عنوان الموضوع : اغيب وارجع -خواطر
مقدم من طرف منتديات نساء الجزائر

اغيب وارجع



اغيب وارجع واتحراه وارجيه

واموت به واحيا وانا في مكاني

كنت احسب اني اقدر ابعد واخليه

واقدر ابدل حبه بحب ثاني

وما كنت اظن اني لهالحد مغليه

لين اصبح اسمه مايفارق لساني

اثري كذا من جد انا ميت فيه

واللي وطى مجنون ليلى وطاني

صحيح يقهرني بكثرة تغليه

واحيان احس انه بطبعه اناني

احترت مدري هالغلا ويش تاليه

وليا متى ما اشوفه الا ثواني

تعبت افكر في غيابه واناجيه

واقول باكر يبتسم لي زماني

ما غير اجيبه في خيالي واوديه

لحد ما قررت اطاوع حناني

واليوم يوم اني رسيت بموانيه

ويوم الحنان لشط حبه خذاني

جيته على كل الخلايق مبديه

جيته وفيني من الوله ما كفاني

طحت ورفع راسي وناظر حواليه

ومن نهر وجدانه بكاسه سقاني

>>>>> ردود الأعضـــــــــــــــــــاء على الموضوع <<<<<
==================================


يسلمو ويعافيك على الكلمات الرقيقة والرائعة..


__________________________________________________ __________

تسلميــن غنااتي ..

ع النقل الراائع لاعــدمنــاك ..


__________________________________________________ __________

قصيده في قمة الرووووووووووعه,,,,يسلموووو


__________________________________________________ __________


__________________________________________________ __________