عنوان الموضوع : أنتي وعــه \\\\\ أنتي حلــوه !!!؟؟؟؟‎
مقدم من طرف منتديات نساء الجزائر

أنتي وعــه \\\\\ أنتي حلــوه !!!؟؟؟؟‎






السلام عليكم

انشاء الله تكونو بخير

سبحان الله وبحمده ...سبحان الله العظيم

نبدأ

**************
انتي وعه

*أنتي وعه إذا رحتي تسلمين على صديقاتك تركضين وتبوسينهم على خدودهم ...ونسيتي مصافحة الأيدي الى حثنا عليها الرسول.صلى الله عليه وسلم.

*انتي وعه اذا دخلتي على ناس وبدل ماتقولين السلام عليكم..تقولين هاي!!!

*انتي وعه اذا طولتي لسانك على هندي ولا فلبيني.وقلتي اجنبي عادي

*انتي وعه اذا كنتي مع ابوك ولا أخوك..واذا راح نزلتي الطرحه ولا تلثمتي!!!

*انتي وعه اذا طلعتي مع صديقتك وشفتيها لابسه نقاب ولا عباية راس..وقلتي لها:ماتو الي يلبسون نقاب وعباية!!!

*انتي وعه اذا خصصتي الدين بس لشهر رمضان!!!

*انتي وعه اذا شفتي صورة صاحبتك في سفرها برا السعوديه متحجبه وانتقدتيها.

*انتي وعه اذا قالت صديقت بروح اعتذر لصاحبتي بنكمل 3 ايام زعلانين ...وقلتي لها بلا غباء ..لا تهنين كرامتك

*انتي وعه اذا رحتي لسوق والعطر يفوح منك ..وصوت الكعب يطقطق ..والمكياج مكمل الثلاثي

*انتي وعه اذا حكمتي على البنت من مظهرها الخارجي ونسيتي الاهم وهو الداخل.

*انتي وعه اذا حطيتي اسم موضوعك مقتبس من اغنية ..وكل من قراه ..بيغني الاغنيه..ولك الأثام

*انتي وعه لما تحطين نغمة جوالك اغنيه وتجبرين الي جمبك يسمعها ..او حتى لو كان يسمع بيقعد يدندنها في باله..فبتشيلين أثامه:

*انتي وعه لما تعرفين علم وساكته عنه..مثل لما تطلبك بنت تخطيط محاضره.. تقولين..لأ

*انتي وعه لما يكون عندك اختبار الساعه9 وتحطين الجوال واسلاعه ع المنبه قبل 9 واذا صلاة الفجر ............

*انتي وعه لمااتحفظين طفل مقطع اغنيه وتضحكين.... بدل ماتحفظينه سورة من القران.

*انتي وعه لما امك تكلمك ترفعين صوت التلفزيون ...ولما صاحبتك تكلمك تقصرين عليه؟؟؟

*انتي وعه لما تسمعين صوت الاذان ولا تطفين الأغاني..

*انتي وعه لما يكون كل همك طلعات وأسواق ما لها أي فائده...ولا جت صلة رحم ولا دورات مفيده تطنشين..

*انتي وعه لما تشوفين مكان مليان رجال ..تتعمدين تمرين من عندهم..مع ان فيه ممر ثاني((لا وتظبطين الطرحه والنقاب!!!))

* انتي وعه لما تكونين في صالة انتظار عامه ومليانه..وتجي عجوز..ومالها مكان..وما تقومين لها

*انتي وعه لما تشترين كل الي نفسك فيه..وتنسين الصدقه للفقراء والايتام.

*انتي وعه لما تشترين اي بود وتملينه اغاني... ولا تحطين فيه لو اذكار.. ولا نهاية سورة البقره ولا أيه الكرسي...وينك عن حساب ربك؟؟

*انتي وعه لما تهجرين القران اكثر من 3 أيام...والنت جالسه عليه 24x24 ساعه

*انتي وعه لما تحشين في الناس..وعن حمولتك..وتغتابين صديقاتك..


***************
انتي حلوه

* انتي حلوه اذا صرتي فاضيه تنزلين لأمك تسولفين معها توسعين صدرها.

*انتي حلوه لما تقومين من النوم وتقرين وردك ..والمغرب برضوه.

*انتي حلوه لما تجلسين بمكان عام وتقولين بصوت عالي لا اله الا الله((تذكرين الموجودين))

*انتي حلوه لما تشوفين طفل ..تعطينه 5 ريال ولا حلاوه<<وهنا في ناس عندها تحفظ من الحلاو للاطفال وماألومهم>>

*انتي حلوه لما تخذين كرتون مناديل ولا مويه وتحطينها عند باب مسجد.

* انتي حلوه لما تهدين عجوز ماتعرف تقرا بابا سلام

*انتي حلوه لما تروحين انتي وصحباتك لدار ايتام ولا دار عجزه..بدل كل يوم سوق.

* انتي حلوه لما تشغلين وقتك في ..نادي ..كتاب..دوره..وظيفه..وكلها احتسبيها لله.

*انتي حلوه لما تقدمين نصيحه بأسلوب حلو. مو نصيحه تعصب بالواحد

*انتي حلوه لما أحد يسألك من وين شريتي هالشي..تقولين له المكان الصحيح..ليه الكذب وتحتسب لك كذبه..

*انتي حلوه لما تكونين راضيه عن نفسك..مو تاكلين في نفسك..لحتى ماتصيرين غير ايجابيه في المجتمع..

*انتي حلوه لما تشوفين اي وحده تبتسمين في وجهها"العاده هاذي اندثرت"لدرجه لو ابتسمتي بتقول الثانيه خير وش فيها ذي اكيد فيها شيء

* انتي حلوه لما تسترين عيب صاحبتك ...مو تشهرين فيها.

*انتي حلوه لما تقومين من مكانك و تنظفينه.

*انتي حلوه لما تكونين قدوه غيرك ..مو مثل سئ.

*انتي حلوه لما تقولين لخدامتك ولا السواق شكرا....وتهدينهم هدايا بسيطه

*انتي حلوه لما تحطين باقي اكلكم ((الرز مثلا)) بصحن بلا ستك وصحن مويه للعصافير.

*انتي حلوه لما تكونين غلطانه ..تسترين بنفسك ...ومتجاهرين بمعاصيك..عشان ماتككون المعصيه شي عادي.

*انتي حلوه لما تشوفين موقف سيارات للمعاقين.. تقولين للي يسوق بك لا توقف في هالموقف دور غيره.

* انتي حلوه لما تحكمين عقلك على قلبك..

********
م
ن
ق
و
ل
اتمنى ان ينال على رضاكم
دعواتكم

********

إذا أعجبتك موضوع من مواضيعي فلا تقل شكـراً ... بل قل الآتـي ::

اللهم اغفر لها ولوالديها ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..
ولكم باذن الله مثل ما تدعون لي به
اللـهم آميـن

>>>>> ردود الأعضـــــــــــــــــــاء على الموضوع <<<<<
==================================


اللهم اغفر لها ولوالديها ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..


__________________________________________________ __________

ااااااامين

الله يجزاك الجنة فلسطينية


__________________________________________________ __________

تسليمن اتى على موضوعك المميز
وفى انتظار جديدك ان شاء الله

اللهم اغفر لها ولوالديها ماتقدم من ذنبهم وما تأخر..
وقِهم عذاب القبر وعذاب النار..
و أدخلهم الفردوس الأعلى مع الأنبياء والشهداء والصالحين ..
واجعل دعاءهم مستجاب في الدنيا والآخرة ..



__________________________________________________ __________

تسلم ايدك حبيبتي على المجهود

الموضوع مكرر

ننتظر جديدك


__________________________________________________ __________