عنوان الموضوع : النوم بيخسس (تجربتى الشخصية) للرشاقة
مقدم من طرف منتديات نساء الجزائر

النوم بيخسس (تجربتى الشخصية)



السلام عليكم ورحمة الله وبركاتة

حتكلم المرادى عن حجات بسيطة اوى ........ بس بتفرق اوى

تصرفات محدش واخد باله منها ........... بس بتساعد كتير.

حجات برضة من تجارى الشخصية ونفعت جااااااااااااااامد جدا وجابت نتيجة (طبعا مع النظام الغذائى)

زى اية مثلا الحجات دى.

النـــــــــــــــــــــــــــــــــــــــــــــوم .

عارف ان فية منكم سمع عن الموضوع دة....... بس اظن الغالبية ماتعرفش بية..... انا بقى جربتة بنفسى. وحقولكم لاقيت اية.


موقف لفت انتباهى للنوم.

فى سنة من السنين وكان قبل اجازة العيد الصغير (عيد الفطر) بايام وكنت ساعتها فى بريدة(تحية خاصة جدا لاهل بريدة) وكنت مقرر انى بعد العيد ابدأ رجيم كان فية زيادة بسيطة فى وزنى ساعتها ومكنتش عايزها تزيد عن كدة (اسيطر على الوضع من بدايتة يعنى) فقولت بعد اجازة العيد حبدأ عشان العيد فرحة بقى وكدة وحبقى غالب الوقت قاعد فى السكن مش بتحرك وحيبقى جو فرح واكل وانبساط وكشخة على راى السعوديين فقررت انها تبقى بعد العيد...... ومرت ايام اجازة العيد مابين اكل وشرب وصلاة ونوووووووووووووووووووم ونوووووووووووم ونوم عدد ساعات كبيرة اثناء اليوم من 8 الى 12 ساعة ف الكام يوم بتوع العيد.

ولاحظت انى من غير ما ابدأ اى رجيم ان فعلا وزنى بدأ يقل بشكل طفيف فدة شد انتباهى ولما فكرت لاقيت ان كل شىء من انشطة حياتى ثابتة (اكل وشرب ونشاط و و و ) الا النوم بس هوة عدد ساعات النوم زادات اكتر شويتين ..... بصراحة خليت الموضوع فى بالى وما اديتهوش اهتمام كبير لحد مالاقيت ابحاث عليمة غربية بتقول ان النوم فعلا بيساعد كتير فى تقليل الوزن دة لان اولا الجسم بيحرق سعرات حرارية اثناء النوم وكمان حاجة كمان انا لاحظتها ...... قلة النوم تخلينى اقوم الى حد ما جعان اكتر من اليوم اللى اقوم فيها وانا نايم عدد ساعات كافية ... احس ساعتها انى ممتلىء ..... سبحان الله.

وكمان بالنسبة للاعبى كمال الاجسام حتلاقوا ان من اهم النصائح اللى بتتقدم ليهم (نام بدرى ونام عدد ساعات كافية) لان الجسم وهوة نايم بيقوم بانشطة مش بيعملها فى الصحيان وكمان شىء مهم وهية انك تنام اثناء الليل يعنى ماتنامش بعد الفجر وتصحى الظهر لان ساعات نوم الليل لا تعوض ودة كلام طبيب ليا.

يارب اكون افدتكم ..... وادعوكم لقناتى على اليوتيوب وشكرااااااا جزيلا للمنتدى

>>>>> ردود الأعضـــــــــــــــــــاء على الموضوع <<<<<
==================================


شكرا


__________________________________________________ __________

-


صحّ مآفي آفضل من نومهٍ آلليلٌ ،
تريح آلشخص جسدس ونفسيٌ ،

لآهنت ع آلآنتقآء ..


__________________________________________________ __________


__________________________________________________ __________


__________________________________________________ __________