ديوان لشاعر ((عواد خلف الطواله))
عنوان الموضوع : ديوان لشاعر ((عواد خلف الطواله))
مقدم من طرف منتديات نساء الجزائر
ديوان لشاعر ((عواد خلف الطواله))
السلام عليكم ورحمة الله وبركاته
حبيت أن أعمل ديوان لشاعر حساس
راقي كلماته تتسلل للقلب بعذوبه ورقه وتمس الوجدان
سطر لنا الكثير من أبدعاته ورسم الكثير من روائعه على صفحات منتدى سيدتي
وكأنه ينثر ورود وزهور بساتينه لينتشر عبق وسحر كلماته العطره .....
شاعرنا تميز بكلماته العذبه الشجيه وتصف بخلق رفيع وعالي
فلم يتكبر على من هم في بدايتهم وشجع الكثير بتواجده
شاعرنا يستحق من يجمع قصائده في ديوان خاص بأسمه فاأحببت أن
أنال هذا الشرف الكبير وأبادر بجمع
اروع قصائده وأشعاره أهدائآ له
حــرفي .. شـــقا .. وجــدي لــهب .. ونتـــي ويل
حـــزني بحر .. وآمــــــال عمري .. قــــوارب
لـــي في محــيط الــحزن الأســــود .. مـــــداهيل
ولـــي مـــن مــجم الســـم الأبيض .. مــــشارب
عمـــري وتر .. وأنغـــام عمـــري .. مـــواويل
ودواعـــي الــــدمعه .. تراقــــص .. طـــوارب
مِشـــفي وأنـــا .. شــــّـفي صـــعيب الـــمناويل
بُعـــده .. وبُعـــد أقصـــى النجوم .. مـــتقارب
عـليه .. شـــلت مــن العنا .. ضــعف .. مـــاشيل
ذقـــت الــذحاح اللـــي .. بصُــفر الـــعقارب
والبســـمه اللـــي .. فـــي مـــحياي .. تمــــثيل
وعمـــري قضـــا .. وأنا أعــــتبرها .. تجـــارب
حصــل إفـــراق .. ولاحصـــل لـــي .. مـــواصيل
وأنا أنفــــرى ســــدي .. مثل ســـد مــــارب
دام الهـــــوى .. ذاقــــوه كـــل الـــرجاجيل
أنا أعـــتبر مـــن ضــمن .. عصـــم الشــــوارب
الشاعر:عواد الطواله
القصيده الثانيه
ليه ماكل شيئ في عيوني يبيك
وانت حتى الصباح العذب فاح بهواك
جيت وانا مثل هاك الصباح أحتريك
أسعد الله صباحك وأسعد الله مساك
جيت وأحس بانفاس الحياة بيديك
عطرها ريح يشمومك ونغمة شذاك
صاحبك لو تطول غيبته مانسيك
يقصر الرجل من دونك وعينه وراك
انشغل عنك وأسباب انشغالي عليك
واحتفي بك هنا وأعيش همك هناك
وانت ماتدري اني من عرفتك دريك
قبل ماأموت من ياسك ذبحني رجا
لاتضايقت حسيتك بهمي شريك
وانت ماتدري اللي ذبحني وفاك
نوب تضحك وأنا أشوف الزعل يحتويك
مانقص في حلا غيرك كمل في حلاك
وان خذاك الرضا قلت الزعل لايجيك
رائع في زعلك ورائع في رضاك
كل حرف توهج من هل الشعر فيك
لعن أبو كل شعر مايلوح بسماك
(والغلا)كان هاجسك (الغلا)ماعليك
والله اغليك وأحبك وأموت بغلاك
القصيده الثالثه
الصدفه اللي جابتك دون ميعاد
هي ماتكرر قبل مااموت مره
ياساعة فاتت على كل حساد
راحت على الحساد فوت ومغره
لولا الرجا في وقفة اليوم تنعاد
لاأقول ياحساد الاحباب حره
وش تحسدوني والهوى جرح وسهاد
بلوى وخيره مايجي ربع شره
وان صح لي شوف عقب خوف واجهاد
دقيقة ماهي عليكم مضره
هذا وشوفه بالسنه يوم يزداد
وشلون لوفي كل مااروح مره
القصيده الرابعه
كل ماهل المطر ديم وابتل الصواب
قلت ابشرب في كفوفي يصير اللي يصير
وان تواجهنا مثل ماتوادعنا غياب
كل واحد .. وده انــه من الفرحه يطير
القصيده الخامسه
انشغل عنك وأسباب انشغالي عليك
واحتفي بك هنا وأعيش همك هناك
لاتضايقت حسيتك بهمي شريك
وانت ماتدري اللي ذبحني وفاك
(والغلا)كان هاجسك (الغلا)ماعليك
والله اغليك وأحبك وأموت بغلاك
القصيده السادسه
حضرت وغاب بعض اللي يسافربي عن المقعاد
وبعض شوقي لامنه حضر مايسعد ايامي
تاخرت بوصولي كنه مابه بيننا ميعاد
وانا خابر اليا من جيت يمك جيت بهيامي
يجي قلبي لدارك قبل مامشي ضاميٍ وراد
يسلم عند بابك قبل انا مااصلك بقدامي
ولكن جيت هالمره ماني في وضعي المعتاد
غريبه كيفه اجي قدام قلبي وانت قدامي
ماكنه مقبلٍ راس السنه والعيد والميلاد
ولاميعادنا اللي كل عام القاء به احلامي
ولاجبت الهديه والقصيد وبسمه الاعياد
وش اثقل دم عيد اخر سنيني واول صيامي
تغير كل شي وصرت اشك اني ماني عواد
وشكيت بخفوقي لين نادى جرحي الدامي
حبيبي من فقدتك كل شي في حبيبك زاد
وتقص بعض الغلا اللي فيه احسك تكتب الهامي
عشقتك طفلتٍ تسكن عيوني مثل وجه امجاد
هاك الوجه الطفولي كل يوم يعيش بانسامي
احبه مثل حبي للحياة واعشقه بعناد
ولامنى كرهته قلت هذا حبي السامي
مدام اني اليا مني كرهته قدر حبه زاد
عسى كرهه يجمل في حياتي باقي ايامي
القصيده السابعه
ماعذلت عيوني اللي تبي تروى سراب
علها تروى من اللال ماتروى غدير
ادري ان الشمس نوبٍ تجي مثل السحاب
بالصحاري تضمي الكبد وتبل النظير
ماانخدعت بكذبت الماء ولاشلت الزهاب
لكن ايديني من العام تضمى للحرير
خص لمن عسعس الليل واهتز الشباب
وهو بعيد ومرني فيه طيف وقلت خير
وانسرقت الوسمي اللي مصابيحه ضباب
استقليته وشحيت فيه وهو كثير
كل ماهل المطر ديم وابتل الصواب
قلت ابشرب في كفوفي يصير اللي يصير
وان تواجهنا مثل ماتوادعنا غياب
كل واحد وده انه من الفرحه يطير
لاتهادت فرصهٍ كنها ذنب وثواب
واقبلت من ينشد الليل عن سر العبير
كني استافي واسدد فواتير العذاب
انتبه للوقت والوقت بعيوني قصير
ليت يومٍ مرني فيه شمسه ماتغاب
ودي انه هو هاك اليوم الاول والاخير
القصيده الثامنه
عشقتك طفلتٍ تسكن عيوني مثل وجه امجاد
هاك الوجه الطفولي كل يوم يعيش بانسامي
احبه مثل حبي للحياة واعشقه بعناد
ولامنى كرهته قلت هذا حبي السامي
مدام اني اليا مني كرهته قدر حبه زاد
عسى كرهه يجمل في حياتي باقي ايامي
>>>>> ردود الأعضـــــــــــــــــــاء على الموضوع <<<<<
==================================
__________________________________________________ __________
__________________________________________________ __________
__________________________________________________ __________
__________________________________________________ __________
رد مع اقتباس
