عنوان الموضوع : حركه حلوة من مديرة مدرسة هههاي
مقدم من طرف منتديات نساء الجزائر

حركه حلوة من مديرة مدرسة هههاي






مديرة مدرسة غابت يومين وتقول بصراحة تزوجت زوج احداكن

هذي قصة سمعتها ويقول ناقلها انها حقيقية

تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟
قالت لهن باركولي تزوجت .
قالن مبروك بس منهو زوجك ؟
قالت لهن بصراحة زوجي هو زوج وحدة منكن !!
المدرسات بذهول : تكفين علمينا أي وحدة فينا ؟
قالت المديرة والله ما أعلمكن .

المهم لزمن عليها .. فقالت لهن أنا منيب متكلمة اللي تبي تعرف هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهوب زوجها واللي أخلي خمسميتها على الطاولة ولا آخذها فهو زوجها
عيب علي اتزوج زوجها وآخذ بعد منها خمسمية ريال ...
وافقن المدرسات على الطريقة .
ويوم جاء بكرا وكل وحدة مزهبه معها الدراهم ..
جت الأوله والثانية والثالثة والرابعة حتى العاشرة والمديرة تاخذ الدراهم ..
يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك جواهر والله اني آسفه غلطت..


يوم تنفست المدرسة وقالت الحمد لله يعني بتاخذين الفلوس المهم اخذتها المديرة .
ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية ..
المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه ومنيب جايه الا على فكرة من صار زوجها اللي متزوج المديرة ؟
قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .
المهم جت تسحب رجليها بالقوة ويوم جت تدخل المدرسات كل وحده مبسوطة انها مهيب هي وبدن يسمن عليها عشان ماتنصدم ...
دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .


يوم طلعت لقوها عادية وماصار شي وفلوسها أخذتها المديرة ..
قالن يابنات فيه وحده منكن ماخذت المديرة دراهمها ؟
قالن لا والله كلنا اخذت دراهمنا .


ودخلن المدرسات على المديرة وقالن اخذتي الفلوس من كل المدرسات تلعبين علينا !! منهو زوجك ؟
قالت المديرة المهم الدراهم ( 12017 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين.. بس اني اطلبكن لي أكثر من شهر تدفعن على مية ريال نصلح المصلى ولا وحدة منكن دفعت..
قلت والله لأدفعكن 500 ريال نصلح المصلى ونشتري مصاحف وقف للمسجد ...
قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا ...
انتهت القصة واتمنى تكون اعجبتكم ...


منــــــــقوووول ...

>>>>> ردود الأعضـــــــــــــــــــاء على الموضوع <<<<<
==================================


هههههههههههههه
الله يعطـــــيك العافيــــــــــــه


__________________________________________________ __________

هههههههههههههههههه
يسلمووووووووووووو


__________________________________________________ __________

يعطيك العافيه يا قمر

ينقل للقسم المناسب


__________________________________________________ __________

ههههههههههههه

حلوووهـ حركتهااا الله يوفقها

عوآإآفي يالغلآ


__________________________________________________ __________

ههههههههههههههههههههه.....والله يستاهلون للمصلى مايعطونها....بس يعطونها كرمال ما يتزوجو عليهم أزواجهم....
تحياتي لك....بنت مكة....