شنطه سفر سياحة و سفر
عنوان الموضوع : شنطه سفر سياحة و سفر
مقدم من طرف منتديات نساء الجزائر
شنطه سفر
اسعد وقت بتقضيه في السفر و عشان تبقي الرحله حلوه شويه نصايح عن تحضير اهم حاجه
طبعا شنطه السفر
تختلف المحتويات علي حسب المكان و علي عدد افراد الاسره
بس دي قواعد عامه مهمه لاي حد
اول حاجه طبعا الكاميرا و الشاحن الخاص بيها عشان تحتفظي بأهم ذكريات
و ماتنسي يكون كارت الميموري بتاعها فاضي عشان تستوعب اكبر عدد من الصور الحلوه
ماتنسي كمان شاحن الموبايل و لو في حد في الاسره بيستخدم نوع تاني من الموبايلات ماتنسيه كمان
و اتاكدي ان الموبايل فيه رصيد كافي لخدمه الجوال لو السفر خارج البلاد
طبعا سجاده صلاه و مصحف صغير وياريت المصحف يكون في شنطه اليد
هاتقولي هو فيه وقت للقران انا خارجه اتفسح
هاقولك ممكن تقري لو ايه و هاتلاقي وقت في التنقل من مكان لمكان في المواصلات مثلا ابقي اقري شويه
ولا هانخرج و ننسي ربنا
النظاره الشمسيه ، واقي للشمس ، ملابس خاصه للبحر و طاقيه عريضه
خصوصا لو كنتي هاتقضي وقت علي المسبح او البحر
فرشه الاسنان ،المعجون ، الغسول الخاص بالبشره ، المشط ، مزيل العرق و شبشب للبيت
و كمان مكواه للملابس تكون خفيفه مناسبه للرحلات
دي حاجات مهمه جدا
لو قاصده شاليه مش فندق
خدي معاكي فوط للوجه و ملايه للسرير
طبعا ملابس للبيت ماتكتري منها
المهم ملابس الخروج عشان الصور الحلوه
راعي في الملابس و الاحذيه تكون مريحه و الاكسوارات بسيطه
ومافي داعي لاخذ الذهب و المجوهرات
خارجه انتي فسحه ولا رايحه عرض ازياء
لو متجوزه متنسيش قميص نوم جديد
طبعا لازم تبسطي و تدلعي الراجل اللي تاعب نفسه في الشغل عشان انتي تنبسطي
خلي معاكي قطعه ملابس مناسبه لسهره احتياطي
راعي و انتي بتحطي الحاجات في الشنطه تحطي كل حاجه بمستلزماتها
يعني طقم الخروج مع الطرحه و الشوز و الشنطه و الاكسسوارات المناسبه
البجامه البنطلون مع التوب
عشان ماتنسي حاجه ياقمر
و كمان لو فيه عندك اكتر من قطعه ملابس بتليق علي نفس لون الشوز و الشنطه خديهم
احسن ما تشغلي الشنطه بحاجات كتير و تتعبي في التنظيم
مكياجك حطيه في شنطه خاصه بالمكياج و ماتعرضيه للاهتزازات
هايتكسر و يخسر و هايتعكر المزاج
فوط صحيه لزوم الطواريء
بدل ماتحتاسي و يتعكر مزاجك وانتي بدوري علي مكان تشتري منه واحده
لو حد من الاسره بياخد دواء معين بانتظام ماتنسيه
لو فيه طفل ماتنسي البامبرز
كميه وفيره اكتر من حاجتك بشويه و المناديل المبلله
كمان لو فيه طفل خدي معاكي دواء للسخونه و البرد
احتياطي محدش يعرف الظروف ايه
وانتم عارفين العيال هوايه عندها تعكر مزاجنا الرايق
راعي تحطي الحاجه بترتيب عشان تاخد مكان اقل في الشنطه
بلاش تكرمشي الحاجه و ترميها من غير ترتيب عيب
و في النهايه ماتنسي تطمني اهلك انك وصلتي بالسلامه و انك بخير
اوعي تجري تخرجي و تنسي انهم قلقانين عليكي
و كمان انسي اي مشاكل ارمي كل همومك وراكي و استمتعي علي قد ماتقدري بوقتك
اللحظات الحلوه صعب انها تتكرر تاني
و اجمل تمنياتي القلبيه برحله سعيده و جميله
يالا يابنات اجازه العيد علي الباب اخرجوا فرفشوا و انبسطوا ولو في حديقه و سيبكم من الاكتئاب
و دعوه المسافر مستجابه افتكروني بدعوه حلوه
اللهم بارك لي في زوجي و ابنائي و جميع اهلي و اجمعني معهم في الجنه
في امان الله
ام نور و مهاب
>>>>> ردود الأعضـــــــــــــــــــاء على الموضوع <<<<<
==================================
تسلم الايادي حبيبتي
مفيدة بكل المقاييس
تحياااتي
روبي
__________________________________________________ __________
مشكورة على الموضوع
__________________________________________________ __________
موضوعك رائع ومميز
مشكورة
__________________________________________________ __________
السلام عليكم اختي
تسلمي للطرح الحلو
ربنا يسعدك حبيبتي
و تنبيهات منك و ضرورية
مع حبي
"مينو"
__________________________________________________ __________
مشكوووووره حبيبتي
رد مع اقتباس
