عنوان الموضوع : كان قلبي لك مدينه......
مقدم من طرف منتديات نساء الجزائر

كان قلبي لك مدينه......






كان قلبي لك مدينه......
--------------------------------------------------------------------------------
كـان لك قلبـي مديـنـه ولاحـظ إنـي قلـت : ((كـــان))
يعنـي إنـتَ الحيـن واحـد ((خـارج حــدود المـدينـه))
لـيه مستغـرب كـلامي وليــه أعطـيـك الأمــان
وليه تَكْـذِب في كلامـك العـذر وينـك ووينـه
ما ألـومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟
جرحي ما يرضيه قلبك لو يجـي كلِّـه حنـان
لو تبــوس الجرح فيني ولـو تقبلهـا إيدينـه
يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته وما قدرت إنِّـك تهينـه
( عزِّتـي ).. ما هي جديده آنا شامخ من زمان
إغسل إيدك من رجوعي وروح يا إبن اللذينه
طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه
تدري لما قلت أحبك قلت وما عنـدي ضمـان
وإختياري كان خاطىء تجربه بالحيـل شينـه
كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه
كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحه نظـرة حنينـه
ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه
الفشل .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه
وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه
جاي تسأل عن مكانك !! هو بقى فيني مكان ؟؟
الله يرحمها المشاعر اللي كانت لـك رهينـه
قلت لك قلبي ( مدينـه )فيها لك حشمه وشان
لكن إنتَ الحين أغرب شخص في هذي المدينه
أتمنى انها تعجبكم
منقول تسلم يد كتابة موضوع

>>>>> ردود الأعضـــــــــــــــــــاء على الموضوع <<<<<
==================================


خاطره

رائعه

تسلم

ايد اللي كتبها

و ايد
اللي
نقلتها

تحياتي

لكي

حبيبتي


__________________________________________________ __________

السلام عليكم ورحمة الله وبركاته

الخاطرة رائعة بكلمات معبرة ...

ولقد رأيتها موزونة ومقفاة فآثرت أن يستمتع بها محبي الشعر وقراءه ...

بارك الله بكِ ... وبانتظار جديدك من الأشعار والخواطر ...


__________________________________________________ __________


__________________________________________________ __________


__________________________________________________ __________