مهم لكل عروسه اغراض لها مهمه في الصيدليه......
عنوان الموضوع : مهم لكل عروسه اغراض لها مهمه في الصيدليه......
مقدم من طرف منتديات نساء الجزائر
مهم لكل عروسه اغراض لها مهمه في الصيدليه......
فـ السؤال الآن : وش تشتري العروسه من الصيدليه .
أكيد بعد الزواج ماراح نكون بكوكب آخر بس شي حلو انكم ما تنسون أبسط الأشياء لأن كل شي بنحتاجه وشخصياً أرتاح اذا كل شي حولي وحوالي .
وأنتو بتكونون مرتاحين بالسفر وأول الشهور اذا كل شي شاريته كثيره أنا صح ؟
1 / مناديل ديتول المعقمه : مناديل صغيره كلكم تعرفونها ,
بتحتاجونها صدقوني اشتري 2 كفايه , وحده حطيها بشنطة السفر , الثانيه لبيتك اذا رجعتي , مانبي 3 لأنهم ينشفون مع الوقت.
2 / مناديل ازالة المكياج : أفضل الأنواع الي أفضلها شخصيا مناديل جونسون , هذي أشتري 2 بعد , وحده معك للسفر مع أننا ماراح نستخدمها لازالة المكياج فقط ,
لكن لتنظيف اليد أيضا أثناء وضع المكياج <=== تحسب الناس حوسة مثلها . والمكانه الثانيه أفضل مناديل p h 5
كلهم بنفس الدرجه , ابتعدي عروستنا عن مناديل مكياجي تنشف بسرعه , وما تزيل كويس .
ولا تنسون تنظفون وجهكم بعدها طبعا .
3 / مناديل كلينكس / فاين , صغيرة الحجم " تباع في السوبر ماركت غالباً "
أبعدوا عن مناديل أبو ريالين , تجي ثلاث أرباعها مناديل والربع الثاني غبار
ما نستغني عنها بالشنط . كل شنطه ارمي فيها واحد وانسيه .
4 / غسول صغير معقم لليد , أحلى شي ممكن تحطينه بشنطتك وتستفيدين منه ,
بروحات المطاعم والتمشيه العاديه في وقت شهر العسل وبعده يفك أزمه وحجمه صغير ومناسب لكل الشنط .
اشتري برضو 2 . وارميهم بشنطتينك الي تطلعين فيها بشكل يومي , انتي عروسه وبتنوعين بالشنط لكن مو من المنطق نعبي كل شناطك أغراض .
4 / اسيتون " مزيل المناكير " ابتعدو عن المناديل الجاهزه في الاستخدام , لأنها مضره بالأظافر .
أشترو علبتين . علبه مع مكياجك الكامل الي بيروح لبيتك , وعلبه صغيره معك بالسفر , ممكن تعبينها بعلب صغيره اذا مو حابه تاخذين الكبير معك
, ولا تنسين تاخذينه معك بأغراضك الي بتروح للأوتيل أول يوم , كثير عرايس ينسون هذي النقطه وتصلي الفجر بمناكيرها .
5 / مقص أظافر : ما راح نحتاج الا واحد , دوري على الكبير أفضل . وأختاري النوعيه الي تجي قوي وأبضاي , وجيبي ثاني صغير بقولك وش نسوي فيه بعدين .6 / مبرد للأظافر : الشله كلها تبع العنايه بالأظافر ,
اهتمي عروستنا بأظفرك والعنايه فيها كل كم يوم , اشتري المجموعه كامله ومتواجده بكل مكان وأفضل مكان لها الصيدليه .
7 / معجون أسنان + فرشاة أسنان + غسول مطهر للفم واللثه : المعاجين اختاري النوع المناسب لك , واشتريأفضله للسفر وللبيت أيضا ,
لا تنسين تشترين غطا للفرشاة لحمايتها من التلوث من جو الحمام أكرمكم الله , أحرصي على تنظيف أسنانك بالتفريش واستخدام الغسول
× أمر صحّي : نزيف اللثه أثناء التفريش بين فتره وفتره ,
خصوصا لو لثتك تعبانه لأن الدم بيكون فيها فاسد + أنصحك بمعالجة مشكلات أسنانك قبل الزواج لأن مترتب عليها أمور عظيمه .
8 / ملقط : أبد هذا الشي ما ينحقر , راح تحتاجونه عروساتي الموسوسات في البدايه كثير ,
شعره طلعت , شعره ودها تطلع , يتفاهم معهم لتكوني مرتاحه على الآخر وكلكِ ثقه .
× ابعدو عن الملاقيط الي في السوبر ماركت , طريقة صنع الملقط هناك خاطئه
كلها بمستوى واحد ! بالتالي يطلع حبوب أشتروه من الصيدليه .
9 / مقص صغير : يسعف بشكل ما تتصورونه ,
ضروري تشترون أكثر من واحد . ومن الصيدليه تحديداً , المقصات هناك تشبه مقصات الجراحه وقوية وبكل الأحجام , أشترو 3 .
10 / أمواس حلاقه : الي عاملين ليزر بكل جسمهم لا يقرون هذي النقطه , عروستي الحلوه , سوا كنتي تحفين بالواكس
, أو بالحلاوه , أو بالمكينه , ما الضير لما تشترين كيسة أمواس حلاقه جيلت الورديه للبنوتات الحلوات وترمينها مع جهازك ؟
حتى لو كنتو من الي يكرهون الموس , ما ننكر فضله علينا جميعا , ونحتاجه بكل الاوقات .
11 / أقراص بندول اكسترا : الأقراص اللطيفه هذي , تجي مقسمه كل حبتين لحالهم , وانتي تتفرجين على التلفزيون فكي كل حبتين لحالها والعبو لعبة الشنط
, عارفين لعبة الشنط يا حلوات ؟ وما ننسى نحط باقي الكرتونه مع أغراضنا الي بتروح البيت , اشتروا كرتونين , ماحد يعرف
( زعلك زوجك , قرفتي منه وصدع راسك , امه قالت لك كلمه ضيقة صدرك وجابتلك صداع ) كل شي معك متوفر ولا للصداع بإذن الله .
12 / أعود أذان : يا لطيفه يا نظيفه , التصرف الصحي لللإنسان الصحي ,
زيارة الطبيب المختص مره كل 6 أشهر لتنظيف الأذن , ومع ذلك , بعد الاستحمام تتخمر الاذن شوي وتفرز بعض الشمع ,
لا تنسون تنظفون اذانيكم فقط بعد الاستحمام لأن المنطقه وقتها رطبه وسهلة التنظيف بدون استخدام العنف .
13 / كرات القطن : وش أقول عنها بس ؟ شهادتي بتكون مجروحه فيها . متعددة الاستخدام , وأعتقد ما نستغني عنها . ينقسم القطن لقسمين ,
الأولى عباره عن شرائح مدوره والثانيه كرات , بالنسبه لي أحتاجهم كلهم , وانتم .. على حسب الحاجه تقدّر مسألة شرائها من عدمه .
14 / فوط صحيه للاستخدام اليومي : رائعه جداّ ,
تستهلك في الغالب في السفر لطول المشاوير وصعوبة الرجوع للفندق كل كم ساعه , لذلك اشتري منها كثير , كرتونتين مناسبه .
15 / فوط صحيه للاستخدام المش يومي . أنا أستغرب من الي تسافر وتقول ماكنت أحسب اني بحتاجها
! تحسبين والا ما تحسبين تاخذينها معك لازم , اشتري عدد مناسب لحاجتك على الأقل لـ 3 شهور قادمه .
16 / فازلين + جلسويد : الفازلين ماشاء الله عليه مافيه شي ما يسويه ,
والجلسويد بتمر عليك رجليك كنها خشنت شوي ووقتها تبغين حلول سريعه للتنعيم ورجوع الماء لمجاريها .
17 / حلاو مص : ما أوصيكم عليه هذا بالصيدليلات الي موجود أغلبه لالتهاب الحلق
, لذلك أنصحكم بهونز معروف : متواجد يا بالصيدليه أو بالسوبر ماركت بألوان متعدده . طعم وريحه حلوين . وبولو طبعا ما ننساه .
بولو اشتروه من السوبر ماركت يجي كيسه كبيره فيها اكياس صغار , حلوه للشنط وجنب الكمدينه وبكل مكان في بيتك .
18 / مسحه طبيه : طلعت لك حبه انجرحتي بتاخذين جرعة الهروين تخيلو مدمن ويمسح بالمسحه قبل مدمن اتيكيت . المهم بنحتاج المسحه الطبيه كثير .
19 / مضمد جروح : بكره في علم الغيب <== ؟؟
20 / قطره للعين : العين تحب تكون ظريفه. والقطره تخليها زي الحليب بأسرع وقت وتخفف هيجانها ,
سوا أثناء استخدام المكياج أو بعد الاستحمام أو أي ظرف ممكن تمرين فيه , أشتري وخليها معك .
21 / شرائح النعناع : مطهره للفم .
مع التقييم ولكن جزيل الإحتــرام...
>>>>> ردود الأعضـــــــــــــــــــاء على الموضوع <<<<<
==================================
الله يجزاك خير انت عنتيني على شي كنت غافله منه بس اخاف يقول عني اني صيدليه متنقله
ههههههههههههه مشكوره ياقلبي
__________________________________________________ __________
للاسف يا الغلا
مكرر مع العذر
مهم لكل عروسه اغراض لها مهمه في الصيدليه......
__________________________________________________ __________
__________________________________________________ __________
__________________________________________________ __________
رد مع اقتباس
