عنوان الموضوع : كلام يبكي من لا يبكي
مقدم من طرف منتديات نساء الجزائر

كلام يبكي من لا يبكي






اقرءوا معي ما كتبه هذا الشاب متهور /تعرض إلى حادث وكانت معه أمه فتوفيت وبقي هو علي قيد الحياه وكتب القصيده هذي...أبكت من لا يبكي


يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني لامشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

اريد اصحى ولكني عجزت القى الي يصحيني

فداك القلب ياامي ومهما قلت من كلمات

صغيره في كبر حقك فقط اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

ياامي ارجعي كافي ابجلس معك لو لحظات

واقبل ايدك ورجلك وافرش لك رمش عيني

يا امي ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يا امي ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما اريد احدا يواسيني اريدك انتي تواسيني

ارجوك لكن لا تبكي اذا شفتي بي الدمعات

انا مقوى ابكيك اذا انتي تبكيني ..



منقوووووووولة
ارجو أن تنال اعجابكم ورضاكم

>>>>> ردود الأعضـــــــــــــــــــاء على الموضوع <<<<<
==================================


اه
ابكتني هذه القصيده المؤلمه

ربي يحفظك .. حزينه بالحيل

ربي يهدي كل ضااال


__________________________________________________ __________

مشكوووووووووووووووووورة
فعلا كلمات تبكى من لايبكى


__________________________________________________ __________

مكررة الابيات يالغلا


أنتظر جديدكــ



جنـ وـوـون


__________________________________________________ __________


__________________________________________________ __________