عنوان الموضوع : قصيده لام رماهاولدها في دار المسنين&&&
مقدم من طرف منتديات نساء الجزائر

قصيده لام رماهاولدها في دار المسنين&&&






[img]https://alfrasha.maktoob.com/pic/data/media/51/******mbook-01.gif[/img]







هذه قصيده لأم رماها ولده في دار المسنين تقول:


وين أنت يا حمدان أمـك تناديـك

وراك مـا تسمـع شكايـا وندايـا

يا مسندي قلبي على الدوم يطريـك

ما غبت عن عيني وطيفك سمايـا

هذي ثلاث سنين والعيـن تبكيـك

ما شفت زولك زايـر يـا ضنايـا

تذكر حياتي يـوم أشيلـك وأداريك

والأعبـك دايـم وتمشـي ورايـا

ترقد على صوتي وحضني يدفيـك

ما غيرك أحدٍ ساكن فـي حشايـا

واليا مرضت أسهر بقربك وأداريك

ما ذوق طعم النوم صبـح ومسايـا

ياما عطيتك من حنانـي وبعطيـك

تكبـر وتكبـر بالأمـل يـا منايـا

لكن خساره بعتني اليـوم وشفيـك

وأخلصت للزوجه وأنا لي شقايـا

أنا أدري إنها قاسيـه مـا تخليـك

قالت عجـوزك مـا أبيهـا معايـا

خليتني وسط المصحه وأنا أرجيك

هذا جزا المعروف وهـذا جزايـا

يـا ليتنـي خدامـة بيـن أياديـك

من شان أشوفك كل يوم برضايـا

مشكور يا ولدي وتشكر مساعيـك

وأدعـي لـك الله دايـم بالهدايـا

حمدان يا حمـدان أمـك توصيـك

أخاف من تلحق تشـوف الوصايـا

أوصيت دكتور المصحه بيعطيـك

رسالتـي وأحروفهـا مـن بكايـا

وإن مت لا تبخل علـي بدعاويـك

وأطلب لي الغفران وهـذا رجايـا

وأمطر تراب القبر بدموع عينيـك

ما عـاد ينفعـك النـدم والنعايـا



لاحول ولا قوة الا بالله

>>>>> ردود الأعضـــــــــــــــــــاء على الموضوع <<<<<
==================================


لاحول ولاقوة الا بالله


قصيدة مؤثر جدا


__________________________________________________ __________

دلوعه شكرا على مرورك


__________________________________________________ __________



__________________________________________________ __________

لا حول ولا قوة الابالله الله لا يموتن قلب على امهاتنة وامهات ازواجنة يارب مشكورة على القصيدة الحلوة الله يعطيكي الف عافية


__________________________________________________ __________