وقفة مع الشاعر محمد بن ساقان -خواطر
عنوان الموضوع : وقفة مع الشاعر محمد بن ساقان -خواطر
مقدم من طرف منتديات نساء الجزائر
وقفة مع الشاعر محمد بن ساقان
*
>>>>> ردود الأعضـــــــــــــــــــاء على الموضوع <<<<<
==================================
*
لو كان في وجه الهوى ذرة اخلاق
مامت بيدينه من الشوق مخنوق..!؟
ولو ما اتوق لـ قلبك الحين واشتاق
من عاد له في ذمتك بس بـ اتوق ..!؟
فتحت قلبي بس من شان لا ضاق
قلبك يفل القلب معلوق معلوق ..!؟
وفهقت موقي لك على شرف الاحداق
وكل ما غفى موقي الاقيه مفهوق ..!؟
وشلعت صدري لين ما اتناثر اوراق
وصاح بـ خفوقي عرق ياصاحبي فُوق.!؟
بلاش بـ حضور الغلا نطري فراق
خلنا نسولف بس عن لهفة الشوق..!؟
ولاّ الجروح اكثار لو شفت الاعماق
ياما اورقت فيني عناقيد وعذوق..!؟
وياما خنقني الجرح في حلق الاشواق
بس الجروح تهون لـ عيونك الروق ..!؟
شفني على رمح السهر جيتك اعناق
جيتك بـ كفي دم واقدامي عروق...!؟
عطشان وصلك لكن شلون بـ ارتاق
لاصار وصلك عوق ومفارقك عوق ..!؟
ماني بـ احبك لكن ورب الآفآق
يا أني بدونك كن ماني بـ مخلوق ..!؟
فـ ان كنت ولهان لعيوني ومشتاق
انا وربي ما ذبحني سوى الشوق ..!؟
سنين ما ادري وين قلبي من الحب
تاهت بي اسئلتي على كف حيران..!؟
مرات الاقيبي من الحب كم قلب
ومرات ما القابي سوى كومة احزان ..!؟
تبت يديني والتعب ما بعد تب
للحين يطعني وانا اصيح يافلان..؟
اذبح غيابات الوطن واسئل الترب
من وين بـ لقاني وانا مالي اوطان ..!
وأقوم امشيني على حافر الدرب
واتعثّر بـ تنهيد وانوح تعبان..!؟
يا لوّ فيني حيل ماصحت لك هب
ياحزن في صدري من العام نعسان..؟
ومن باب صدفه جيتي بـ قلبك الصب
تروين قلبٍ ماروى غير عطشان
تدرين لوما كنتي لـ قلبي الحب
استغفر الله ما تشوفيني انسان..!
والسنين أحباب والفرقا عمر
والغرام أعمى توكا بالظلام
والفصول عجاف وسنيني ظمر
لا تهمّلها وكفينك غمام
ماحطبت من الحنين الاّ السمر
وما شعلت من الغياب الاّ العسام
أحترقت سنين وأضنيت الجمر
مو حرام غياب بالله مو حرام
أنولد من جرح غيّابك غمر
ماخذ ٍ مني الكثير الاّ الغرم
كم طلبت سهيل من يد القمر
وكم رفضني لكن أنّه مايلام
ولا تهون ولا على قلبك أمر
رجّع إيامي علي بـ غفى وأنام
انتظرتك عام والثاني بـ يمر
عاد قول بذمتك هذا كلام
قبل العتاب..،يفل باب الزرايا..!؟
بهديك ورده عطرها.. عصفت الهوج..!!؟؟
دخيل غدرك..!لاجرحت النوايا..‘
ترخي رماح الكحل.*. لا قندّل الروج..!؟
ملجم:، على بيض النوايا,, مطايا..
وغدرك:ـ على حدب المعاليق.. مسروج
وعوج الضلوع تأن.. شبنا وصايا...!؟
وجرد الحناجر.. يمك تنوح.:ـ (غنوج)!؟
ماقلت لك..روّح وخل الحنايا..!!
خل الحنايا تشكي ..العوج.. للعوج..!؟(1)
وش رجعك ؟لـ ضلوع صـدر(ن) عرايـا...!؟
مايكفـى ان الصـدر بيديـك مسـهـوج...!!
بـذمـتـك:وبـجــاه رب الـبـرايـا..؟
كـم عـدة اذانـي علشـانـك... هــروج..!؟
وكم مره :لعينك قهرت المنايا..؟
ودحرت من حزني عشانك..(100) فوج..؟
شفني ..!ادوّر ضحكتـي فـالمـرايـا..!
وما شفت غير الجرح..في وجهيّ ايـدوج
لـو كـان ذنبـي مـا لفيتـك عطـايـا..!
الذنـب.. ذنبـك.. يـوم سمـوك عمهـوج..!؟
لكن على الله ..ياحميد السجايا..!؟
تهديني اغيابك ..على طفحت الموووج..!؟
ذبحت في :صدري سمان الحكايا
وهذا سكاكينك ..على منحر العوج(2)
لكن قبل ترحل بعين الخفايا
اسمع تناهيدي على غصن عسلوج...!!؟؟
كنت :احسبانها ما تجور الخطايا
الين جرت.. وضاقت بعيني افجوج..!
الله يسوّد: (وجه بيض النوايا)
اللي رمتني بين ..جاهل ..ومرجوج..!؟
يـا ألـد اصحـاب قلبـي يالحبيـب
كيف تطعنـي وتسئـل وش وبـلاي..!؟
يعني مو سامع ورى صوتي نحيـب
ما تثاقلت الحـروف اللـي بـ شفـاي..!؟
انمسخ صوتي وزاغ الجـرح شيـب
لكـن ورب الامـاكـن يافـضـاي..!؟
لو على هـ الديم شرهـه مـا تخيـب
هقوت ارضي فيك ياغيمـة سمـاي..!؟
كم زرعت بوجهك اغصان الزبيـب
وكم يبس حلقي على ينبـوع مـاي..!؟
قوم غمض عينك الخجـلا وغيـب
ودي اعرّي ضلوعـي مـن عنـاي..!؟
ملت اعماقـي تفـل الغـدر طيـب
ومل يشموم المحانـي مـن وفـاي..!؟
لا تثاوب وانـت يالجـرح العطيـب
منعس بصدري على وسادة شقـاي..!؟
ماشربت المـر يالغصـن الرطيـب
كود من حنظـل سرابـك ياضمـاي..!؟
ويش اسوي لا فضحت شمس المغيب
صدري اللي ما ستر ضلعـه خفـاي..!؟
اندثر صوتي علـى اسـوار القنيـب
ورحت انـادي للشـوارع يامـداي..!؟
ضقت فيني ليـه يالكـون الرحيـب
وين ابرحل وآخـر حـدودي عنـاي..!؟
خلـنـي بــروح ولاّ يالحبـيـب
بفهق ضلوعـي وناظـر وش وراي ..!؟
مو بلاي اللي على وجهـي غريـب
الوجيه اهي الغريبا وذا بلاي..!؟
الوقت وقتي والزمن مـا صفالـي..*
والعمر رحله ..واتعبته المشاويـر ..*
كلي حلالك وانـت كلـك حلالـي..*
لكن وربي ...حظنـا ماهـو بـ خيـر ..!؟
حاولت.. لكن:مـا جرالـك جرالـي..!؟
مات السنع في .. جه قـل التدابيـر ..*
فـ لا تزعل اليا قلت مالـك ومالـي..!؟
دام الاماني ..غير واحلامنـا غيـر ..*
ودام الحزن بـ الحب فالـك وفالـي..!*
خلنا انتفارق والبقـا (للمقاديـر) ..!*
ادري فراقك صعب ويهـد حالـي..!*
وادري فراقي صار من قبل لايصير ..!؟
ما كنت ابي فرقاك بـس الليالـي..!!
تسيّر احلامي.. على عكس ما اسير..*
تدري خفوقك بـ الفراق اش هدالـي..!؟
اهدا يديني... (وردتين(ن) مـع طيـر )..*!
ورحت بـ فراقـك والهدايـا قبالـي..!**
ومات بـ يديني...( وردتين و عصافير)..!!**
يمكن يخون الود لامـن طرالـي..!؟
لكن وربي.. ما اخونك مـع الغيـر ..*
ابطلبـك حاجـه(وامانـه اذالـي..!
معزه / وخاطـر / وحشمـه / وتقديـر..**
تكفى بـ غلاة امك اذا كنـت غالـي
لاجيت في بالك ( تذكّرني بخيـر )..!؟
وصلت انا بي لـ مرحله اني اجتاز
العالم اللي من ورى الباب مجهول..!؟
شفني مع الدرفه على شكل برواز
وجه ٍ تمره بـ السنه عشرة فصول..!؟
كم لي وانا أستر دمعة الجوع لا (أعتاز
قوته) وأنا اللي ما ستر جوعي همول..!؟
مشلول من فقري والاحلام عكاز
وياكم على الدنيا من الفقر مشلول..!؟
والمسأله: ماهي فقر لا .. ولا أعجاز
ولاهي بـ لا معقول من شي معقول..!؟
المسأله: (مريول الاوجاع لا باز
من وين اجيب لـ قد الاوجاع مريول)..!؟
فواز تكفى بس لا قلت فواز
تعال بـ علّمْك وش تعني: (أحول)..!؟
تدري وش أعظم حاجه بـ عين معتاز
(انه يصير لـ عين حاجته مذلول)..!؟
*
__________________________________________________ __________
__________________________________________________ __________
ربيت جرحي ، لين ماصَار رجـّال
وش عاد لوّه مات رجـّال مِن جَرحْ ؟!
مبدع وربي
/
ولو ما اتوق لـ قلبك الحين واشتاق
من عاد له في ذمتك بس بـ اتوق ..!؟
فتحت قلبي بس من شان لا ضاق
قلبك يفل القلب معلوق معلوق ..!؟
اويلااااه
/
ماني بـ احبك لكن ورب الآفآق
يا أني بدونك كن ماني بـ مخلوق ..!
/
تبت يديني والتعب ما بعد تب
للحين يطعني وانا اصيح يافلان..؟
اذبح غيابات الوطن واسئل الترب
من وين بـ لقاني وانا مالي اوطان ..!
/
يا لوّ فيني حيل ماصحت لك هب
ياحزن في صدري من العام نعسان..؟
/
والفصول عجاف وسنيني ظمر
لا تهمّلها وكفينك غمــَام
لاااا تهمّلهَاا وكفينك غمــَام ؟!
/
بـ ذمتك وبـ جاه رب البرايا ؟
كم عدة آذاني علشانك هروج ؟!
وكم مره لـِ عينك قهرت المنايا ..؟
ودحرت من حزني عشانك 100 فوج
؟!
/
مشلول من فقري ، والاحلام عكاز
وياكم على الدنيا من الفقر مشلول..!؟
/
الله
الله
الله
الله
شِعر علىَ كيف كيفك، صح قلب بن سَاقان ..
أمّاا إنتِ يَاا غلااا حكاية ثَانية
ماينصفني الكلام في شخصك !
الله لااا يحرمني منك .... وبَسْ
__________________________________________________ __________
آآآآآآمين ولامنك حبيبتي ميــلآف ..
لن أطيل لان الحروف ارتبكت امامك عاجزه عن التعبير !!
لاحرمت من هالحضور الراقي ..
__________________________________________________ __________
السلام عليكم ورحمة الله وبركاته
أختي غلا الدنيا دائماً تنتقين جميل القصائد
وروحكِ الأدبية تطغى على الأبيات فتزيدها جمالاً
لكِ مني شكري وعرفاني
رد مع اقتباس
