كثر الكلام يقل لاجله مقامي
عنوان الموضوع : كثر الكلام يقل لاجله مقامي
مقدم من طرف منتديات نساء الجزائر
كثر الكلام يقل لاجله مقامي
كثر الكلام يقل لاجله مقامي
قالوا علامك صامت وقلت ياناس = كثر الكلام يقل لاجله مقامي
الصمت حكمه والحكي مصدر إفلاس = ولقيت في صمتي يزيد احترامي
الصمت له معنى وله ذوق وإحساس = مركب نجاتك في بحور الظلامي
ترى الرجل صوره من الراس للساس = ثم يتبين جوهره بالكلامي
إما نطق في كلمة ترفع الرأس = تضفي على شكله جديد الاسامي
وإلا يعود معدنه معدن نحاس = يرميه سهمه بعد ماكان رامي
لا صار عندك من ثمينات الألماس = خله بصدرك لين وقت التمامي
أخاف يطلعلك من الناس بلاس = وإلا سفيه ما يرد السلامي
الله خلق خلقه على عدة أجناس = وكلن يسوقه مذهبه للأمامي
والله خلق بالطير قمري وقرناس = ووقت الهدد ما ينغزي بالحمامي
لا جال في صدرك من الهم هوجاس = وعينك يحاربها لذيذ المنامي
ونفسك عليله والفكر صار محتاس = اترك طمان القاع وارق السنامي
عليك بالعالي ليا هب نسناس = يبري الجروح الخافيه والعظامي
وخلك لربعك دايم الدوم نبراس = وخص القريب وخص ولد العمامي
خلك لهم في داجي الليل مقباس = ولصاحب أصدق من حقوق الغمامي
ربعك ذراك ليا لحق راسك الباس = قدو لهم شربك ولو كنت ضامي
وخلك لثوب الطيب والعز لباس = واترك دروب تنتهي بالملامي
وفعل الجميل وواجب الضيف نوماس = ومن لا نفع بالضيق نفعه عدامي
بيت الكريم أبوابه بدون حراس = وبيت البخيل يعد مثل الهدامي
كل بها الدنيا نصيبه بمقياس = ياخذ نصيبه لو جفوه الأنامي
>>>>> ردود الأعضـــــــــــــــــــاء على الموضوع <<<<<
==================================
مكرر يالغلا
انتظر جديدك
__________________________________________________ __________
__________________________________________________ __________
__________________________________________________ __________
__________________________________________________ __________
رد مع اقتباس
