عنوان الموضوع : سولفوا تكفون لاعاد تسكتون
مقدم من طرف منتديات نساء الجزائر

سولفوا تكفون لاعاد تسكتون






سولفوا تكفون لا عاد تسكتون ..
. . قبل لا أهوجس وياتيني بلاي


السكات يزود طعوني طعون ..
.. وتنكسر لا جا على راسي عصاي


سولفوا لو ما بغيتوا اتسولفون ..
.. قبل لا اقعد في الحزن رايح .. وجاي


واضحكوا لو بالعماله تضحكون ..
.. وجاملوني لو يضايقكم حكاي


لي وليفٍ راح جعله ما يهون ..
.. هو دواي وداي .. أو داي ودواي


راح لكن طيف زوله في العيون ..
. . مرةٍ قدامي ومرة وراي


وإن سكتوا جا وهو طيفه يمون ..
. . رحت أهوجس له وأبين له ولاي


مكسب عيوني من الفرقا مزووون ..
. . تمطر لطاريه .. والبرق ؟ أصدقاي


كل ما طروه لو هم يمزحون ..
.. احرموني من غداي ومن عشاي


أدري إنه ما تناسى الود كون ..
.. تسمع إذنه في قفاي اللسن عداي


وكانهم قالوا نسيته يكذبون ..
. . وإلا أنا فيه أمتلك نظرة وراي


كان حبه لي على خبري مصون ..
. . والله ان كني بقدري .. وبغلاي


ذي بقايا الحب وأطلال الجنون ..
. . والله أعلم في ضميره وش بقاي


غير طيعوني ولا عاد تسكتون ..
. . ولا والله إن أسمعكم بكاااي

>>>>> ردود الأعضـــــــــــــــــــاء على الموضوع <<<<<
==================================


صح لسانك يابنت الغامدي قصيدة رائعة جدا وراقت لي أتحفينا اكثر يسلمووو


__________________________________________________ __________

المشاركة الأصلية كتبت بواسطة ام العز 3
صح لسانك يابنت الغامدي قصيدة رائعة جدا وراقت لي أتحفينا اكثر يسلمووو

الله يخليك حبيبتي واسعدني مرورك والمهم ان تروق لك هذا ماأسعى اليه


__________________________________________________ __________

مكرر يالغلا,,,,


__________________________________________________ __________


__________________________________________________ __________