكاتب الذي سحرني :مبارك الغضوري ..
سمو احسـاسك الاخجل ينسيني عناويني
وسـمـو ابداعـك الرائع احس انـي تـداركـتـه
تعالي ولعنـبـو حي القصيد اللي يخاويني
تعالـي وانـقـشي حرفـك بـقـلبـي لا تـمـلـكـته
نويتك يا غـلا روحي مثل ماكنت ناويني
قـبـل لا جـيـك تاتـيني خفوقي كيـف حركـتـه
محاواة الغرام الـلـي أحاويه ويـحـاويـنـي
سـلـبـني لين ما صار الخفوق بداخل اشبكته
قريت الشعر بعيوني قريته في دواوويني
بعد ما فــاحت ادلال القوافي في مشـاركـتـه
فناجيل الغرام اللي تساويـك وتـسـاويـنـي
رويت امن العطش كني بعدها ما تهـالـكـتـه
افراقك يابعد هالكون كنه حـيـل كـاويـنـي
احس اني بعد ما رحت ضايع وسط مملكته
هواجيس الشعر تقوى المعارك وانت قاويني
علي ميدان عرشك زلزل التاريخ معركـتـه
سمو ابداعـــك الرائع ينسينـي عـنـاويـنـي
وسمو أحساسك الاخجل احس اني تدراكتــه ,,
الضيق يسكن فالحشـى مـا سكنتـه
كني وطن واغلب مقيمينـي همـوم
ضاقت علي صدر الشمال وسجنتـه
حتي الفرح بالوقت ندفع لـه رسـوم
نيشنت سهمك ليـه يومـك طعنتـه
والعين كنها عافـت الليـل والنـوم
لين الحزن طوّق ضميـري وشفتـه
كن الحكم قمـره وحراسهـا نجـوم
فوق السحاب اطالـع اللـي لمحتـه
وأشرح همومي كيف واشكي له علوم
حزن الشعر يبكـي عليـك ونثرتـه
ودموع شعري فوق وجناتـه يحـوم
لا من نثرت الدمع جيـت ومسحتـه
حيث الدموع امطار ورموشه غيـوم
ياصاح كانك تكسـب اللـي كسبتـه
باكر يجيك الطيب ما يلحقـك لـوم
تدري وش أكثر شـي فينـي نهبتـه
قلبي ودمه وكل عرقـن لـك يقـوم
الدرب واضـح لكـن انـي سلكتـه
احسب خطاوي مشيتي واتبع القـوم
بعض القلق وشلـون فينـي كتمتـه
احاول اشرح لكـن القلـب مكتـوم
اسهر طوال الليـل كانـي ذكرتـه
وضحك وقول الحب وش فيه معدوم
الضيق يسكن بي وانـا مـا سكنتـه
كني وطن واغلب مقيمينـي همـوم ,,
ممكن دقيقه لو سمحت وتكرمت
ممكن تخش القلب تلمح خيالك
يومي أحبك قلتها ما تندمت
كلمة أحبك موجها فوق جالك
كتبتها فوق الهوا وما تبلمت
لني أحبك كيف يرتاح بالك
لا تبتعد عني تراني تألمت
لامن رحلت ابعيد مابي بدالك
يا صاحبي أحلام فيك وتحلمت
وشلون ابصبر دام قلبي عنالك
جفني يغطى هالمشاعر ليا نمت
ورموش عيني تطلبك مع وصالك
هذا خيالك مرني شلون سلمت
كني اشوفه صج ماهو خيالك
لامر طيفك احترم طيفك وقمت
قمت اتحرا ترجع الفال فالك
تدري اقولك شي لا ما تكلمت
اخاف الا من قلت تطرح سؤالك
بعض المعارك خضتها ما استسلمت
الا معك يازين برضي دلالـــــــك
بأمتار بحر الشعر يا صاحبي عمت
واصيد كل شاعر طرا في مجالك
اسابق المذن ليا قال قوّمت
واغير من عمك واذا بست خالك
يا مرحبا لا جيت واهلين لا دمت
ويا مرحبا لارحت وين اتصالك
قلبي واعرفه ياهوا البال لا سمت
يشريك بغلا الناس لنه حلالك
تدري ليا من رحت وبعيد سلهمت
طقيت راسي وقلت قلبي نوالك
ايوا كذا خلك معي لا توهمت
عشقت تدليعك وابعشق هبالك
لاغبت عني ياغلا الروح حرمت
حرمت لا منساك واذكر اخبالك
انطرك ترجع واخر الليل طرمت
وشلون شمس الوقت تكسر ظلالك
ابيك ترويني اذا صحت لك ضمت
وابيك تذكر بالوفا من وفالك
للحين أحبك واذكرك وين ما رمت
ولو ياخذك هالموت بعشق اعيالك
هذي ثواني لو سمحت وتكرمت
قلبي قسم للحين يلمح خيالك ,,
اتمنى انها راقت لكم
ولامستكم
كم حصلي لي
باقة من الورد لكل من مر من هنا
>>>>> ردود الأعضـــــــــــــــــــاء على الموضوع <<<<<
==================================
يا مرحبا لا جيت واهلين لا دمت
ويا مرحبا لارحت وين اتصالك
قلبي واعرفه ياهوا البال لا سمت
يشريك بغلا الناس لنه حلالك
ــــــــــــــــــــــــــــــــــــــــــــــــــ ـــــــــــــــــ
قصيده حلووووووووووووه سلمت اختارك.....
__________________________________________________ __________
راااااائع مانقلتي غاليتي,,,,,,
وراق لنا ماراق لك.......
نورتي همس القوافي بمشاركتك ,,,,,,,,
ننتظر جديدك’’’’
يقيم
دمتي بود,,,,,,
__________________________________________________ __________
الله يعافيج .. و يسعد قلبج
و سلمت اناملج على
الذوق الراقي و الجميل
كل الود .. و التقدير
__________________________________________________ __________
مروركن تاج على راسي,,,
فالشكر اجزله لبصماتكن على متصفحي,,
دمتم في حفظ الرحمن
__________________________________________________ __________
رد مع اقتباس
