عنوان الموضوع : حال البنات في الأفراح فكاهة
مقدم من طرف منتديات نساء الجزائر

حال البنات في الأفراح



اول شي السلام عليكم ورحمة الله وبركااااته





انا ابي اعرف اللي كاتب الكلام هذا كان معهم بقاعة النساء?





لما تجيك دعوة الى حضور حفل زفاف لاحد الاشخاص

فإن الحريم في المنزل يعلنون حالة الطوارئ في اليوم الموعود


فتلقاهم صافين طابور عند باب الحمام .. من أجل أخذ دش بارد

<<< لانهم مؤمنات بالقاعدة الفيزيائية

التي تقول : ان الاجسام تتقلص بفعل البرودة

************ *******


ثم يهبون الى غرفة العمليات

فتحصلهم مايخلون مراية في حالها ..

** فتلقى منيرة عند مراية التسريحة تتمكيج


** وخلود عند مراية الدولاب تركب عدساتها


** ورقية عند مراية المدخل حق البيت تستشور شعرها


** وفاطمة محتارة أي فستان تلبس

وكلما اختاروا لها فستان .. قالت : لا .. قد شافوه عليّ


** ورغد تترجى اخوها : تكفى ود فستاني للمغسلة

وقول لهم يخلونه مستعجل


** وابتسام متوهقة مالقت الحلق اللي يناسب لون فستانها


** وشوق تقول لاخوها : تكفى مر على جارتنا

وخذ من عندها الاكسسوار التفاحي



** ورحاب .. انفرط سحاب فستانها .. وتبي الخياط يصلحه


<<< والله من السمنة الزايدة

************ *****


وصجة .. ولجة .. وحوسة ...

وكلهم في سباق مع الزمن ..


( طبعا ياعيني عالرجال .. ثوب وشماغ .. وانتهت السالفة )


************ ********* ********* ******

بعد ذلك .. يركبون السيارة بعد ما بح صوت ابوهم

وهو يناديهم ..





** والمصيبة اذا اخذوا مسافة بالسيارة وجتك فاطمة

تشهق شهقة قوية .. ويقولون : اشفيييييك

وترد عليهم : نسيت شنطتي تكفى يبه رجعنا للبيت


************ ********


وبعد عناء طويل يصلون الى القصر ويدخلون


************ ******


ومن يوم تبدأ الطقاقة بقرع الطبول

تلقى الوحدة تهزّ .. وتهتز وهي لسّا باقي على الكرسي


************ ********* *

ثم يتوافدون إلى المسرح وشف الرقص كيف


** اللي تحط رجلها من شرق المسرح الى غربه

ولا احد يدري وش بلاها

**********

** واللي تهز وهي واقفة مكانها بركادة .. وعلى بالها أنوثة ..


************ ******


وتعال شفهم اذا غنت الطقاقة .. ( يالتكسي )

وقالت : وخذ يمين وبعد يمين ..

تلقا الحريم فعلا ماخذين اللفة يمين في يمين


<<< طبعا من غشامتهم .. يتصاقعون في بعض

************


والوحدة فيهم بتتشقق من الفرحه اذا جت الطقاقة بجنبها

وقالت : ( يا احمر يا احمر .. عاشو .. على قلبي )

<< طبعا الافندية فستانها احمر ..

************ *****


** وتلقا ثنتين هناك يرقصون نفس رقص العراقيات في ( عرب شمّر )

وطبعا العجايز منصدمات .. ومافيه الا قوة دعاوي على هالبنات


************ **


** واذا جت اغنية مصرية ..

تلقا الاغنية والايقاع في وادي .. والرقص في واد آخر

الا من رحم الله ..

<< واللي تعرف ترقص مصري .. تلقى البنات يتشحثونها تقوم

وهي ترفض ..

طبعا من حقها .. تخاف يصكونها بعين على كيفك




***********


والوناسة اذا قالت الطقاقة : ( رقصة خاصة لاهل العروس )

تلقاهم يستلجون اذا قالت : ( كل آل ' فلان ' خيّالة )


<<< وهم في الحقيقة .. لم يركبوا حصانا قط ..

بس يالله لزوم المدح

>>>>> ردود الأعضـــــــــــــــــــاء على الموضوع <<<<<
==================================


هههههههههههههههههههههههههه

الله يقطع سوالفك ههههههههههههههههههههه

والله العظيم انا جالسه اقرا موضوعك في الليل وأضحك كني مجنونه ههههههههههههههه


__________________________________________________ __________

ههههههههههههههههه
والله إنك خطيييييرة ...


__________________________________________________ __________

هههههههههههههههههههههههههههههههههاي الله يقطع سوالفك


__________________________________________________ __________

ههههههههههههههه حلوه


__________________________________________________ __________

والله إنك صادقه فعلاً هذا الحاصل ههههههههههههه