مد رجلك على قد لحافك ..!
عنوان الموضوع : مد رجلك على قد لحافك ..!
مقدم من طرف منتديات نساء الجزائر
مد رجلك على قد لحافك ..!
هالحين لازم مقدمه والا موب لزمه ..
في احدى منآزل منفوحه بشارع عشرين الوصخ اللي شهب في بشتي ..تسكن فيذآك عايله عايشين على مويه البزبوز ولحم التونه ..
الحصي ..يمه يمه ..
ام ( طريف ) بنتها التسبيره معرسه ومعيله .. خير وش تبين ماتشوفيني قاعدتن احني الشيب اللي براسي اللي ماظهر الا منتس انتي وخواتس الله لايكثر البني على الصديق ..
الحصي .. يمه وش بتس علي اسمعي بس وش رايتس نروح للمملتسه تمدحها منير صديقتي تقول فيها ديرم وحنا تهبل ازين من وشيقر ..( الله يمكر بكم يالبنات ) :
ام طريف .. لا جعل خشمتس يدق مافيه روحه لو بيت اميمتي هنآك ..
الحصي .. اي هين لو امتس فيذآك رحتي لها تحبين حبي ..
ام طريف .. طيب لاتشغليني الله يشغلتس هي وينها فيه ..
الحصي .. مدري والله ..
ام طريف .. اها بس هالحين وشوله متنيبزه وتطنين فوق راسي ساعه واخرتها ماتدرين ..
الحصي .. يمه اكيد ان محيميد اخوي يعرفها ..
ام طريف .. دقي بيجر على اخوتس مدري وين ارضه هايت في ذا الشوارع ..
قمزت الحصي تقوم خواتها نوير ولطيف ..
نوير تناظرها بعين مغمضه وعين مفتحه ..
الحصي .. فرجت هالمره قلت لمي تودينآ للمملتسه ..
نوير ولطيف .. امآآآآ عاد ..
الحصي ..ايه يالله قوموآ اقنعتها بطريقتي الخاصه قلت لها انهم يبيعون ديرم وحنا وانهبلت ..
لطيف .. والله انتس كفو ياختي كفتس ..
الحصي يوووه نسيت ادق بيجر على محيميد ..
لبسوآ بشوتهم اللي كلها ترآب واصلن ظهورهم ..
في الصندوق وهم يسولفون ويناظرون هالسيارت اللي تمشي معهم قالت لطيف تهقين ان كل ذا الناس اللي يمشون معنا رايحين المملتسه شكلها بتطلع زحمه مرره وانا منيب احب الزحمه صقعتها الحصي قالت بلا دباشه وكرمينآ بسكاتس لين نوصل على خير ..
وصلوا المملتسه وماحقروآ اعمارهم وقفوا عند البوابه يبون السكيورتي يفتح لهم مثلهم مثل الحرمه اللي زدامهم ..نزلت ام طريف انزلوآ يامال الدقم قالت نوير للسكيروتي لو سمحت نعم وش تبين وهو يتصدد مايصطي يشوفها افتح الصندوق لنا نعم نعم ماسمعت اقول افتحه وانت ماتشوف الدرب
سفهها ورآح قامت ام طريف فتحت باب الصندوق ودربتهم منه تسنهم براميل بالغصب بعد طرارير ويتشرطون ..
دخلوآ وكل الناس يناظرونهم وعلى وجيههم اكبر علامه استفهآم في العالم ..
امهم راحت وركبت الدرج اما هم عيو يبون السلم الكهربآئي على انهم ماقد ركبوه وقفو عنده وكل وحده تعزم الثانيه تركب ..
الحصي .. نوير اركبي انتي لا انتي لا انتي لين اخر شي جت حرمه دزتهم لينهم متبطحن في السلم قامو بسرعه وقفوآ هالحين شلون بنزل منه يمه كلهم نقزوآ الا لطيف نشبت عبايتها وقعدت تنادي خافت يبعدون تقدموآ ولا دروآ عنها وهي خانقتها العبره شوي وبترغي ..ياناس ياعالم تكفووون فكووني من ذا الحدايد جاها واحد لبناني قال لها شو بدك ياخاله عم بتزعئي وش بلاني يعني ماتشوف بشتي ناشب جعل ضروسك تنشب في لهاتك بسيطه مابدها تفكير شيلي عباتك وخلصنآ لاياشيخ احلف وش شايفني مختزيه مثلك .. حاشاكي بعدين انتي لابسه طويل وساتر مالها سنع هالعبايه ..
جت وحده سعوديه رحمتها قالت عادي اقص عبايتك شوي قالت قصيها تكفين بموت لو قعدت هنا قصت منها شوي وانطلقت تدور اهلها مالقتهم طبعا هم انسبهوآ يوم شافوآ هالكشخه والدنيآ نسو اختهم الضايعه ..امهم تعبت وهي تسال هالناس وين محل الحنا والديرم ويغشون عليها من الضحك ..
قالت وييييييييينكم انتم قالوا لها انتي اللي وينتس قالت لهم السالفه وقعدوآ يضحكون عليها وامهم من التعب وهي تدور الديرم فرشت سجادتها وقعدت في الارض عند البوابه ..
مايتفسآد من القصيصه ..آشوفكم على خير ..
* مد رجلك على قد خشمك ..
* لاتعدون الهرم وابو خمسه ..
* الصبرمفتآح الفرج مايندرى يمكن يجي يوم يابنات وتعرسون على واحدن كآش يحط في خشومكم زمام الماص ..
>>>>> ردود الأعضـــــــــــــــــــاء على الموضوع <<<<<
==================================
هههههههههههه مسلية كتير يسلموااااااااااااااااااااااااااااااااااااا
__________________________________________________ __________
هههههههه حسبي الله عليك موتيني من الضحك
يابنت الحلال الواحد يرقى السلم على شوي شوي مهوب الممكلة مرة وحدة ههههههه
كان قلتي لهم روحو للعويس ولا طيبة بـ الأول هههههه ثم مشيتو على دربكم للسدحان
بس تدرين جلست ساعة وأنا أبي أترجم المملسته ؟ وين سبويه عنك ههههههه وأخيرا عرفت أنها المملكة
امهم تعبت وهي تسال هالناس وين محل الحنا والديرم ويغشون عليها من الضحك .
وينها بس وأنا أوديها لحلة القصمان تبي تغطس في الحنا والديرم
[quote]حاشاكي بعدين انتي لابسه طويل وساتر مالها سنع هالعبايه
هههه على نياته المسيكين زين الي ماخبطته بكندرتها هههههه
دفتر شيكاتي ماجبته اذا جا باتسر ارسلت لك السواق
ههههه هذا من زود الدراهم الي عندها ماتبي تشيل في شنطتها شي "" البنت ذكية
وبعدين وين لقو هـ السواق الأمين الي تبي تروح الشيك معه هههههه أكيد جايبنه من جزر الوق واق هههههه
الصبرمفتآح الفرج مايندرى يمكن يجي يوم يابنات وتعرسون على واحدن كآش يحط في خشومكم زمام الماص ..
أي والله يمكن يقول ربي وجبت وتلاقينهم في أحسن حي بالعليا هههههههه
بجد موتيني من الضحك
أختك بقااايا روح
__________________________________________________ __________
المشاركة الأصلية كتبت بواسطة ام جوان وجويل 
هههههههههههه مسلية كتير يسلموااااااااااااااااااااااااااااااااااااا
الله يسلمتس ياقلبي
__________________________________________________ __________
[QUOTE=بقايا روح;5057420]
هههههههه حسبي الله عليك موتيني من الضحك
يابنت الحلال الواحد يرقى السلم على شوي شوي مهوب الممكلة مرة وحدة ههههههه
كان قلتي لهم روحو للعويس ولا طيبة بـ الأول هههههه ثم مشيتو على دربكم للسدحان
بس تدرين جلست ساعة وأنا أبي أترجم المملسته ؟ وين سبويه عنك ههههههه وأخيرا عرفت أنها المملكة
وينها بس وأنا أوديها لحلة القصمان تبي تغطس في الحنا والديرم
حاشاكي بعدين انتي لابسه طويل وساتر مالها سنع هالعبايه
هههه على نياته المسيكين زين الي ماخبطته بكندرتها هههههه
ههههه هذا من زود الدراهم الي عندها ماتبي تشيل في شنطتها شي "" البنت ذكية
وبعدين وين لقو هـ السواق الأمين الي تبي تروح الشيك معه هههههه أكيد جايبنه من جزر الوق واق هههههه
أي والله يمكن يقول ربي وجبت وتلاقينهم في أحسن حي بالعليا هههههههه
بجد موتيني من الضحك
أختك بقااايا روح
والله شوفي
احنا لازم نطمر مرتن وحدة
ومن زمان وانا اخطط ع المملتسه والحمدلله نجحت خطتي
واما الشيكات هذا يابنت الحلال توهيم للبياع عشان مانتفشل قدامه
والا من هذي المهبولة اللي بتشتري شنطتن بهالقيمة
الا ان كاني معرستن ع واحدن غني كاش يدفع دراهم ماعندس مشكلة
حتى انتي بشتري لتس شنطه من نفس هالماركة اللي تقولين انها خرايط
وقسم تذكرت كراسة رسم الخرايط حقتي يومن انا كنت سادس/ ب
__________________________________________________ __________
:1 5:
ارحميني يا وهــ بس تقطعت مصاريني وتكسرت ضروسي وطارت شوشتي من الضحك الله يسعدتس
صدقيني انتس كاتبة ناجحة لو تستغلينها وتكتبين بالمجلات راح يكون أحسن لتس
الله يوفقتس
رد مع اقتباس
