قاطع اخته عشرون سنه
عنوان الموضوع : قاطع اخته عشرون سنه
مقدم من طرف منتديات نساء الجزائر
قاطع اخته عشرون سنه
...
هي عبارات ..
" لا "
بل عبرات تسكب لمن هجر وقهر وقطع
---
على عتبات تذكر الموت تنقطع كل حضوض النفس وكبريائها
هذه رساله كتبتها اخت لاخيها بعد القطيعه بينهم حيث كتبت :
" ياخوي "
بيفرحك خبر موتي وانت ماشفتني من سنين ؟
قاطعتني عشان كلام الناس أو بسبب كلام الناس أو بسبب أرض ودنيا دنيئة
أو لأي سبب !!
ونسيت أيام طفولتنا مع بعض !
يوم كنت أنام في حضنك .. وتشوف سعادة دنياك في سعادتي
يوم كنت تقدمني في طلباتي على نفسك وعيالك .. وحتى زوجتك !
يوم كنا نتقاسم " حلاوة " أبوي اللي يجيبها لنا وهو جاي من الدوام !
نسيت يوم كنت تمرض واجلس جنبك افرك بيدي مدري وش اسوي عشانك ..
ويوم كنت أمرض وتسرع بي للمستشفى
تخاف علي من إحساسي بالألم ..
" واليوم أنت كُل الألم "
...
آآآآآهـ يا " أخوي "
كيف قلبك وسع كل هالكون والناس اللي فيه من عدو وصديق
و" ضاق " على أختك وزوجها وعيالها !!
...
وش أقول لعيالي وهم يسألوني عنك !
أقول " خالكم " مايبيكم ولا يبي شوفكم !
كيف أقولها وانا حضنت عيالك في حجري وياكثر ما ناموا على يدي
واليوم " تطرد " عيالي من دنياك وهم يدورون عليك !
ياخوي
وش حال قلب أبوي وأمي وهم يشوفون تقاطعنا كذا !
وش حال قلبك لو شفت عيالك متقاطعين قدام عيونك
وأنت تضرب بيد على يد من قلة الحيلة وكلك أسف ..
...
ياخوي
عجز الكلام
....
...
..
.
؟
وهنا يجاوبها اخوها الشاعر حمود الشمري بهذه القصيدة المؤثرة
جتني رسالة
جتني رسالة من صدى خافق الروح = وقريتهـا بإحسـاس قلبـي وروحــي
قريتهـا وانهـدّت قصـور وصــروح = وأنـا مــن أول عاليـاتـن صـروحـي
تشكي تقول القلب يا حموٍد مجـروح = مـا تـدري انـي غايراتـن جـروحـي
تهـلّ دمـع وترفـع الصـوت بالـنـوح = والـلـي فـقـد غـالـيـه لازم يـنـوحـي
مـا كلّمتنـي يمكـن الصـوت مبحـوح = من النوح وإلا ما استطاعت تبوحي
جتني رسالتها بهـا دمـوع وجـروح = وانهَـد باسبـاب الرسـالـة طمـوحـي
تقول ياخوٍي الزمن صـار مفضـوح = والشيـب فينـي لـو تشوفـه يلـوحـي
يا بوعلي مالـي بالأغـراب مصلـوح = مـادام قلـب الـلـي نحـبـه شحـوحـي
ودّي بشوفـك دام الأعمـار بفسـوح = قبـل الرحـم يـا خـوي مـنـا يـروحـي
زلّ الزمان اللـي بـه أفـراح ومـزوح = أنـخـاك تكـفـى لا تـظـنّـه مـزوحــي
وبعد الرسالـة صـار بالقلـب ذابـوح = طار المنـام وصـار فكـري يشوحـي
أختـي رسالتهـا لهـا القلـب مفـتـوح = كلّـي لهـا والقلـب ينـصـت ويـوحـي
أقولهـا ودمــوع عيـنـي لـهـا فــوح = وسط المحاجـر دمـع عينـي يفوحـي
أجـاوب الورقـا علـى عالـي الــدّوح = وأنوح من فرقـا الرفيـق السموحـي
والله لو إني وسـط الأطبـاق مذبـوح = لأظهر كما خطو الحصان الجموحـي
وأقول يا عين المها مـا بهـا شـروح = لـو تطلبيـن الـروح تـفـداك روحــي
انا اريكم ان تسمهو وهو يبكي لكن لا اعرف اضع مقطع الصوت
ودمتم بحفظ الله
>>>>> ردود الأعضـــــــــــــــــــاء على الموضوع <<<<<
==================================
مكرر يالغلا
__________________________________________________ __________
__________________________________________________ __________
__________________________________________________ __________
__________________________________________________ __________
رد مع اقتباس
