الحي يحييك والميت يزيدك غبن ..! للفكاهة

[aksachli]

عنوان الموضوع : الحي يحييك والميت يزيدك غبن ..! للفكاهة
مقدم من طرف منتديات نساء الجزائر

الحي يحييك والميت يزيدك غبن ..!




.




.




حيى الله سيداات سيدتي وشله العبند كلهم ..
بعد انقطاع شهر وعشره ايام --> نفاس صار ههههههههه رجعت لكم مرتن ثانيه بحله جديدة --> فرقاتس عيد يالبقره .. على طاري النفاس وين الرفايع ادري بتقولون وش نرفعتس عليه يالعانس على جني بس عشاني جبت طاري النفاس ذكرت القروش اللي تجيهم هب عليهم ياانهم يكسبون هالولايد والقهر كلها تروح في ذا البزر عشان جمعه الحموله تسنهم كفو مير والبزر من قوه ماهم حاشينه قطن ولا فينه بخرقه وزود على تسذا حاطين مشبك عشان ماينفك مسكين والولد غادي احمر من قوه الربط ولاه يقولون وش فيه يرغي شكل بطنه مليان غازات هههههههههههههه الا والله من هالرباط تعالي يوم واربطتس شوفي وش بتسوين والله ان تزرقين وتحمرين وتخضرين .. -> وش هالشطحه .. ؟

الزبده ..
ام محمد عندها بنت اسمها عفريته .. ---> عفريته تنشب بخشمس .. ذا العفريته موب على اسمها ابد هاديه بزود وجودها مزي عدمها في البيت يعني لاتهش ولا تنش بس بنيه الحلال حبيبه وموخوذن حقها بالعربي بارده وفاهيه وكلش .. يومن من الايام شافتها ام علي وام علي ماخذه على طبع الاولين ان الرجال يبي الهاديه العاقله وخطبتها لولدها المطفوق عليان اللي مايدل درب الهداوه شافها عليان وقال اكيد انها مستحيه يقالها بتسوي ثقل لين اعرست بتخترش .. مرت الايام واعرسو طبعا مافيه توافق ابد بينهم سافرو شهر العسل لبرى المملتسه وعفرتيه حدها خيمه وبر وتخب عليها بعد المهم فيذاك هبلت به ضاعت في المطار وقعد يدورها لقاها واقفه عند باب قزاز تشاور عمرها ادخل والا لا .. جا وهو فاير دمه ويصارخ وينتس قالت انا هنا مدري ويني فيه وينك جايبيني له .. قال لا ياشيخه اقول امشي بس لا اذبتس من فوق الطياره لين طرنا .. ياشين الرجال لين مانبسط ولاه مسافره معه عزى الله اللي اجرم فيها الضعيفه .. المهم طارت الطياره وهو يتجنبها خاف يكلمها وتفهي ويصنها باقرب شي معه .. يوم وصلو على خير قال اصبري برووح اشتري شي وارجع قالت طيب احتريك .. جا ولين معه حبل قالت وشوله قال لتس .. قالت وراه قال ازين حل عشان ماتضيعين يالكمخه بربط يدتس بحبل وامط الحبل مترين وان زاد ازين بعد واربط الطرف الثاني بيدي وامشي سكتت وربطها ومشو .. المهم راح شهر العسل كله رفعه ضغط وهي مبرده ولا هامها يوم رجعو للديره قال لمه خلاص انا مابيييها قالت هااو وش سوت لك هي قال ماسوت شي بس لاتحكي ولا شي ولين كلمتها فهت فيني كنها شايفه توم كروز الطبيشي .. بالعربي ماتصلح لي بطلقها وداها لبيت اهلها ومن بكره وصلتها ورقه طلاقها وكلن راح برزقه ..

الزبده من القصه الخروطيه .. ان الوحده لين صارت بارده لا تهش ولا تنش وش ينبغى بها انا اشوفها بنفسي لين جتنا وحده تسذا ودي اقول لها روحي لبيتكم ازين لتس .. اذكر مره كلمت وحده اعرفها عز المعرفه .. هي بنيه حبيبه وتسذا بس مافيها حياتن ابد وانا اكلمها ومتحمسه واقول لها هلا واللله كيف الحال وش اخبارتس والله اني مشتاقتن لتس يالشينه قالت ايييه انا انلخمت ماطاح وجهي ابد ههههههههههه .. ياحبي لها هالشينه اقول لها مدري متى بتحيين قالت لين متي حييت ههههههه شكلي بنتحر عشان تحيى شووي .. والله يبنات لازم تحركون فيه بعضهم تجيتس ميته بس تحيى معتس لين مزحتي معها .. ذي الفئه الاولى الثانيه ذي اللي لين جت تحتسي تحسين برطمها يهز ولا تسمعين شي حتى تشكين انها ماتكلم عاد تكتشفين بعدين انها تحتسي مع بطنها حتى لين جت تلاغي ومعصبه يرتفع شوي بس وينبح صوتها وحالتها صعبه وهي اصلا ماوصلت مواصيل صوتي هههههههههه .. مدري شلون بتربي عيالها

حلوو الوحده تصير وسط يعني مثلي انا الله يخلف علي منهبله مره مايصلحشي .. حتى امي تقول يومتس صغيره فيتس نشاط زايد ماتقرين في مكان ابد حتى وانتي نايمه تنومين وانتي تلعبين حبشه .. --> الله من الفقش .. عاد امي نار ماتقدر تصبر علي كل يوم لين اشغلتها دخلتني الحمام وصكت علي وهي تدعي بنفسها تقول عسى اهل الارض يحنون علي وياخذونها عندهم .. تحسب اهل الارض حضانه الله يصلحها .. ولين جت ترقد فتحت لي وتلقاني قاعده اعد النقوط اللي بجدارنا موب تعتيق ترى ذي نقوطي كل يوم انقط لين تفتح لي امي قلت بعد اشوف كم وصلت .. --> الله يشفيتس .. عاد امي لين شافتني انقلب وجهها مثل هالفيس .. واقول وش هالشيب اللي براستس يميمتي قلت شكلها الموضه الصبغه البيضا اثاريه شيب مني جعل ماجاتس تكفير يابعدي والله يرجع بنتس اللي غلطو المستشفى فيها وخذوها العبنده ..
والا تجيتس الوحده من طواله لسانها لين جت تحتسي توقف من قوه الحماس ليت من برم لسانها برم وبلعها اياه بالغصب وفك اذاني الناس .. اقصري حستس جعل لسانتس العقره
وحده من طواله لسانها صار رجلها يمشي بجهه وهي بجهه تفشله عند الناس لين جت تحاسب تصارخ حتى راعي المحل يعطيها ببلاش من الرووعه .. وعيالها مسويه لهم رعب في البيت وتقول بعد وليدي مدري وش بلاه يفزز بذا الليول من صراختس عليه حتى مره جاي حسران يبي الحمام صرخت عليه طس للحمام من الخوف طارت ههههههههههه.. الواحد المفروض يصير وسط لاهوب مخروش مره يطير اللي حوله ويخرشهم تسنه ناقص عقل ولا هوب البارد السامج اللي ودك تردع به ..

ادري كلن بيقول ياكثرتس بس مير ماعلي شرهه منذو مبطي عن الكيبورد .. --> ياصبره ..
اخر شي اعيد واكررر وازاعق واقول الحي يحييك والميت يزيدك غبن --> طيب درينا ..

>>>>> ردود الأعضـــــــــــــــــــاء على الموضوع <<<<<
==================================

هههههههههههههههههههههههههههههههههههه
يسعدني اكون اول وحدة تقرا موضوعك

الفئه الاولى الثانيه ذي اللي لين جت تحتسي تحسين برطمها يهز ولا تسمعين شي حتى تشكين انها ماتكلم عاد تكتشفين بعدين انها تحتسي مع بطنها حتى لين جت تلاغي ومعصبه يرتفع شوي بس وينبح صوتها وحالتها صعبه وهي اصلا ماوصلت مواصيل صوتي هههههههههه .. مدري شلون بتربي عيالها

تجنن
.................. ولا
وهي تدعي بنفسها تقول عسى اهل الارض يحنون علي وياخذونها عندهم .. تحسب اهل الارض حضانه الله يصلحها ..
هههههههههههههههههههههههههههههههه

الله يخليلك امك وانا اول معجبه بمواضيعك تهبل واااااااااااااااااااااااااااااااااااااااو يسلمو ياقلبي

كم صار عندك نقطه ؟؟؟ ههههههههه

__________________________________________________ __________

المشاركة الأصلية كتبت بواسطة ام تااالين هههههههههههههههههههههههههههههههههههه يسعدني اكون اول وحدة تقرا موضوعك الفئه الاولى الثانيه ذي اللي لين جت تحتسي تحسين برطمها يهز ولا تسمعين شي حتى تشكين انها ماتكلم عاد تكتشفين بعدين انها تحتسي مع بطنها حتى لين جت تلاغي ومعصبه يرتفع شوي بس وينبح صوتها وحالتها صعبه وهي اصلا ماوصلت مواصيل صوتي هههههههههه .. مدري شلون بتربي عيالها تجنن .................. ولا وهي تدعي بنفسها تقول عسى اهل الارض يحنون علي وياخذونها عندهم .. تحسب اهل الارض حضانه الله يصلحها .. هههههههههههههههههههههههههههههههه الله يخليلك امك وانا اول معجبه بمواضيعك تهبل واااااااااااااااااااااااااااااااااااااااو يسلمو ياقلبي كم صار عندك نقطه ؟؟؟ ههههههههه

ياهلا بنور مواضيعي ياهلا
والله انا بعد فرحت انتس اول من رد ع موضوعي عشان يتبارك وانا اختس

الا اقول
وش نقاطه ذي اللي تحتسين عنها
ترى اشوف نقاطي تزود بس مدري وش سالفتها
احسبها انها كل مادخلت تزود

__________________________________________________ __________

البركة بوجودك ياقلب
مو انتي تقولي .............................؟؟؟؟

وتلقاني قاعده اعد النقوط اللي بجدارنا موب تعتيق ترى ذي نقوطي كل يوم انقط لين تفتح لي امي قلت بعد اشوف كم وصلت .. --> الله يشفيتس ..

ههههههههههههههههههههههههههه

ها كم صارو ؟؟



__________________________________________________ __________

هههههههههههههههههههههههههههههههههههههههههههههههههه ههههههههـ

__________________________________________________ __________

المشاركة الأصلية كتبت بواسطة ام تااالين البركة بوجودك ياقلب مو انتي تقولي .............................؟؟؟؟ وتلقاني قاعده اعد النقوط اللي بجدارنا موب تعتيق ترى ذي نقوطي كل يوم انقط لين تفتح لي امي قلت بعد اشوف كم وصلت .. --> الله يشفيتس .. ههههههههههههههههههههههههههه ها كم صارو ؟؟

ههههههههههههههههههههههاي

انت تقصدين نقاطي حقت جدار بيتنا

انا احسبتس تقصدين النقاط اللي تحت اسمي

<< الله من الذكاء

والله شوفي وانا اختس
هو كل ماقفلت علي الباب نقطت وجدارنا من فوق لاخره منقط مرة بأحمر ومرة بأخضر ومرة بأزرق والحين بادية في الجدار الثاني