عنوان الموضوع : المسابقة الثقافية المنوعة >>> شرح + تسجيل
مقدم من طرف منتديات نساء الجزائر

المسابقة الثقافية المنوعة >>> شرح + تسجيل









صباح / مسا الخير يا أحلى أعضاء ومشرفات وإدريات ، ومراقبات ولا تزعلي يا دونا

كيف الحال ؟؟ إن شاء الله تماااااام التمام

بالتعاون مع الإداريات والمشرفات الأعزاء قررنا إنو نعمل مسابقة ثقافية منوعة بقسم التسلية والألعاب ورح أكون أنا المشرفة والمنظمة إلها من بعد إذنكم.

هلأ أول شي شو هي المسابقة الثقافية المنوعة ؟؟؟؟؟؟؟

المسابقة الثقافية المنوعة رح تكون عبارة عن تحدي ، عن طريق مجموعة من الأسئلة المنوعة اللي رح أطرحها عليكم ، ثقافية ... لأنها رح تزيد من ثقافتنا إن شاء الله، ومنوعة ... لأنها رح تضم جميع أنواع الأسئلة اللي بتخطر على بالكم واللي ما بتخطر على بالكم ، يعني رح تشمل دين ، علوم ، صحة ، جغرافيا ، ألغاز ، معلومات عامة ، فما تستغربو اذا شفتو اي سؤال من أي مجال، ورح تتراوح بين الصعب والمتوسط والسهل.



تاني شي ، كيف بقدر أشترك بالمسابقة ؟؟؟؟؟؟؟

بحب أخبركم إنو العملية سهلة جدا، وهي إنو عنا تلت مجموعات ، المجموعة الأولى مجموعة الفيروز ، المجموعة التانية مجموعة الزمرد ، المجموعة التالتة مجموعة الياقوت. وكل مجموعة رح تضم 10 متسابقات ، يعني المجموع الكلي للمتسابقات 30 متسابقة.

والتسجيل مفتوح من هلأ لحتى يكتمل العدد ، ورح يكون التسجيل في نفس الموضوع هاد ، فكل وحدة بدها تسجل تحط بصريح العبارة وتختار المجموعة اللي بدها إياها ، مثلا " أنا بدي أشترك بامسابقة وأنضم لمجموعة ................. "
واللي بتكتب عبارة " بدي أشترك بالمسابقة " بدون تحديد المجموعة رح أعتبرها غير مشتركة.

أما العضوات اللي ما رح يلحقو يشتركو بيقدرو يتابعونا ويشوفو مجريات المسابقة ويزيدو ثقافتهم معنا ، لكن يُمنع منعا باتا إنو عضوة من غير المشتركات تجاوب وبهاي الحالة رح تسمحلي أحذف مشاركتها.

وبتمنى إنو كل شي واضح بالنسبة لهاي النقطة



وتالت شي ، شو هي كيفية المسابقة ؟؟؟؟

هلأ رح يكون عنا كل يوم سؤالين أوتلات ، وبصراحة ما بعرف الوقت اللي ممكن أنزلهم فيه ، بس رح يكون بأوقات متفرقة من اليوم، وكل متسابقة بالمجموعة أكيد رح تحرص على إنو مجموعتها تفوز ، فبدكم تتابعو الأسئلة أول بأول ، لأنو الأولوية هي للمجموعة اللي بتجاوب قبل.


وعندي رجاء حاااااااااار جدا ، يا ريت بالإجابة نعتمد على معلوماتكم وثقافتكم ، يعني العربي الفصيح يستحسن إنو ما نستخدم أي من محركات البحث للبحث عن إجابة سؤال معين ، لأنو بصراحة بيصير هيك ما فيه روح المنافسة والحماس وبيصير الأشطر هو اللي بيستخدم Google أول.
فأنا حابة بهاي المسابقة نستخدم المعلومات والثقافة اللي عندنا عشان نشوف شو حصلنا بسنين الدراسة التعيسة >>> يا خوفي ولا اشي
أكيد أنا ما رح أقعد على جهاز كل وحدة بس يا ريت يكون متل ما قلت عشان نضيف الحماس للعبة

اما اذا السؤال ( عصلج ) يعني ما لقيتولو حل انتو حرين


ورح نحسب لكل مجوعة بتجاوب عن سؤال نقطة واحدة ، ورح تكون أقصى مدة للإجابة عن السؤال المطروح حوالي 5 أو 6 ساعات وبعدها رح اضطر أحكي الجواب واحط سؤال جديد.


ملاحظة مني : حرصا منكم على الإجابة أول ناس اعملولكم أكمن زيرة للقسم الألعاب حتى تشوفو آخر مستجدات الأسئلة >>> والعبولكم أكمن لعبة بالمرة


رابع شي ، وإذا فزنا شو رح يطلعلنا ؟؟؟؟

المجموعة الفائزة رح يطلعلها وسام يوضع في توقيع كل متسابقة مع زيادة في عدد النقاط لكل متسابقة ، وطبعا لازم جميع المتسابقات يشاركو بالإجابة عن الأسلة ويتابعونا حتى يكون الجميع متساوي
والمجموعة التانية والتالتة رح نعطيهم أوسمة ترضية توضع في توقيع كل متسابقة


ومدة المسابقة رح كون حوالي أسبوعين من بدايتها


بتمنى يكون الشرح وافي وأي سؤال أنا بالخدمة

>>>>> ردود الأعضـــــــــــــــــــاء على الموضوع <<<<<
==================================


انا بدي اشترك بالمسابقه وادخل في مجموعة الزمرد


__________________________________________________ __________

واااااااو مشكوووووره يالمثقفه هههههههه



انا ما احب الثقافه بس علشان عيونك بشترك

وبختصار
انا بدي اشترك بمسابقه الثقافيه بمجموع الزمرد


__________________________________________________ __________

فكرة رااااااائعة

بس بتمنى ما تبدأو هذا الاسبوع وتكون الاسبوع الجاي

أنا بدي أشترك بالمسابقة وأنضم لمجموعة الفيروز

يعطيك الف عافية يا بطة


__________________________________________________ __________

تسلمين حبيبتي احلى بنوته

مسابقه كيوووووت

بدي اشترك مجموعة الزمرد


__________________________________________________ __________

مشكوره والله يعطيك العافيه

أنا بدي أشترك بامسابقة وأنضم لمجموعة .الياقوت................ "