عنوان الموضوع : تكفووون بنات ساعدوني خلاص ماعاد اتحمل ):
مقدم من طرف منتديات نساء الجزائر

تكفووون بنات ساعدوني خلاص ماعاد اتحمل ):



السلام عليكم

بدش بالموضوع علي طول انا مريضه مريضه والله انا اسميه مرضضضضضضضضضض

ادري بتضحكون علي المهم انا فيني مرض اسمه النوم والله انام 24 ساعه عادي مره نمت الاربعاء قعد الجمعه والله نفسيتي تعبانه حدي ما احس اني عايشه مع الناس صار فيني اكتئاب وكرهت الدنيا والله من غير مجامله شعور خايس لما اتقومين وتلقين الناس نايمه والمشكله هي اني متزوووووووووووووووووووووووووووووووجه وعندي بنااااااااااااات والله زوجي طفر مني زهق تخيلوووووووو من طول صبره قام مايناقشني بموضوع النوم وقام ساعات اهو يسوي لبناته اكل بس والله انه كاسر خاطري
وانا يابنات سويت تحليل الغده والهرمونات وتحليل الدم كله سليم مافيني شئ الحمده لله بس زهقت والله اهملت بيتي وزوجي وبناتي حتي مستواهم الدراسي نازل ادري ابسبتي لاني مااجابلهم والمشكله بعد اصغر بناتي سنتين تخيلوا اختها ام 10 اسنين اهي اللي اتغير حفاضتها والحليب ماتعرف اتسويه ساعات تقعد من غير حليب لين اقوم بس تاكل مع خواتها خرابيط مثل صمون وجبن ومربي حليب وكورن فليكس شغلات سريعه وبنتي الكبيره اهي اللي اتسويه وساعات اقوم بالغصب اسوي لها حليب وارجع انام والله زهقت مليييت
مره قلت لزوجي ادري اني امضايقتك وانك زهقت مني بس والله انا فيني مرض ماله حل طلقني احسن انا مااصلح لك قال انا شاريج بس هالعيب اللي فيج وكل شئ فيج عاجبني وانا راضي بس لما اتنخانق يقول انتي كله نايمه ولاتدرين عن بيتج ويقعد يعايرني وكم مره وصلت مرحله اني اذبح نفسي وارتاح

تكفون ساعدوني بيتي هملته صار بيتي حوسه الملابس ابصوب والمواعين بصوب يعني لما اقوم وهم نايمين مالي خلق اسوي شئ احس دوم بخمول وكسل فضييييع ابي حل لاني ماني طايقه نفسي حتي مشروب الطاقه ريد بول وبايسن استعملتهم ماكوا فايده والله شسوي زهقت من حياتي احس مالي معني بالحياه ومااحب احد يزورني علشان بيتي حوسه واكون نايمه حتي لما ايدقون علي واكون نايمه يقولون لي انتي حيه ولاميته بالمسجات زهقت زهقت ابيييييييييييييييييي حل ؟؟؟؟؟؟؟؟؟

ساعدوني الله يوفقكم وينولكم اللي في بالكم امييييييييييييييييييين

>>>>> ردود الأعضـــــــــــــــــــاء على الموضوع <<<<<
==================================


بسم الله الرحمن الرحيم
انا مثلك احب النوم لكن مولهذي الدرجة
كثرة النوم سببت لك الخمو\ل والكسل
حاولي تكون عندك ارادة قويةما دام ماعندك سبب مرضي
سوي رياضة اشربي فنجان قهوة بس مو تكثرين
يمكن عندك مشكلة ما تهربين منها بالنوم حاولي تعرفين السبب عشان تقدري تعالجينة
موفقين


__________________________________________________ __________

أنا شفت من وقت قريب حلقة من برنامج (باللغة الانجليزية) نسيت اسمه تكلموا عن حالات مثلما أصابك، ولكني أنصحك بـ:
قراءة القرآن على نفسك وبخاصة الفاتحة وآية الكرسي والمعوذات.
الدعاء والدعاء والدعاء بتضرع وفي منتصف الليل.
الصدقة والإكثار من الاستغفار.
وإن كان ما بك هو حالة مرضية فأدعو لك بالشفاء وأدعوك لقراءة موضوع (عند المرض ماذا أفعل ... أتشرف بمشاركاتكم )
https://www.sedty.com/vb/showthread.php?t=55558
فإن قرأتِ الموضوع ستعلمين أن الله يحبك ... فلا تنسينا من الدعاء


__________________________________________________ __________

حبيبتي احتمال يكون عندك نفص في نوع من الفيتامينات الضروريه للجسم
واكيد في نوع من التحاليل ما سويتيه
ربنا معاكي ولازم تحاولي انك تتخلصي من هذه العاده ولو بالقوه لصالح عيالك وزوجك
وهلا وغلا فيكي


__________________________________________________ __________

سما شوق والله اشرب القهوه وبكثره بس ماكووووا فايده صدقيني كل الحلول جربتها مشكووووره علي الرد جزاج الله الف خير

نكرة راح اسوي اللي قلتيه ومشكوووره علي الموضوع جزاج الله الف خير

جوسى راح اراجع هاليومين المستشفي واشوف اذا في تحاليل ثانيه لازم اسويها لاني والله مليت وشاكرتلج حبيبتي


__________________________________________________ __________

الله يشفيك اختي انا سمعت من ناس ان الحجامه زينه للتخلص من كثرة النوم بس لاتسوينها الا عند طبيب مختص والحجامه اوصى بها الرسول عليه الصلاة والسلام وانشاءالله تنفعك