عنوان الموضوع : صديق بيوصي صديقه على حبيبته -خواطر
مقدم من طرف منتديات نساء الجزائر

صديق بيوصي صديقه على حبيبته






مساء الخيرات
وصاتي لك من بعدي تموت فيه على شاني
ابيها تعيش وتحيابك واظل بالذاكره مفقود
وصاتي لك تنسيها ملامح وجهي وتنساني
وتعزفلها قصيدة حب على عكس اللي عزفته بعود
وصاتي لك تبعدها عن اشعاري وقيفاني
تراها مغرمه بالحيل ويشهد له عدد الردود
وصاتي لك تسايرها ترى فيها من احزاني
طلبتك لايضيق بالك طلبتك والطلب مردود
وصاتي لك تناديها حياتي عمري ازماني
انا عودتها دايم ادلعها وانا موجود
وصاتي لك تحفظها سور ايات قراني
وتخبرها عن الميت رحل لايمكن يعود
وصاتي لك ترسمها على قبري واكفاني
ابيها لوحه تبقى على طول الزمن محدود
وصاتي لك تمازحها وتشوف الضحكه باسناني
سعيتك بضحك هالكون طلبتك والطلب مردود
وصاتي لك تقهويها من دلالي وفناجيلي
تراها تعشق السمراء ويكفيها دخون العود
وصاتي لك تركبها على خيلي وعلى حصاني
وربي فارسه من قلب شهاده ماهي شهود
وصاتي لك تسفرها بلاد الشام ولبناني
ترى يحلالها تقطف الورد من بلد الورود
وصاتي لك ترقصها على الحان رحباني
ترى فيها عرق خاله وفيها من جنون السود
وصاتي لك تكرها في تاريخي وعنواني
وتنسيها ندم غلطه انا فيها ترى المقصود
وصاتي لك تكلمها عن المجني والجاني
ابيها تلعن اللحظه وتلعن كل فرح موعود
وصاتي لك تشبهني بدم احمر فاني
وتخليني انا الظالم وانا من حرق الوعود
وصاتي لك تحلفها تتوب تحبني ثاني
ترى يكفيها ماعانت ويكفيها حبها مهدور
وصاتي لك تنسيها وصيه قالها لساني
انا اخبرك رجل موقف وانت قدها وقدود
صديقي مالقيت غيرك يعرف اشلون تنساني
امانه ضمها بقلبك ترى خالد رحل مابيعود.

>>>>> ردود الأعضـــــــــــــــــــاء على الموضوع <<<<<
==================================


انا عودتها دايم ادلعها وانا موجود
وصاتي لك تحفظها سور ايات قراني
وتخبرها عن الميت رحل لايمكن يعود
وصاتي لك ترسمها على قبري واكفاني
يالله والله قويه تأثرت فيها
يسلموووووووووو ياعمري ع القصيده الميزه


__________________________________________________ __________

مشكوره حبيبتي عمت جوني على المرور والله يسلمك


__________________________________________________ __________

جميل من وقت لأخر ان يقرأ الانسان مثل هذه

المعاني النبيلة مشكورة

وانا شخصيا أنتظر جديدك


__________________________________________________ __________


__________________________________________________ __________