عنوان الموضوع : رجيم ناجح (قصتى مع 20 كيلو)
مقدم من طرف منتديات نساء الجزائر

رجيم ناجح (قصتى مع 20 كيلو)



السلام عليكم ورحمة الله وبركاتة

من الاشياء اللى بتميز كل منا عن الاخر هى ترتيب الامور وتحديد الاولويات والدوافع.

ومن تجاربى الشخصية فانى وجدت ان من اهم اسباب نجاح اى نظام غذائى هو عدة اشياء ومنها.

1- تحديد الدوافع ( عايز او عايزة تخسى لية؟)
2- تجزئة الاهداف (ماتخليش هدفك انك تخس 10 كيلو فى شهر خلية 2.5 كيلو فى كل اسبوع)
3- ابتعد عن المحبطين واقترب من المحفزين (خاصة قصص الرجيم الناجحة)
4- اختار نوع الرجيم المناسب ليك.
5- كافىء نفسك دائما.
6-نوع اسباب فقدانك للوزن( تقليل اكل, زيادة نشاط, حوارق دهون ان امكن)


اولا واخيرا
الاستعانة بالله والتوكل علية

اولا بعد التوكل على الله
الدوافـــــــــــــــــــــــــــع

لابد ان يكون ليك دوافع واضحة قبل البداية فى الحمية الغذائية. دوافع تعرفها وتقدر تحددتها وتقولها والناس من حولك يعرفوها ويسمعوك وانت بتتكلم بيها دوافع لا تنساها وتكون ديما هية الحافز والمحرك ليك او ليكى. ممكن تكون الدوافع كبيرة ومهمة زى مثلا خطر السمنة وامراض القلب او زيادة نسبة الكليسترول فى الدم او ممكن تكون بسيطة زى لبسى اللى بحبة وعايز ارجع البسة او عضلات بطنى نفسى اظهرها او زواجى قرب وعايزة اخسر بعض الوزن. المهم يكون عندك دافع ويكون الدافع دة قوى عندى (مش مهم يكون قوى عند الناس).

ثانيا.
تجزئة الاهداف.

الطاقة الايجابية فى الرجيم مهمة جدا .... تخيل لو عايز تخس 20 كيلو !!! عن اى طاقة ايجابية نتحدث هنا!!! طبعا مواجهة النفس بالمهام الصعبة الى حد ما يسرب اليأس الى النفس . ولازم تكون زكى وانت بتتعامل مع نفسك. خمسة كيلو مش كتير كخطوة اولى (بسيطة وسهلة وممكنة ووقتها قليل ومجهودها اقل) وبكدة حيكون عندك القوة انك تواجة الرجيم لانة عدو ضعيف (خمسة كيلو) مش عدو قوى( عشرين كيلو).


ثالثا
ابتعد عن المحبطية واقترب من المحفزين.

صفحات الانترنت اصبحت تحوى الااف من قصص النجاح لانقاص الوزن (صدقنى بتساعد كتير) لما تلاقى غيرك كتير وصلوا لاهدافهم وحققوا غايتهم دة فى حد ذاتة طاقة ايجابية كبيرة وشحز للهمم وكمان عرف اهلك بالنقطة دى وخليهم يتحولوا لمشجعين ليك ومساندين فى الوقت دة ..... وابعد طبعا عن المحبطين اللى بيقللوا من قدرك وامكانياتك لان اللى زى دول مش عايزين غير انهم يشوفوك حد فاشل محل للسخرية والنكات.


رابعا
اختار نوع الرجيم المناسب ليك
ودة انا اتكلمت عنة فى فيديو لوحدة على اليوتيوب وكان بعنوان انواع الرجيم واتكلمت فية عن نوعين انا جربتهم ودة رابط الفيديو
‫انواع الرجيم‬‎ - YouTube


خامسا
كافىء نفسك دائما

من اهم النقط اللى فرقت مع اى حد انه يكمل النظام الغذائى بتاعة لحد مايوصل لهدفة هوة انه يعرف ازاى يكافىء نفسة.

بالنسبالى لما كنت فى بريدة (تحية لاهل بريدة) كنت كل يوم خميس بالليل وانا راجل من صالة الجيم وفى نهاية اسبوع رجيم كنت اعدى على بيت البيتزا واشترى بيتزا حجم كبير وايس كريم واللى نفسى فية (والله كانت تفرق كتير وتساعد كتير) كنت اخد طاقة وقوة دفع قوية للاسبوع اللى بعدة وطول الاسبوع انتظر نهاية الاسبوع حتى اكافىء نفسى.
ترى كافىء نفسك يوم واحد فى الاسبوع مش كل يوم.....

سادسا
نوع اسباب فقدانك للوزن

الامر ليس رياضة فقط..... ولا حمية ورجيم فقط........ ولا حتى حبوب وحوارق فقط

ولو كنت تظن ان احدهم يعمل منفردا فانت تضيع الوقت

نظم اكلمك وقلل السعرات الحرارية
ابذل مجهود على قد ماتقدر
استعن بالحوارق (الاصلى منها والمضمون ان اردت)

يارب اكون افدتكم من تجاربى الخاصة فى الرجيم

>>>>> ردود الأعضـــــــــــــــــــاء على الموضوع <<<<<
==================================


.


__________________________________________________ __________


معلومات قيمه

وطرح مميز لك شكري


__________________________________________________ __________

شكرا جزيلا


__________________________________________________ __________

شكرا لكل من دخل لقناتى


__________________________________________________ __________

شكرا على النصائح القيمة