عنوان الموضوع : ضاقت ولما أستحكمت حلقاتها فرجت وظننت أنها لن تفرج دعوه للتفاؤل وحسن الظن با
مقدم من طرف منتديات نساء الجزائر

ضاقت ولما أستحكمت حلقاتها فرجت وظننت أنها لن تفرج دعوه للتفاؤل وحسن الظن با






فى البدايه كدا احمدو ربنا على كل شئ
قولو معايا
يارب لك الحمد ولك الشكر كما ينبغى لجلال وجهك وعظيم سلطانك
وصلو على النبى عليه افضل الصلاه والسلام 10 مرات
وقولو
الدعاء دا
اللهم لا تعلق قلوبنا لما ليس لنا واجعل لنا فيما نحب نصيب
وادعو بالشفاء لجميع مرضانا ومرضى المسلمين
وكمان قولو اللهم بدل سوء حالنا بحسن حالك يارب
واصلح كل فاسد من امور المسلمين
اللهم اكس كل عريان
واغنى كل فقير
واشبع كل جائع
اللهم اغننا من الفقر وسد عنا الدين يارب
وادخل على اهل القبور السرور
اللهم اجعل ايدينا عليا بالعطاء ولا تجعل ايدينا سفلى بالاستعطاء انك على كل شئ قدير

الحمد لله حسيتى براحه ولا لاه لما قلتى الادعيه دى
ياااااااااااااه الدعاء جه على جرحك وهمك مش كدا
حسيتى اد ايه انتى محتاجه ليه
ياااااااااااااااااااااااه يارب انا محتاجه ليك اوى يارب
وانتى بتقولى يارب
اكس كل عريان
افتكرتى انتى بتشوفى كام واحد فى الشارع ماشى هدومه مقطعه ومنظره صعب او مثلا ممقطوع من اعضاؤءه حاجه
دراعه رجله مثلا اى حاجه
احمدى ربنا على النعمه دى اللى عندك ومش عندو

دعيتى وقولتى يارب اغن كل فقير
حسيتى بيها شوفى كام واحد بيقف يسالك على الطريق على اى حاجه
مش مهم دول ممكن يكون فعلا مش يستاهلو لان دى مهنتهم
بس افتكرى ان فيه ناس جوا بيوتهم محتاجه ونفسهم عيفيفه
دورى على اللى حواليكى ودورى على المقربين منك

دعيتى وقولتى يارب اشفى كل مريض
ممكن مانكونش حاسين فعلا بنعمه الصحه
الى فعلا محتاجه تحسها تروح تزور اى حد مريش
وتفتكر ان زياره المريض صدقه

دعيتى ربنا بان ربنا يصلح كل فاسد من امور المسلمين
حسيتى بيها اظن دى بقاه دى عندنا كلنا
كلنا مشتركين فيها كلنا اموره مش متظبطه فى العباده مع ربنا او لبسنا واحنا خارجين
او مثلا اى غلطه احنا بنعملها
او ممكن ميكونش كل دا
ومممكن يكون ابتلاء من عند ربنا فى الولد او الابناء او ضيق الرزق
او قسوه الزوج او قسوه الابناء على الاباء

دعيتى بان ربنا يجعل يدكى عليا دائما بالعطاء ولا يجعل يدك سفلى بالاستعطاء
حسيتى بيها مثلا وانتى مر عليكى ظرف وحش وملقتيش حد يقف جمبك غير ربنا وبعدين مامتك او باباكى
ليه ماتعمليش حسااب اليوم دا وتتصدقى كل يوم ان شاءالله ب25 قرش
يلاش كل يوم خليها كل اسبوع خليها كل شهر وانتى بتظبطى الميزانيه بتاعت البيت
بنيه ان ربنا يبارك ليكى فى رزق زوقك ويخليلك ولادك ويهديهم ليكى
فكرتى مثلا تودى مبلغ لاى جامع بيتبنى جمبك ومحتاج فلوس عشان يكمل
الله احلى صدقه دى صدقه جاريه بقاه فى حياتك وياسلام ده انتى بتحطى فلوسك عشان تعمرى بيت ربنا
الله احساس جميل اوى

دعيتى وقولتى يارب لاتعلق قلوبنا بما ليس لنا واجعل لنا فيما نحب نصيب
ايه اللى جه على بالك ساعتها يااااااااااااااااااه
اكيد بتقولى ياه انا فاكره لما دعيت ربنا بحاجه زمان او حتا دلوقتى وزعلت انها مش تمت او ربنا مش استجاب
ليا
وانتى متعرفيش ان دا خير ليكى وعسى ان تحبو تكرهو شئ وهو خير لكم
دلوقتى بتدعى يافتوكه ان الشخص الفلانى يكون ليكى
حقك ياحبيبتى يانور عينى ادعى ومالو بالى انتى عاوزه دا ربك وربنا كلنا
بس ادعى بالخير انتى ماتعرفيش الغيب فيه ايه
وهكذا فى كل امور حياتك

دعيتى وقولتى يارب ادخل علىاهل القبور السرور
حسيتى اد ايه ان دول محتاجين دعاء جامد اوى لان اعمالهم اتقطعت وبقت ليهم اعمالهم فى الحياه الدنيا
شوفى بقاه انتى عملك ايه دلوقتى وبتعملى لاخرتك ولا لا لدنيتك

دعيتى وقولتى يارب بدل سوء حالنا بحسن حالك
وحسيتى ان اد ايه محتاجه للدعوه دى وانك فى كرب
ومحتاجه فعلا ان ربنا يبدل سوء حالك بحسن حاله
وربنا يبدل حزن قلبك دا لفرح


دعيتى وقولتى اللهم اغننا من الفقر وسد عنا الدين
ياه مش هتحس بيها غير كل واحده مديونه او زوجها مديون
ياه احساس صعب
ربنا مايكتبه على حد الدين حمل بلليل ومذله بالنهار
يااااااااااااااااااااااااارب سد الدين عن كل المديونين
وتاكدى انك بدام عندك نيه بالسداد ربنا هيسد عنك باذن الله

انا اتكلمت كتير اوى بس انا عاوزه اوصلكو لحاجه
طالما انتى دعيتى كل دا وحستى بيها
وقررتى بينك وبين نفسك بالدعاء ليكى واالغيرك
تاكدى ان فرج ربنا جاى
وطالما وثقتى بربنا وقولتى لنفسك انا يارب عارفه انك هتستجيب دعوتى ربنا هيستجيب
دا ربنا اللى قال
انا عند حسن ظن عبدى بى فليظن بى مايشاء
حديث قدسي) حَدَّثَنَا الْحُسَيْنُ ، ثنا ابْنُ أَبِي مَسَرَّةَ ، ثنا أَبُو جَابِرٍ ، ثنا هِشَامُ بْنُ الْغَازِ ، ثنا حَيَّانُ أَبُو النَّضْرِ الأَسَدِيُّ ، عَنْ وَاثِلَةَ بْنِ الأَسْقَعِ ، أَنَّهُ قَالَ : سَمِعْتُ النَّبِيَّ صَلَّى اللَّهُ عَلَيْهِ وَسَلَّمَ يُحَدِّثُ عَنْ رَبِّهِ عَزَّ وَجَلَّ " أَنَا عِنْدَ ظَنِّ عَبْدِي بِي فَلْيَظُنَّ بِي مَا شَاءَ " .

ها ظنتيى بربنا خير
اقولك تتاكدى ازاى
ساعات بيحصلك مشكله
وتقولى يارب انا كنت عارفه ان دا اللى هيحصل
والله انا كنت عارفه
او مثلا قبل ماتحصل المشكله تكونى قاعده تتكلمى مع نفسك او تتكلمى مع حد
وتقولى دااللى هيحصل وبكرا افكرك
صح
وبيحصل فعلا
احنا بنضرب الودع ولايعوذ بالله ولاايه
لاه
بس انتى ظنيتى بالله كدا
لو كنتى ظنتى بالله خير كان هيبقى خير

وكمان
اخر كلامى احب اقولك انك طالما حسيتى بكل دعاء قلته ووقفتى عنده وقولتى هتردديه فى كل وقت
يبقى انتى قريبه من ربنا
وانا ببشرك بان دعاؤك مستجاب
وانا حسن ظن بالله خير
ان ربنا هيرزقكو ماتتمنوه
ومااتمنااه
ويارب يكرمكو يارب ويعطيكو ماتتمنوه
ويارب يكون كلامى دخل قلبكو يارب
ويارب اقبل منى ومنكم صالح الاعمال
ومش طالبه غير دعاء بصالح الاعماال والستر والهدايه
وربنا يرزقنى ويرزقكو ماتتمنوه يارب

>>>>> ردود الأعضـــــــــــــــــــاء على الموضوع <<<<<
==================================


الله يجزاك الخير يااااااااااااااااااارب فرجك القريب


__________________________________________________ __________

جزاك الله خير


__________________________________________________ __________

كان الامام الشافعي ماشيا
فاذا برجل يسبقه يناجي ربه ويقول:
يارب هل انت راض عني؟
فقال الشافعي:
يا رجل وهل انت راض عن الله حتى
يرضى عنك؟
قال الرجل: كيف أرضى عن ربي وأنا
أتمنى رضاه؟
قال: إذا كان سرورك بالنقمة
كسرورك بالنعمة فقد رضيت عن الله.
♥
عندما يغلق الله من دونك بابا تطلبه ..
فﻼ تجزع و ﻻتعترض .. فلربما الخيرة
في غلقه ..
لكن ثق أن بابا آخر سيفتح لك ينسيك
هم اﻷول ..
وقتها ستدرك معنى قوله تعالى ..
( يدبر الأمر من السماء إلى الأرض ثم يعرج إليه)
جزاك الله خيرا


__________________________________________________ __________

جزاك الله كل خير
جعله الله في ميزان حسناتك


__________________________________________________ __________

ربنا يرزقنى ويرزقكو ماتتمنوه يارب
اللهم آمين