عنوان الموضوع : (*( أدور عقالي وهو فوق راسي )*) قوافي
مقدم من طرف منتديات نساء الجزائر

(*( أدور عقالي وهو فوق راسي )*)



ياصاحبي ياللي على روحي تمون
ياأعز خلاني ياأعز ناسي
إن كنت ماتدري عن الحال وشلونك
وشلي حصل في غيبتك من قاسي
خليتني بين البشر تقل مجنون
أدور عقالي وهو فوق راسي
تايه ولحد جاء يمد لي عون
ميت ظما والموت مكسور كاسي
أنا بدونك مظلمن فيني الكون
وكل الديار صارت بعيني يباسي
ماهمني عن حبي الناس يدرون
بوضح النقاء أمشي وممشاي راسي
ياللي ملكت القلب بالهون بالهون
لاتصير علي ياخلي اليوم قاسي
أعزف على جرحي علشانك لحون
أبيك تذكرني إذا كنت ناسي
جيتك تعون وصرت يازين فرعون
قتلت فيني كل حلم وحماسي
ماأبيك تستغرب إذا جوك يعزون
ماأرضى أعيش بذل ومطير ساسي
وأموت ولادمعي تهله العيون
الموت أهون من شماتات خاسي
صحيح أحبك وأعشقك وأحلم تكون
في دنيتي شي مهم وأساسي
بس الكرامه لا وربي ولاتهون
ومن مسها آطى عليه بمداسي
ويكفيني مخليني بلا عقل مجنون
أدور عقالي وهو فوق راسي

>>>>> ردود الأعضـــــــــــــــــــاء على الموضوع <<<<<
==================================


احساس رائع هنا ينبض بكل صدق

ما أجمل هذه الكلمات التي تناثرت على الأسطر

أسمحي لكلماتي البسيطة أن ترقد هنا على هذا اللحن الرائع
وتقبلي مروري المتواضع


__________________________________________________ __________

يعطيكي العافيه أ ُ ختي ميمي على مرورك


__________________________________________________ __________

مشكووووووره حبيبتي اهل الرياض على الموضوع
الله لا يحرمنا منك ولا ومن اشعارك الرائعه


__________________________________________________ __________

مشكوره ولكن يوجد كسر في الأبيات تقبلي نقدي حبيبتي


__________________________________________________ __________

خليتني بين البشر تقل مجنون
أدور عقالي وهو فوق راسي


الله يعطيك الف عاافيه