عنوان الموضوع : أنا كذا طبعي قصائد
مقدم من طرف منتديات نساء الجزائر

أنا كذا طبعي







الكون موحش والمسا فاقد احساس=والـهـم ينـسـج مــن خيـالـي قصـيـده

اكتب همومـي بالقلـم فـوق قرطـاس=وارســم معـانـاة الـجـروح الـجـديـده
القلـب وش خـلاه مخنـوق الانـفـاس=بيـن الضلـوع العـوج ينـزف وريــده
الا الفـراق وغـربـة الـنـاس للـنـاس=وبعـض السوالـف والعلـوم المكيـده
ياقـلـب لا تـحـزن ولا يغـلـبـك يـــاس=ارتــاح واستبـشـر بلـحـظـه سـعـيـده
اقولـهـا يــا قـلـب لا بــاس لا بـــاس=لاتـقـهـرك ســـود الـلـيــال الـعـنـيـده
اللي ذكر طيبي على العين والـراس=والـلـي تجاهـلـنـي تجـاهـلـت سـيــده
ماهمنـي مــن باعـنـي دون مقـيـاس=عـزيــت نـفـسـي والامـانــي بـعـيــده
انـا كــذا طبـعـي مــع كــل الاجـنـاس=الـقـلــب عـزيـتــه وشــدّيــت قــيـــده
حوله مـن الأضـلاع حطيـت حـراس=تحمـيـه مــن غــدر اللـيـال الشـديـده
اللي يذوق الغدر صافي مـن الكـاس=لابـــــد يـتـعـلّــم وعــلــمــه يــفــيــده
ضويت لـي فـي سـود الايـام نبـراس=يـهـدي حـيـاتـي لـلــدروب الـرشـيـده
محشوم فكري عن تفاكيـر الادنـاس=نفسـي عـن الهـفـوات دايــم زهـيـده
واللي يحاول يسرق اللـول والمـاس=ماطـالـتـه عـيـنـه ولا طـالــت ايــــده
يبطـي ويشهـر للبـشـر ذل الافــلاس=لا بـــدد امـوالــه بـيـفـلـس رصــيــده
مـاكـل صـيـد يجيـبـه الـحـر قـرنـاس=يـمـوت بالرمـضـا ولا هـــو يـصـيـده
واللي يحاول يكسر الـراس بالفـاس=مـثــل الـــذي بـيــده يـكـسّـر حــديــده
كتبتـهـا جمـلـه أنــا بـيـن الأقـــواس=(لاتـقـرب النـيـران جسـمـك تـبـيـده)
اعــوذ بالرحـمـن مــن كــل خـنــاس=مــن الـوســاوس والـحـيـاة البـلـيـده
يـاوجـد حـالـي كــل مـاهـب نسـنـاس=سـافــرت بـافـكـاري لـدنـيــا بـعـيــده
اتذكر اللـي غـاب مـن خيـرة النـاس=الـلـي وصـوفـه فــي خيـالـي فـريــده
محشوم وافي طيب العرق والساس=بـيـن البـشـر مافـيـه شـخـصٍ نـديـده
نسله من الأحـرار والعـرق دسـاس=رحــل عــن الدنـيـا بـسـاعـه نـكـيـده
الله يكـسـي جسـمـه الـغـضّ بلـبـاس=مـن سنـدس الفـردوس حلـه جـديـده
بصبـر علـى فرقـاه والقلـب حسّـاس=حيـاتـنـا مـاجــت عـلــى مـــا نـريــده
هـذي النهايـة تنكتـب فـوق قرطـاس=ارسلـتـهـا عـبــر الاثـيــر الـقـصـيـده


/
\
/


الشاعر: ضي الفكر

>>>>> ردود الأعضـــــــــــــــــــاء على الموضوع <<<<<
==================================





ماهمني من بــَاعني دون مقياس
عزيت نفسِــي والاماني بعيده

انا كِـذاا طبعي مع كل الاجناس
القلب عزيتــَه وشدّيت قيده

حوله من الأضلاع حطيت حراس
تحميـِه من غدر الليال الشديده


كفوو حـُوريه ..
أبيَات رائعَه .. دمتِ، ولااا هانت يَمينك


__________________________________________________ __________

الله يكسي جسمه الغـضّ بلبـاس
من سندس الفردوس حله جديـده
بصبر على فرقاه والقلب حسّـاس
حياتنا ماجت علـى مـا نريـده


كلمات رووووووووووعه
تسلم ايديك؟؟..


__________________________________________________ __________

الله قصيدة رائعـــة جدا
سلمت يمناكِ حوورية


__________________________________________________ __________

اللي ذكر طيبي على العين والراس
واللي تجاهلنـي تجاهلـت سيـده

:

اللي يذوق الغدر صافي من الكاس
لابـد يتعلّـم وعلـمـه يفـيـده

كـل ـألأبـيَــآت رٍوٍعَـــه حَـقِـيـقـه ..

صـح لِـسَــآن شـآعـرٍهَــآ

وٍ سـاـمـت يـمـنـآكْ وٍ لآ هــنـتِ فـديـتـكْ

ـإنـتـقـآء مُـمَـيــزٍ حُـوٍـرٍيّــه ..

دمــتِ بـحـفـظ ـألـاـًـه وٍ رٍعَــآيـتــه


__________________________________________________ __________

اقولها يا قلـب لا بـاس لا بـاس
لاتقهـرك سـود الليـال العنيـده
اللي ذكر طيبي على العين والراس
واللي تجاهلنـي تجاهلـت سيـده

يسلموووو حورية قصيدة جداَ حلووووووة (مبارك عليكِ الشهر )