عنوان الموضوع : مثبت:موسوعة شاملة عن تحضيرات السفر لستات البيوت المتميزات .. -للسواح
مقدم من طرف منتديات نساء الجزائر

مثبت:موسوعة شاملة عن تحضيرات السفر لستات البيوت المتميزات ..



اخواتى السلام عليكم
اكيد بديتو تفكرون فى السفر وكيف التحضير للسفر
حبيت احط بين يديك بعض التجارب انشاء الله تستفيدى منها---وتسهل عليك السفر
اول شى ابى اتكلم عن استعداد من ناحية البيت وكيف تتركى البيت وانتى مسافرة
اولا حاولى من الان تخفيف المقاضى بالذات الى من سامز *** لانها بكميات كبيرة
نظفى رفوف المخزن واجمعى الاغراض الي فية وحاولى كل طبخة تستخدمى شى
بعدين اذا قرب السفر نظفى الثلاجة وطلعى اى شى يخرب فيها
تغسيل جميع الملابس ولا تبقى ولا شى فى السبت
تعليق ما تستطيعي تعليقة منها
تصفية الكريمات والشمبو وادخال المهم فى الثلاجة
ادخال اى شى على التسريحةداخل الادراج---فرش شعر عطور 0000
تغطية السرير ب مفرش الصلاة او اى مفرش كبير ---مع المخدات
ادخال كراسى الحديقة وملحقاتها ---وحتى الشواية---حتى لو كنتى فى شقة انتى لا تعرفي عن حالة الجو فى غيابك--وحتى الالعاب
كنس البيت جيدا --ورش بى كربونات الصودة علية
تسكير الشبابيك والستائر جيدا
تغطية الكنب بمفارش
التخلص من اى لحوم فى الثلاجة-----والهيل والقهوة والبهارات دخليها فى الفريزر وحتى الدقيق والرز ولا تنسى تحطى علبة بيكربونات الصودة مفتوحة فى الثلاجة
فصل افياش التلفون والتلفزيون وساعات الكهرب
اسكبى كاس من الخل وكاس من الكلوركس وشغلى الغسالة المواعين وخلى هذا اخر مرة تستخدمينها علشان ما تتسد
اخطار عامل البريد عن مدة الغياب لكي يحتفضو بة عندهم الى وقت رجعتكم من
السفر بالسلامة
تطليع اى شتلة من البيت لانها تسبب الكثير من البكتيريا--غير انها ستموت
انا اضعها تحت الاشجار فى الحديقة او اعطيها صحباتى
تسكير الغاز والماء منعا لاى تهريب فى غيابك
تغطية كرسي الحمام بكيسة زبالة كبيرة منعا لتبخر الماء منها وبالتالى
روائح كريهه فى البيت +احتمال دخول حشرات منها
المرور على كل البيت والتاكد من عدم وجود زبالة
جمع كل الاحذية وتصفيتها والباقى مسحة بالفازلين وكب مسحوق الصودة داخلها ثم ادخالها فى اكياس وصفها فى الدولاب

تغطية التلفزيون والفديو ان امكن
رش بعض البذور لازهار تجدينها عندالول مارت فى الحديقة لتكون فى استقبالك
عند رجوعك
اذا كنتى فى بيت يفترض يتم مقاولة شخص او شركة لتنظيف المسبح
وحصد الثيل
اعطاء مفتاح السيارة ---لاحد ثقة يشغلها كل فترة ---ممكن من الجيران
ترك بعض النور مشعل ----نواحى امنيةبالذات الى فى بيت
المرور على البيت وكتابة نوت باى شى تحتاجية من البلاد----قرصان جريش 0000
قهوة--- جلسليد الاحمر ---دخون ---عطورات عربية--تمر سماطات او سفر الى لاستخدام مرة واحدة اشياء كثيرة هذا الي فى بالي الحين

طيب حضرتى البيت كيف تحضرى نفسك
شراء جزمة مريحة ------اقول مريحة وانيقة
تحضير شنطة فيها
ابرة منظومة فى خيط
مناديل معطرة
مناديل ناشفة
نقد----بطاقة فيزة
اذا كنتى فى حاجة ------حبوب الحمل -----فوط-----اي علاج لافراد الاسرة
كتب ومجلات شيقة



الاولاد
تجهيز شنطة للاولاد ممكن تستخدمى شنط المدرسة
بعض الالعاب خاصة بالسفر موجودة فى الول مارت
اقلام تشكيل +دفاتر فيها رسومات للتشكيل

بجامة كم طويل علشان النوم فى الطائرة
بعض انواع السناك المفضل لديهم
واهم شى -------- اهم شى تاخذى اكياس زبالة صغيرة شى لما تركبى الطيارة تاخذى جزم اولادك وتحطيها فيها وتدخليها كل واحد تحت كرسية
وشى تقومى تشيلى كل المجلات الى قدام كرسى اولادك الى فى خلفية الكرسى المقابل لة وتحطى كيس الزبالة وتخلية يحط اى شى فى الكيس
بدل ماتكون للاسف الطيارة بعد نهاية الرحلة مزبلة

ابى اتكلم عن تحضير الشنط
كلمة السر فى هذا
(لا تضع البيض فى سلة واحدة )
نعم اختى لاتحطى اشيائك الحلوة -----او ملابسك انتى كلها ---او هداى اهل زوجك--- او هدايا اهلك
كل واحد منفصل عن الثانى بل حاولى تخلطيها مع بعض
علشان اذا ضاع هذا الكرتون او الشنطة مايكون ضاع كل شى لك وتجلسين بدون ملابس
فية ناس تحط كل الاشياء الثمينة فى فى شنطة وحدة وهذا من واقع تجربة خطير
والتعويض الى يعطونك اياة عند ضياع الشنطة قليل جدا قياسا بالجهد الذى بذلتية فى تجميع هذة الاشياء
جلابيات
جلابيب وحجابات
قمصان طويلة للبيت
اشرطة قران-----وقصص الانبياء للاطفال
كتب تعليم العربى --اشرطة اناشيد للصغار

اشرطة محاضرات
مساويك كمية واحطها فى الفريزر
مسابح نعطيها هدايا للمسلمين واحيانا الامريكان بعد
الاباريق حقت الشاهى
الترامس بيالات وفناجيل +طوفريات (صيانى )
مدخنة كهرب
زعفران=هيل قهوة
بندول
حنا ورق اطحنة اذا رجعت
بهارات مشكلة للكبسة والمعمول -----وجبن الكاسات
فانلا للكيك
زبيب
بروشورات عن الاسلام وكتيبات لشرح الدين لغيرالمسلمين بالانقليزى



اذا معك شنط يد--- لك او هدايا قبل لا تدخليها امليها بالملابس الداخلية
منهامنعا للاحراج اثناء التفتيش ومنها علشان الشنطة تحافض على شكلها
الاشياة القاسية مثل سشوار دائما فى الوسط ولازم تتلف فى بنطلون او قميص علشان ما تتزحلق من مكانهااذا كان معك كراتين بعد تسكيرها خلى عيالك يرسموعليها او انتى ارسمى عليها بلون يميزها عن علشان تعرفيها بسهولة وهى جاية فى السير حق المطار بسرعة
لانة مع التعب الكراتين تتشابة


حاولى تحطى علامة تذكرك بالي داخل كل شنطة علشان فى حالة احتياجك اى شى تعرفين وين تروحى بالضبط ---وحتى لما توصلى ما تفتحى الا الي انتى محتاجاة

نجى للدهانات -----هذىمشكلة نقلها----- بس حاولى تكون على الاقل فى كيسين يعنى تحطيها فى كيس وتربطية وبعدين تحطيها فى كيس ثانى -----وكذلك فى حال نقل العسل

العطورات لازم تتلف فى الملابس خوفا من انكسارها
الشنط اربطى عليها شريطة علشان تميزيها لان الشنط فى المطار تتشابة


ادوات المكياج تكون ملمومة فى شنطة صغيرة ---علشان ما تتبعثر فى الشنطة الكبيرة

ساعة يد وحدة من العمليات وحلوة فى نفس الوقت المجوهرات مالهاداعى فى الغالب
اشترى لك جزمة وشنطة وحدة تناسب حجابك ارتب لشكلك----ولازم تكون مريحة ---جدا
اشياء ثانية مثل قهوة شاهى نوع متعودين علية
ترامس ------هيل بهارات مشكلة الى يكفيك
القدور موكل مكان فية قدور حلوة خذى واحد كبير للرز والثانى صغير للحمسة او الفول او غيرة
اما الصيانى فى كل مكان
بخور

الان نريد ان نتحدث عن استعدادك انتى
خذى حمام ويكون موية دافية وصابونة ضد البكتيرياء
ضعى مزيل العرق الي ترتاحى لة
تشطيف الاماكن الحساسة ب(ملعقتين خل +كاس موية )يعطى انتعاش واحساس بالنظافة
رش بودرة على الجسم
لبس بنطلون خفيف قطن تحت الجلباب مريح يمنع الاحتكاك ويدفى فى الطيارة
تجهيز حجاب مريح واحد لاول السفرة والثانى لاخرها
البسى ملابس داخلية مريحة
اغسلى شعرك بدون بلسم----علشان يهدا الحجاب عن التزحلق +توكة تربط الشعر زين
اثناء السفر
البسى جزمتك المريحة وشنطتك الى جهزتيها من قبل فترة
لا تلبسى اى مجوهرات غير الساعة هذا اريح لك
سوى سكراب للبشرة لازالة اى مكياج وحطى كريم مغذى من اى نوع

ملاحظات:
أولا شنطة السفر ووضعيتك في السفر هي اتكون أهم شي... يعني أقصد شنطة السفر تلاقين شنط أنتيك ومريحة وتكفي ومب ثقيلة... حطي فيها التالي: كريمات الترطيب أنا أفضل زيت اللوز لأنه أقوى مرطب للبشرة.. كريم ترطيب للقدمين من St.Ives وكريم لليدين من Vaseline العصار.. وكمان شعرك مثل ما قالت الأخت غسليه بدون بلسم... وش بعد وش بعد؟؟؟ أمممم أيه.. فراشي الشعر نوعين مشط وفرشاه.. فرشاة الأسنان.. معجون الأسنان.. علك بالنعناع او القرفة تلاقين نكهات حلوه... كريم العيون مهم عشان الإرهاق... خذي معاك شنطة حافظة للبرودة صغيرة جدا.. حطي خرقة مليانه مويه وجمديها بالثلاجة.. بعدين حطيها بشنطة الحافظة.. أنا أحيان أقول للمضيفة تحفظها بثلاجتهم... عااااااادي جدا... وتستخدمينها بل النزول كمادات للعيون وآثار إنتفاخ السفر... خذي علبة بحجم الكف إسعافات أولية.. محد يدري؟؟ وكمان فوط صحية تخليك فريش... عطور ولوسيون ذا رائحة حلوة عشان قبل النزول.. وكمان لاتنسين تاخذين معك كتيبات صغيرة ومفيدة.. أنا أحب أشتري كتب ألغاز ومسابقات أتسلى فيها وممكن كمان تاخذين ألعاب التركيب ترى مسلية....

المهم هذا اللي عندي إذا ذكرت شيء قلتلكم عليه.. نجي للملابس ألبسي بنطلون قطني مريح... فيه اشياء يبيعونها بتارقيت مرره جنان... كمان عندكم ملابس داخلية قطنية تبع الرياضة مره حلوين من الوول مارت أنا أخذهم والبانتيز من فيكتوريا سيكريت... ربطه للشعر وليس كليبز... مهم بعد... أوه أهم شيء السيت العناية أنا أخذها من كلينيك.. traveling set فيها كلينزر وسكراب وكل شيء... أهم شيء يابنات تغتسلون قبل السفر ترى ترتاحون واااايد... وكمان حاولي تنظمين نفسك وأولادك حتى يالطياره... يعني خليهم يفطرون يتغدون ويتعشون ولو تستبدلين بعض الأشياء بأفضل... غسلي وجههم ورطبيه كل خمس ساعات.. قبل الوصول أنا أغسل شعر بنتي وأحطلها جل وألفلف شعرها بيدي.. أشطف جسمها وأحطلها لوسيون.. وألبسها... بس طوال الرحلة بالبجامة وأخذتلها سليبرز على شكل بوتيز... وأخذتلها كريم لافندار يريحها.... بس أهم شيء المشي كل نصف ساعة لو شويه بس... سوي تمارين خفيفة لو بس في المصلى... صلي ركعتين كل ماقمتي لأنك راح تحسين براحة وكمان نشاط... حجابك حاولي تلبسين بالطو مريح أول الرحلة وطرحة قطنيه مريحه.. قبل النزول سوي كل شيء على راحتك بس أثناء الرحلة ريحي نفسك على الآخر...

أكثري من شرب الماااااااااااااااي مهم مهم مهم مهم... مره كنت مسافرة باريس وكان معايه وحده طوال الرحلة يمكن شربت ثلاث علب موية صحة إثنين ليتر.... لما سألتها قالتلي مو بس كذه أنا ماخذه دواء لتنظيف المعده قبل السفر تقول تخلص جسمها من السموم عشان لا تتبخر على الوجه أثناء السفر وتبقع الوجه وتظهر أثار التعب... أممممم؟؟؟ مدري عنها وش الدوا اللي إستخدمته ولا سألتها لأنها لقافة....

يفضل اخذ ملابس احتياطيه لجميع افراد عائلتك غير الملابس اللي بتلبسينها اذا وصلتي لارض الوطن... ربما تحتاجينها اثناء رحلتك .
اخذ عبايه ثانيه احتياطيه ..
الكريمات لفي كل كريم بكيس علشان مايسيل على الملابس ..
الكراتين نصيحه لفوها باللزيق الشفاف المتين من كل الجهات
علشان ماتتعرض للتمزق وقت نقلها من مطار الى مطار ومن طائره الى طائره
وياحبذا لو اخذتي معك كم واحد علشان لاقدر الله وتمزقت الكراتين سواء بالنقل او التفتيش تلصقينهم باللي معك ...
انا اخذها مجموعه من سامز ويكون معها الهولدر الخاص فيها يساعد على تسكير الكرتون بسهوله ..

اللي مسافره نهائي ويكون معها تحف او كريستالات او اطباق
نصيحه لفيها بالورق الشفاف اللي يستخدمونه المحلات للتغليف
ويحبون الاطفال اللعب فيه . ...ان شاء الله عرفتوه

للاطفال اللي يروحون للحمام يناسبهم غطاء الكرسي المحمول

عندي مداخله بسيطه بالنسبه للمسافرين على الخطوط السعوديه لايحتاجون بنظري لاخذ العاب لاطفالهم
لان الخطوط توفر شاشه الكترونيه لكل راكب فيها العاب وافلام تلهي الكبار قبل الصغار
يمكن نحتاج للالعاب للاطفال لمن هم اقل من 3 سنوات ..
ايضا الخطوط توفر الوان وكراسات تلوين والعاب بسيطه جدا ..

ماذا لو كنت تبي تسافري بالسيارة؟ الحل:




اول شى احنا نسافر فى فان -----واحيانا عيالى يفضلون شيل المرتبة الخلفية
نفرش فى الارض مفرش علشان نقدر نغسلة متى ماحبينا ولا يتكب شى على ارضية السيارة نفسها
ونخذ بعض المخدات لهم


ناخذ ترمس موية وترمس شاهى واخذ الصناديق البلاستك الشفافة من ول مارت احط فيها اغراضى علشان اقدر اشوف الى تحت

اخذ مناديل سفرة وملاعق وصحون ورق
واكياس زبالة اعلقها علشان يستخدموها العيال وكل رست ايريا نحط وحدة جديدة لهم

اخذ الحافضه الكبيرة المربعة الى زى الترمس واحط فى الارضية ثلج
واحط فيها مرطبات
واسوى كيكة والفها زين واحطها فيها
كذلك فطائر -----وورق عنب فى كنتينر
اذا كنت بطول شوى اخذ قدرى معى

استعدادى انا زى ماقلت فى الاول
وعيالى ما اكثر لهم اهم شى يكونو مطقمين والبوت رياضى------لانى فى السفر اروح مولات واشترى اغسل منهم والبس علشان ما احمل اشياء جبتها من البيت واشياء اشتريتها

اخذ دخون نولعها فى الولاعة حقت السقاير ----ترا الدخون لة طعم فى السفر

اخذ فوط ومفارش لانى مااقبل فوط الفنادق
غير السبرى فبريز اذا تعرفينة صديقى ارش على الكنب والكراس فى الفنادق

ناخذ اشرطة الي مالقينا وقت نسمعها فى البيت
طبعا شنطتى احضرها بالطريقة السابقة +اتاكد من وجود الشاحن حق السيارة للجوال

اخذ شاهى +قهوة عربية +تمر هذى فى الغالب مانلاقيها فى اي مكان

الخرائط مهمة واكون ماشرة على طريقنا

منقوووول لعيونكم...

>>>>> ردود الأعضـــــــــــــــــــاء على الموضوع <<<<<
==================================


نجمه حايره حبيبتي نصائح كثير مفيده اتمنى الكل يستفيد منها

ولاعدمنا من جديدك يالغاليه.....


__________________________________________________ __________

موضـ ،،ــوع رائـ ،،ــع ..

الـ ،،ـلهـ يعطـ ،،ـيك العافـ ،،ـية يالغـ ،،ـلا ..

لا حـ ،،ـرمنا ابداعتـ ،،ـكـ وتألقـ ،،ـكـ ..

تقبــ ،،ـلي // تحيتـ ،،ــي

قطــ ندى ــرة


__________________________________________________ __________






جزاك الله كل الخير

مجهود تشكري عليه يالغلا

بانتظار قادمك الأجمل دوما

نور الإيمـــان


__________________________________________________ __________

مشاء الله ماتركتي شي
الله يعطيكي العافيه
نصائح مفيده


__________________________________________________ __________

يسلــــــموا