عنوان الموضوع : تبغي تروقي وتضحكي شوفي قصة الولد مع شغالتهم واتحداك ماتضحكي..... -للتسلية
مقدم من طرف منتديات نساء الجزائر

تبغي تروقي وتضحكي شوفي قصة الولد مع شغالتهم واتحداك ماتضحكي.....



هذي قصة ولد مع شغالتهم .... يرويها هو بنفسه....

(( في البدايه احب اعطيكم فكرة عن شغالتنا

شغالتنا يا كرام( على بالي اللي بمسلسل باب الحاره ابو نظارات ما اعرف اسمه ) مخروشة الى ابعد حد يعني لما نشوفها جايبه الشاهي نعلن حالة الطوارئ ونزل البزران للملاجئ

لانه عادي عندها تشيل 13 بريق شاهي بيد و10 دلال قهوة بيدها الثانيه وتمشي صافطه الطبلون يعني كنها تصاقط ظلالها

انا اقول لامي احس انها مسكونه بجني كان يشارك في اختراق الضاحية

تصدقون شرينا جهاز تعلقه معها علشان امي لما تبيها تناديها بالجهاز بس للأسف علشان سرعتها صار الجهاز ما يلقط الارسال

يعني لو تبي تعذبها خلها لا تتحرك بس ثواني

وبعدين عادي تناديها وتسالها عن شي ما تدري الا هي رايحه ومخليتك.... مو تطنييش لا بس خباله...

انا احس انها ما قد شافت بشر ولا تدري وشلون يتعاملون مع بعض


تقدرون تقولون انها مخروشه وفي روايه اخرى سبيكه على قولة امي

طبعا انا بنقل لكم روايتي مع التصرف اللي يسمعن يقول درس قواعد
اليكم القصه

المهم انا صار لي معها موقف قوي

مرة وانا راقي لغرفتي مروق وادخل غرفتي وانا من عادتي اني ادخل غرفتي وبعدين اعطي الباب كعب قوي(سامي ) واصكه واقفل غرفتي(وش عندك تقفل الغرفه)

واطلع جوالي وانطله على المخده مع انه دايم يطيح ورى السرير وابلش ادوره

وافسخ ثوبي واحطه في مكانه المعتاد اللي هو اجدعه على الارض

بعدين اشيل فنيلتي واصفطها لين تصير مثل الكوره واشوتها على المعلاق قصدي الشماعه

المهم حمامي الله يعزكم جوا غرفتي يا سلااااااااااااااااام انواع الوناسه

المهم يوم فسخت ثوبي قعدت قدام المرايه اتميلح نفسي انا اعرفه هالدب كله صفوووط وطبات وشعررر وشوي جسم وشحيم واكلم روحي وانكت شوي وامسك المشط واتخيله مكروفون واغني الامااااااااااااااااااااااكن يعني قمة الطرب

واستعرض عضلاتي والعب كراتيه ( والله ما يحقر روحه هالدب اجل يلعب كاراتيه ) مع صورتي بالمرايه .. واكلم نفسي بالمرايه واقول بتعقل انت والا يععععع كععععع ترجمة بقووس وتلفيع اعرفه ذرووووق على طول بيخنه
وارفسه برجلي قسم بالله مهبلول

وبقية الحركات اللي انا دايم اسويها بشرط ما يكون عندي احد

عاد انا دايم انهي حركاتي هذي بقفزه على السرير وكنت دايم وانا انط اقول دووووووق فليــــب<<< هذ اسم اللي كان يسوق كريندايزر <<<( ايقالك شرحت الحين )

عاد وانا ناط وبين السماء والارض حانت مني التفاته<<< الله اخيراً قلت حانه من زمان وانا ودي اقول هالكلمه

المهم يوم حانت مني التفاته للحمام وش شفت

صليحه<<< اسم شغالتنا .... واقفه بوسط الحمام وماسكه مكنسة وسطل وهي منصدمه

قلت لها صليحة خيررررر وش عندك .. زي العاده ما ردت رجعت مرة ثانيه بالاشاره اسالها وش عندك كل هذا وانا بين السماء والارض <<<< ما يكذب ابـــــــــــــــــــــــد

وجلسنا اناظر بعض اللي يشوفنا يقول والتقى الحبيبان وانا ودي اخذ المكنسة اللي معها واكنس وجهها

ثم امسك راسها وادخله بوسط السطل اللي فيه مويه علشان اشوف من وين ينسم راسها

واصرخ عليها يا دبشه ورى ما تكلمتي وعلمتيني انك هنا وش خليت سطل

وكالعاده كنك تكلم جدار
المهم لاني عارفها دريت انها يوم سمعت صوتي انخرشت ولا درت وش تسوي

وبذهانتها الخارقه قالت بقعد هنا ومهب شايفني .... لعنبو دارك ودار مخك

عاد انا قعدت اتذكر وش كنت اسوي يلعن ابو الفشيله بس اللي مهونها علي قلت اشوى اني ما فسخت كل شي
كان انا اللي بطلب من اهلي يسفروني انا مو هي الله ياخذ بليسك يا كمخ جعلك بحفره واجلس اضحك عليك كذا كيفي

المهم اني قلت لها خلاص امشي اطلعي وانا ابي افتح باب غرفتي اسمع امي جايه لغرفتي وتناديني

يا سلاااااااااااااااااااام على الحظ

انا والشغاله بغرفة نومي والغرفة مقفله وانا كاسي عاري ما علي الا سروال

يعني امي لو هي عمياء بيروح على طول بالها لذاك الشي وتعلن حالة الطوارئ

يعني التهمة لبساني لبساااااني ( الدفه والا الأصيل )




علشان تعيشون معي الموقف (بس تراه ما يوسع الا اثنين الموقف لا تتزاحمون ) اقوول لا يكثر اخلص علينا
انا ما علي الا سروال والشغاله جنبي واقفه (توم كروز ونيكول كيدمان ),,,والباب مقفل وورى الباب امي

وانا اعرف امي ماراح تروح الا اذا فتحت الباب(لزززززززقه )

في هاللحظه(يقطع ام الاثاره , اصلح مخرج افلام اقول اخلص علينا ولا يكثر) .... خطرت في بالي فكرة انما ايه ما تخرش الميه
لي اخو يدرس برى (ترى كل السالفه اللي فووق علشان تدرون ان لي اخو يددرس برا ) وامي تموووووت فيه واذا دق تركض امي ركض كأنها بنت جايتها رسالة جوال (وش رايكن بالذبه يا بنات) انثبر بس ..

فقفزت على السرير (هالمره قفزه عادية مب زي اول ) واخذت الجوال ودقيت على بيتنا ورد على ولد اختي من تحت قلتله انا خالك فلان (انواااااااع الجحااده ) وين جدتك بسرعه انا اكلم من برا,,, نصااااااااااااااااااااااااااااب كبير

فقام البزر يصوت لامي خااااااااااااااااالي فلاااااااااااااااااااااااااااااان بالتلفووووووووووووون

امي اول ما سمعته يصووووت تدروشت وتلخبطت (كالعاده ما في جديد ) وقامت تقول يووووووه قله انها فوووووووق وصارت تمشي وتدور التلفون اللي فووووق وهي تقووول افففففففف وين ودت التلفون هالشغاله

وانا في نشوة الفرح لنجاح خطتي الجهنميه اذا بصليحه <<<< مرة ثانيه اسم شغالتنا

اذا بها يوم سمعت امي تقول (وين ودت التلفون هالشغاله) اذ بها بأعلى صوتها تقول |(بالله عليكم وش رايكم باللغه متعوووووووووووب عليها)... فوق مكتبه يا ماما

انا من قوة غبائها والحركة اللي سوتها ما استوعبت الموقف قعدت لحظات علشان مخي يتعرف (الذاكره العشوائية عندي 512 بس معلييييييييييش حركتها حاااست ام الاسلاك اللي عندي ) على هالموقف بس ما لقى اي موقف مشابه قد مر عليه يعني سبق مو صحفي سبق غبائي لهالشغاله
الادميه ذي ذكائها خارج التغطيه (الاتصالات والا موبايلي تراي ما اقصد احد) الا مخها منتهي الصلاحيه هذي طفرة في الخباله

المهم انا صرت ما اسمع لامي صوت مدري هي سمعت الشغاله والا لا

يوووووم جت المصيبه
وانا واقف عند الباب اتسمع والشغاله جنبي
اذ بصليحه تمسك عروة الباب وتبي تفتحه فرمقتها <<<< حلوه رمقتها ذي صح خخخخخخخخخخ
المهم رمقتها بعيني يعني وش تبين قالت لا بابا افتح الباب لا بابا حرااااااااااااااااااااااااااااااااام لا باب ايش يبغى انت لا بابا انا حرمه كبير انا حرمه فيه بيبي حرااااااااااااااااااااام بابا انووااااع الا ستفهامات الى بكراا

ياسلاااااااااااااااااااااااااااااااااااااام الاخت فاهمه غلط تحسبني اسوي كل ذا علشااااني ابيهاااااااااااااااااااااااااااا
مدري اضحك والا اصيح والا وش اسوي فيها (لاتسوي شي سامحها )

من زينك انتي ووجهك اللي كأنه رسمة ولد بالروضه عيون يبيلها كروكي علشان تلقاها وخشم افنس كأنه محول غاز

لعنبو شكلك لو تطب علينا الهيئه اخذو علي تعهد وانتي سجنوك مؤبد

المهم الآدميه مصره تفتح الباب وما دريت الا هي فاتحه القفل وامي جنب الباب تقول ,,,, صليحه!!!! صليحه انتي هنا

وقبل ما تفتح امي الباب دورت بسرعه فنيلتي ولقيته على الارض وامد ايدي باخذه.<<<يعني اذا لبست بتنحل القضيه
... في هاللحظه فتحت امي الباب
ولا لقيت تصريفه لوضعي وانا ماد ايدي للارض باخذ الفنيله الا اني لا ارادياً قلت
اللللللللللللللللللللللله اكبررررررررررررررررررررر <<<<< ايه سويت نفسي اصلي واسجد خخخخخخخخخخخخخخخخخخخخخخخخخخخخخخخخ
وش اسوي ما لقيت اي تصريفه وبعدين ما ابي امي تسالني عن شي فاحسن شي اسوي نفسي اصلي

المهم اني في نفسي اقول يارب انها ما تلاخظ اني اصلي وانا بهالملابس

امي دخلت وتنحت شوي بعدين قالت للشغاله وش قاعده تسوين لكن كالعاده الشغاله اكلت تبن وسكتت وطلعت

وقفت امي شوي وانا قاعد اصلي واقول في نفسي اشوى انها ما انتبهت( نجحت الخطه)

المهم شوي الا و يوم قالت لي اجل تصلي هاه (عاد انا من حيني طااااق حوله ) !!!!!!!!!! وانا اللي ابلع ريقي مو بس ريقي الا حتى اللوز بلعتها
قالت اجل تصلي,,,, زين بس ترى القبله غرب وانت تصلي شرق

وطلعت وصكت بالباااااب بقوووووووووووه اح

يوووووووووووووووووووووووووووووووه انوااااااااع الصدماااااااات ياربيه وش اسوووووووي
واقعد افكر يارب وش اسوي والله اني مظلووووم <<<<<<رحمتوني صح انت ترحم يالله كمل ولا يكثر قرقك
واقعد افكر وافكر ,,,,, قلت احسن حل الصرااااحة واللي يصدق يصدق واللي مو مصدق لا يصدق خربهااااااااا

ولا انتبهت لنفسي الا بعدين طول فترة تفكيري وانا قاعد اكمل صلاتي خخخخخخخخخخخخخخ

المهم لبست ملابسي ونزلت ورحت لامي وهي من هوووول الموقف قاعده تتنافض وتحتري ابوي (الله يستر منه )
يوم جيت صرخت بوجهي لا تكلمني ولا تلمسني ابعد( يا سلام عليك يا شديده)
قلت اسمعي
الصدق مجراه والكذب مفراه (ايشششش)
قالت وشو
قلت الصدق منجراه والكذب مفتراه
قالت وش تقول انت
قلت اففففف الصدق زين والكذب شين وشوله الفلسفه
وقعدت اقولها كل اللي صار واحلف ايمان واقسم بالله

والحمد لله لان امي واثقه فيني صدقتني ( ايه كثر منها اشوفهم قعدوه وما سفروه )
بس مدري ليه سفرو الشغاله بعد يومين (واااااثقين منك يا ذكي ما يبي له تفكيييييييييير)<<< الى الحين ما فهم انهم سفروها لانهم ما صدقوه خخخخخخخخخخخخخخخخ

بالنهايه احب انصح اخواني الشباب انتبهو تتفسخون بغرفكم وعندكم شغاله اسمها صليحه<<<< متعوب عليها النصيحه خخخخخخخخخخ




بالله اش رايكم ؟؟؟؟


منقوله..

>>>>> ردود الأعضـــــــــــــــــــاء على الموضوع <<<<<
==================================


هههههههههههههههههه

مشكورة حبيبتي عالقصة الحلوة

لا تحرمينا جديدك بالقسم


__________________________________________________ __________

قمه في الخباااااااااااال

الف شكر


__________________________________________________ __________

ههههههههههههههههههههههههه
ضحكتني كثير الله يعافيك عليها


__________________________________________________ __________

هههههههههههههههههههههههههههههههههههههههههههههههههه هههههههههههههههههههههههه
وربي ضحكتيني من كل قلبي
يسلمووووووووو


__________________________________________________ __________

اشكركم عالمرور عزيزاتي ....