ساكت يا وطن؟؟!!
عنوان الموضوع : ساكت يا وطن؟؟!!
مقدم من طرف منتديات نساء الجزائر
ساكت يا وطن؟؟!!
ساكت ياوطن والحركَه تاكل بيك
لو خايف أظن والسكته من خوفك
من حرب الحرب جبنه العمر وياك
من اكل الجثث ما ينترس جوفك
مابيك الذنب كَول الذنب چا وين
يمكن نعتذر لو نفهم ظروفك
چنت المدرسه وبيك الشعب طلاب
وبس دك الجرس شو فارغه صفوفك
تقبل ياوطن يرضيك هذا الحال
ناسك للأسف تتراكض تعوفك
وتقبل ياوطن شبانك الحلوين
تتغرب غصب تحرمهه من شوفك
جاوب لا تظل ساكت يبو الثورات
عشرينك أمس اتعيش بطيوفك
من طور الحزن ملينه ما مليت
چاطور الفرح ما تعزف دفوفك
من ريد الفرح بس كون ريدك سيف
موعيب بغمد اتنام اسيوفك
بايكَ ما صرت ما خاف من جلاد
مو هذا شعارك هذا معزوفك
چاشنهو التغير يا عراق شبيك
مو چانت دول ما تنطق حروفك
نعتب ياوطن من حبنه الك والله
شفناكم نهر عطشانه جروفك
ومن نصحك لأن صدكَنه كلنه اخطاء
يا بيت الكرم نبقه احنه ضيوفك
أصفن ويه نفسك راح تعرف زين
لو ما تنتفض چاضاع معروفك
عذراً يا وطن بس ثور حتى نثور
لو تكَضي العمر بالقيد چفوفك
لو تكَضي العمر بالقيد چفوفك
>>>>> ردود الأعضـــــــــــــــــــاء على الموضوع <<<<<
==================================
سلمت يمينك علي القصيدة الرائعة
ربي يعطيكي ألف عافية
__________________________________________________ __________
تسلمين حبيبتي زهرة العراق
والله لجمتي قلبنا كلنا متئذين
العراق مسقط راسي
يعني هي الموطن
__________________________________________________ __________
رائق عه اختي اتمنى لك التوفي
__________________________________________________ __________
تسلمين ياختي (زهرة العراق)
لك ايام وسنين ياوطن انت صابر
من اه تخرج وتدخل بـــــــــــأهات
__________________________________________________ __________
شكرا لكم جميعا
نورتوا صفحتي بمروركم العطر
ربنا ما يحرمني هالطلة الحلوة
تحياتي لكم..
رد مع اقتباس
