عنوان الموضوع : تعبت حييييل حمية و رشاقة
مقدم من طرف منتديات نساء الجزائر

تعبت حييييل



السلام عليكم ورحمة الله وبركاته
والله يا بنات مادري من وين ابدا بس الله يشهد علي اني اكتب لكم ودموعي تسيل وحالتي النفسيه تحت الصفرر تعبت من حالي ومن جسمي الله انعم علي بالوجه الحسن ولله الحمد انا جميله وكل شي حلو فيني حتى اني طويله وهو يمكن الشي اللي مخليني للحين ماوصلت اني اكون منطويه وما اطلع من البيت بس كلام اهلي وعماتي وخوالي مايرحم تعبت حيل من نظراتهم قبل كانوا بس باين بعيونهم الكلام الحين قاموا يجرحوني بكلامهم بطريقه مباشره وطريقه مافيها اي نوع من النصح جات مرت خالي معاها بنتها مرره نحيفه والله يستر عليها مافي ولاشي من علامات الجمال وانا احلى منها بكثير بس مشكلتي متينه كنت جايه لرياض مع خواتي ومسيرين عليهم وماصارلها فتره طويله طالعه اسماء القبول بالجامعه وانا اسمي كان معهم وحيل كنت مبسوطه وفرحانه بنفسي
جات قالت لي مرت خالي قدام بناتها وقدام الكل انتي ماتغارين تشوفين البنات كلهم نحاف الا انتي انا عبالي هي تنصحني لانها اكبر مني قلت اي والله ان شاء الله قريب بسوي دايت انا على نيتي قلت كذا اثاريها نيتها غير تبي تمصخرني قدام بناتها والحريم الموجودين قالت لي جد يعني تشوفين البنات بالجامعه يلبسون ويكشخون الا انتي وش متنك بينهم لما قامت عندي اختي وسحبتني قالت ابيك شوي ولما جيت عند اختي قالت وش فيك جالسه للحين كيف تسمحين لها تقولك كذا قلت مدري عبالي بتنصح قالت احد ينصحك بهالطريقه هذي مصخرتك لانها منقهره منك وتدري ان بنتك منقهره منك عشان كذا تبي تريح بنتها , حتى كل ماشافوني جلست قاموا يتكلمون عن الملابس والازياء والنحاف واللي ضعفوا لما خلاص احس اني بنهار من نظراتهم وكلامهم احس ان ماصارلي قيمه آه والله اني تعبت حيل تعبت توني اشوف صوري بعرس اخوي وش زيني بس لو هالمتن كل شي فيني حلو مع العلم ان عمري 20 ووزني 100 وطولي مدري كم بس انا طويله ,متني مو يعني اني ماقدر امشي ولا اجلس زين لا بس متييييييييينه لا لبس زي الناس ولا شي والطول مع وزن كذا يخلي الشكل ابد مو ناعم
انا يأست حيييييييييل تجيني الاراده شوي وتروح وامس جبت حبوب الآساي بيري مع ان امي موراضيه بس خلاص انا تعبت وودي اسوي معاهم الرجيم الكيميائي بس خايفه من نفسي اي خايفه ما اكمل انا مو قد الكلام اللي يجيني من اهلي والله اني اتمنى الموت ولايجي اليوم اللي اسمع فيه هالكلام مره ثانيه
انا اسفه طولت بكلامي بس وربي مخنووووقه

>>>>> ردود الأعضـــــــــــــــــــاء على الموضوع <<<<<
==================================


ااسمعي حبيبتي لا تضايقين نفسك على شيء ما يسوا و أتركي عنك ها الكلام و الكلام اللي تسمعينه منهم دخلي من ها الأذن و طلعيها من ها الأذن خلك إذن من عجين و إذن من طين و إذا على رجيم و لا يهمك شوفي هنا في قروبات كثير حق الرجيم أو الدايت اشتركي مع البنات في أي القروب و هم أن شا الله ما راح يقصرون معاك أنا ترا كنت نفس حالتك بس الحمد الله من يوم سجلت في المنتدى هنا و أموري ماشية و وزني كل ماله و ينقص فا إنتي ما عليك لا تشيلين هم و أهم شيء النفسية و الإرادة و آلارررررررادة لازم تكون عندك إرادة قويهة و أتمنى ما طولت عليك و أن شا الله تضعفين من غير شر


__________________________________________________ __________

حاولت كثييير اطنش وارجع احاول اسوي رجيم بس اول يومين وبعدين خلاص اترك كل شي وارجع آكل بطريقه اكثر من قبل ,كيف اطنش وهم اهلي ويسوون كذااااااااااا ! كلامهم قسم بالله ان بالوقت اللي ينقال ودي الارض تنشق وتبلعني قسم بالله صارت لي مواقف كثير من كثر ما اتضايق واشوف ارادتي كذا تخيلي ارجع آكل ياالله احس اكلي بسبب نفسيتي مو حب بالاكل لما اتضايق اروح آكل عمري ما ارتحت من قلب تصدقوون ! احس سمنتي صارت زي الشبح اخاف تصير علاقتي بالناس بدون حدود عشان ما اسمع منهم كلام زي كذا بحجة الميانه خاطري اشترك بقروب بس المشكله اني ما اقدر ادخل دايم , يآالله احسها مسكره بوجهي بقوه , والله انا بمجتمع من خوال وعمام مايرحمون تخيلوا حتى امي يعايرونها فيني ! وليه بنتك دبه كذا ماتخلينها تسكر فمها : (


__________________________________________________ __________

آول حآجهه سلآمتكك من آلتعبّ ،
وبعدينّ دموعكك غآليههٍ لآتخلينهآ تنزل على شيء (بيدكّ) ..
آي بيدكّ ،

يعنيّ آنآ مثلآ وحده من آللي وزنهمّ عآليّ بس لمآ قررتٍ وخليت آسمي آحدّ آسمآء آللي يسعونّ لتخسيسّ

وطولّ مآآنآ آنزل بوزنيّ كنتٍ آقرآءّ تجآربّ آلبنآت آللي خسرتّ 20 و30 و40 و50

وربي ولآ تجربهه طولتّ لـ سنتينّ ،

يعنيّ آنتيّ تقدرين وآنآ آقدرّ وآلكلّ يقدر بس فكري بحآلكك

شنوٌ نآقصكك ..

آرآدهٍ × لآتتعبين نفسككّ في آي حآجهه لآن آلآسآس نآقصكك
تشجيعّ × وآلله هنآ آحلى تشجيعّ ولكك ممني كلمممهّ
دآيت × آلنت مليآن آنظممممهٍ آلكيميآئي وآلصحيّ

آخر شيء حآبهه آقولكك وزنكك عآليّ وقآبل لنقص بسسسرعههٍ عآليهه
بس نظآمممممّ < ولو حآبهه حنآ هنآ عشآن نسآعد بعضّ
ومويهههههه < آشربي حتى بين كل كلمهه وكلمه تنطقينهآ
ريآضهه < عشآن عمرك عشرينّ مآيصير بعد آلدآيت عمرك 40 ينشد جسمكك وينزل وزنك بشكل آسرعّ


آنآ حآسهه فيكك وبموقفكك خلآص قرري قولي مآآبي يجي آلعيدّ
آلآ ووزنيّ 70 آو 65 وآسعي لهآ وآلله آن آلآسبوعّ يمر بسسسرعهٍ

مثل مآنآ قررتٍ آن مآآبي تجي آلآجآزه آلجآيههٍ آلآ ووزني طآلعّ عن آلستينآت وقربتٍ ل للي آبيهٍ

وآنآ آول مشجععّعه لكك .. وآقولكك لآتمآطلين وتقولينّ بكرهٍ بكره بكره ويجي بكره وآنتي جآلسهٍ

ولآتآخذينّ آي حبهه لآتجيبين لنفسك شيء آنتي في غنى عنهه
وآحمدي آلله ع آلصحههٍ ولآتتمنين آلموتٍ على شيء مثل كذآ وهو مكتوبّ علينآ ،


__________________________________________________ __________

تسلمو على كلامكم بنات وربي ريحتوني ,

الله يعطيكم كل اللي تتمنوه


__________________________________________________ __________

شوفي إنتي إذا قلتي نفس ها الكلام مستحيل توصلين للـ إنتي تبينها شيل هـ الأفكار السودا من باللك ، غير من حياتك ككل غير نظام حياتك كله أبدي من جديد و تفائلي خلي عندك أمل و تفاءل كبير صدقيني و بتوصلين للي تبينه و شوفي إنتي دامك ما تقدرين تطنشئن كلامهم بلعكس خلي كلامهم في مصلحتك تحدي كلامهم يعني كل ما تكلموا أو أحد قالك شيء حطي في بالك أن بتشوف أو بتشوففون بكره بس أضعف و كلكم تنبهرون بجسمي .... ، و النقطة بعد مهم نفسيتك خليك سعيدة على طول لا تسمحين لأي شيء يحبطك أو يزعلك و احنا كلنا معاك و بنساعدك و نشجعك و أن شا الله بتضعفين