عنوان الموضوع : ايش احسن نادي نسائي بجدة ؟ -الرشاقة
مقدم من طرف منتديات نساء الجزائر

ايش احسن نادي نسائي بجدة ؟



السلام عليكم ورحمة الله وبركاته

انا عضوه قديمة بس من سنين ما دخلت بعضويتي ولا شاركت
بسبب الدراسة

فحابة تقولوا لي احسن نادي بجدة للنساء
ما يكون زحمة زي قولدن جيم
وسعره كويس سواء بالشهور او بالسنة ما يتعدى 3000

لمن بحثت بقوقل لقيت نوادي بس ما اعرف ايش الاحسن

في نادي مستشفى سليمان فقيه الكل يمدحه من ناحية النظافة والترتيب وتوفر مدربين واجهزة وساونا ومسبح واروبيك
بس المشكلة بالسعر يقولوا الشهر 1200 والسنة 5000
بس كانت قبل سنين ما اعرف دحين كم

وفي نادي السامريه يقولوا رخيص بس المشكلة بحي النسيم

وفي نادي إيسبا ارخص من سليمان فقيه بس اذا باخذ سنة بتطلع حسبة

وفي نادي المودة بس كانوا كاتبين انه صغير ومسبحه يخنق من الزحمة و قريت موضوع قديم انه يقولوا انه يوم نساء ويوم رجال
ولازم البس طويل وبلوزة طويلة تخطي وممنوع البرمودا والاسترتش فاحس صعبة

وفي نادي ليديز جيم LADYS GYM يقولوا فخم ونظيف بالفيحاء
بس بعيد و احسه مو معروف


فايريت تساعدوني
من سنين ابغا ادخل نادي كل مرة اجل اقول بعد ما اتخرج من الثانوي واقول بالاجازة حقت الصيف وحاعجز وانا لسى ما دخلت
واسفة على كثرة كلامي

>>>>> ردود الأعضـــــــــــــــــــاء على الموضوع <<<<<
==================================


يوووه محد ردعليك. وانا داخله متحمسه .. لاني ابغى نادي زيك ويكون في وسط جده


__________________________________________________ __________

ان شاء الله اهل جدة يفيدونكم يا بنات


__________________________________________________ __________

فيه ليديز جيم في مجمع السامريه بحي النسيم نظيف ومرتب وكمان مشاء الله كلاسات الايروبك عندهم متنوعه ومدرباتهم جيدات انا كنت مشتركه عندهم وانتهى اشتراكي ان شاء الله راح اجدد اشتركي على عروض اليوم الوطني عندهم

وفيه صاحباتي مشتركات في بخش بيقولوا كمان جيد وفيه سليمان فقيه


__________________________________________________ __________

بنات ليديز جيم عاملين عرض على مره كويس على تكسير الدهون


__________________________________________________ __________