عنوان الموضوع : دعوه للصحه والرشاقه والجمال -رجيم
مقدم من طرف منتديات نساء الجزائر

دعــــــــوه للـــصـــحـــه والرشــــاقـــه والجمــــال



هااااااااااااااى يا حلوييييييييييييين .. النهارده حبيت اشارك (ودى أول مشاركه ليا ويارب تكون مفيده ليكو).. وهيا عباره عن تجربتى مع دايت عملتو بعد مكان وزنى زاد فجأه ومش عرفت أعمل ايه عشان ارجع لأيام الرشاقه هههههههه هو مدته طويله شويه بس صحى و هتحسو بفرق من اول اسبوع انشالله ..عموما مش هطول اكتر من كده ونبدأ على بركة الله النظام
......................................

الأسبوع الأول :
......................

*الافطار اليومي: كوب شاى أو نسكافيه بحليب خالى الدسم + م ص عسل + م ص مربى دايت + قطعة جبن أبيض أو جبنه قريش +2 توست ريجيم أو رغيف سن.
*العشاء اليومى: زبادى + 2 ثمرة فاكهه.
*الغداء اليومى: #اليوم الأول: ربع دجاجه مشويه أو مسلوقه + خضار مشوى أو مسلوق +4 م أرز + سلطه.
#اليوم الثانى: قطعة لحم مشويه + خضار على البخار +4 م أرز + سلطه.
#اليوم الثالث:علبة تونه + سلطه + 2 توست أو رغيف سن.
#اليوم الرابع:نصف كيلو سمك مشوى + 4 م أرز +سلطه.
#اليوم الخامس:ربع دجاجه مشويه + ربع كيلو بطاطس مشويه أو مسلوقه + سلطه.
#اليوم السادس:علبة تونه + 2 توست + سلطه.
#اليوم السابع: 8 م فول أو حمص + م ص زيت زيتون + رغيف سن + سلطه.

الأسبوع الثانى:
.........................

*الافطار اليومى: كوب شاى أو نسكافيه بحليب خالى الدسم + م ص عسل + م ص مربى دايت + 3 م فول أو بيضه مسلوقه + 2 توست أ و رغيف سن.
*العشاء اليومى: قطعة جبن أبيض أو بيضه مسلوقه + 2 توست + 2 ثمرة فاكهه.
*الغداء اليومى: #اليوم الأول: وجبه مفتوحه.
#اليوم الثانى: علبة تونه + 2 توست + سلطه
#اليوم الثالث: 2 شريحة بيتزا (ميديم وسط) + سلطه.
#اليوم الرابع: نصف كيلو سمك مشوى + 4 م أرز + سلطه.
#اليوم الخامس:ربع دجاجه مشويه أو مسلوقه + 6 م مكرونه + سلطه
#اليوم السادس:علبة تونه + رغيف سن + سلطه.
#اليوم السابع:5 مغارف شوربة عدس بالشعيريه أو شوربة خضار + سلطه.

الأسبوع الثالث:
.........................

*الافطار اليومى: كوب شاى أو نسكافيه بحليب خالى الدسم + قطعة كرواسون أو باتيه حجم وسط أو فنجان كورن فليكس بحليب خالى الدسم.
*العشاء اليومى:قطعة جبن أبيض + 2 توست أو رغيف سن أو 3 مغارف شوربة خضار.
*الغداء اليومى: #اليوم الاول:وجبه مفتوحه.
#اليوم الثانى:نصف كيلو سمك مشوى أو 2 قطعة سمك فيليه مشوى + 4 م أرز + سلطه.
#اليوم الثالث:8 م كشرى مصرى (مكرونه + أرز بالشعيريه + عدس أسود+حمص+صلصه طماطم مطبوخه دايت طبعا بزيت قلييييييييييل+دقة خل بالثوم والفلفل الأخضر خفيفه) ولو حبيتو البصل الشرايح اشووه فى الفرن)+ سلطه.
#اليوم الرابع:2 سيخ شيش طاووق (8 قطع) + رغيف سن + سلطه.
#اليوم الخامس:2 برجر مشوى + رغيف سن + سلطه.
#اليوم السادس:2 هوت دوج مشوى أو مسلوق أو 4 أصابع كفته مشويه + 2 توست أو رغيف سن + سلطه.
#اليوم السابع: صدر دجاجه مشوي + سلطه.

الأسبوع الرابع:
.......................

*الافطار اليومى: كوب شاى أو نسكافيه بحليب خالى الدسم + شريحة لانشون أو قطعه جبنه مثلثات دايت + 2 توست.
*العشاء اليومى: 3 مغارف شوربة خضار أو بيضه مسلوقه + 2 توست.
*الغداء اليومى: #اليوم الأول: وجبه مفتوحه.
#اليوم الثانى: ربع دجاجه مشويه أو مسلوقه + خضار مشوى بأى كميه + سلطه.
#اليوم الثالث: ربع كيلو جمبرى أو كاليمارى مشوى فى الفرن او مسلوق + رغيف سن + سلطه.
#اليوم الرابع: ربع دجاجه مشويه أو مسلوقه + 10 أصابع محشى (مطبوخ بارز قليل وخضرة كثيره) + سلطه.
#اليوم الخامس: 8 م مسقعه دايت(المفروم معصج بدون زيت فالتيفال و الباذنجان مشوى والصلصه بالثوم خفيفه) + رغيف سن + سلطه.
#اليوم السادس: 3 بيضه أومليت مع خضار + رغيف سن + سلطه.
#اليوم السابع: 6 م فول أو حمص + م ص زيت زيتون + رغيف سن + سلطه.

الأسبوع الخامس:
....................

*الافطار اليومى:كوب شاى أو نسكافيه بحليب خالى الدسم + م ص عسل + 3 م فول او جبن أبيض + 2 توست سن.
*العشاء اليومى: بيضه مسلوقه او شريحة جبن شيدر دايت + 2 توست سن + ثمرة فاكهه.
*الغداء اليومى: #اليوم الأول: وجبه مفتوحه.
#اليوم الثانى: ربع كيلو جمبرى مشوى + 4 م أرز + سلطه.
#اليوم الثالث:قطعة مكرونه فرن دايت ( الصلصه بدون زيوت كثيره وممكن تحشى بكبده مشويه وتوضع فى الفرن شبه اللى بالباشاميل بس من غير باشاميل)+ سلطه.
#اليوم الرابع: نصف كيلو سمك مشوى + 4 م أرز + سلطه.
#اليوم الخامس: علبة تونه + رغيف سن + سلطه.
#اليوم السادس: 8 م كشرى مصرى + سلطه.
#اليوم السابع: ربع دجاجه مشويه + ربع كيلو بطاطس مشويه فى الفرن + سلطه.

الأسبوع السادس:
........................

*الافطار اليومى: كوب شاى أو نسكافيه بحليب خالى الدسم + م ص عسل + 3 م فول أو جبن أبيض أو 2 فلافل + رغيف سن. *العشاء اليومى:بيضه مسلوقه أو قطعة جبن أبيض + 2 توست.
*الغداء اليومى: #اليوم الاول:وجبه مفتوحه.
#اليوم التانى:3 قطعة بيتزا(وسط) + سلطه.
#اليوم الثالث: ربع دجاجه مشويه + 5 م مكرونه + سلطه.
#اليوم الرابع: 2 بيضه أومليت + رغيف سن + سلطه.
#اليوم الخامس: نصف كيلو سمك مشوى + 4 م أرز + سلطه.
#اليوم السادس: علبة تونه + رغيف سن + سلطه.
#اليوم السابع: 2هوت دوج مشوى + 2 توست سن + سلطه.

الأسبوع السابع:
........................

*الافطار اليومى: كوب شاى أو نسكافيه بحليب خالى الدسم + واحد باتيه أو كرواسون حجم وسط أو فنجان كورن فليكس بحليب خالى الدسم + م ص عسل أو قطعة جبن أبيض + 2 توست.
*العشاء اليومى: طبق سلطه + قطعة جبن أبيض + 3 زيتون أسود + رغيف سن.
*الغداء اليومى: #اليوم الأول:وجبه مفتوحه.
#اليوم الثانى: علبة تونه + رغيف سن + سلطه.
#اليوم الثالث: ربع دجاجه مشويه + 4 بطاطس محشوه بالمفروم فى الفرن + سلطه.
#اليوم الرابع: نصف كيلو سمك فيليه فى الفرن + رغيف سن + سلطه.
#اليوم الخامس: 5م مكرونه بالمفروم ويمكن اضافه مشروم + سلطه.
#اليوم السادس: 2 بيضه أومليت بالبسطرمه والمشروم + سلطه + رغيف سن.
#اليوم السابع: 6 م فاصوليا بيضاء مطبوخه او مسلوقه + رغيف سن + سلطه.

الأسبوع الثامن:
...................

*الافطار اليومى: كوب شاى أو نسكافيه بحليب خالى الدسم + م ص عسل + 3 م فول أو طعميه فى الفرن أو 8 حبات زيتون أسود + رغيف سن.
*العشاء اليومى: 3 ثمرات فاكهه.
*الغداء اليومى: #اليوم الأول:وجبه مفتوحه.
#اليوم الثانى: 6محشى كوسه أو باذنجان + سلطه.
#اليوم الثالث: 8 م فول بزيت زيتون + رغيف سن + سلطه.
#اليوم الرابع: 8 م مكرونه بصوص المشروم + سلطه.
#اليوم الخامس: 5 مغارف شوربه عدس بدون شعيريه + رغيف سن + سلطه.
#اليوم السادس: 5 م بصارة + رغيف سن + سلطه.
#اليوم السابع: 8 م كشرى مصرى + سلطه.

الأسبوع التاسع: .
......................

*الافطار اليومى: كوب شاى أو نسكافيه بحليب خالى الدسم + قطعة كرواسون أو باتيه حجم وسط أو كورن فليكس بحليب خالى الدسم + م ص عسل.
*العشاء اليومى: 1 زبادى بالفواكه + 1 توست.
*الغداء اليومى: #اليوم الأول: وجبه مفتوحه.
#اليوم الثانى: ربع دجاجه مشويه + ربع كيلو بطاطس مشويه (يمكن وضع الدجاج والبطاطس معا فى الفرن) + سلطه.
#اليوم الثالث: قطعه كبيره لحم + ربع كيلو بطاطس مسلوقه + سلطه. #اليوم الرابع: 2 سيخ شيش طاووق + ربع كيلو بطاطس مسلوقه + سلطه.
#اليوم الخامس: 2 برجر مشوى + ربع كيلو بطاطس مسلوقه + سلطه.
#اليوم السادس: علبة تونه + رغيف سن + سلطه.
#اليوم السابع: 2 بيضه أومليت + 2 توست + سلطه.

الأسبوع العاشر:
.....................

*الافطار اليومى : كوب شاى أو نسكافيه بحليب خالى الدسم + م ص عسل + علبة زبادى + 2 خيار.
*العشاء اليومى :علبة زبادى + 3 ثمرات فاكهه.
*الغداء اليومى: #اليوم الأول: وجبه مفتوحه.
#اليوم الثانى: ربع دجاجه مشويه فى الفرن مع الخضار + 2 توست + سلطه.
#اليوم الثالث: قطعة لحم مسلوقه + 6 م فته بالزبادى (4 م أرز+خبز محمص +الزبادى متبل بدق فص واحد ثوم وملح وفلفل خفيف)+ سلطه.
#اليوم الرابع: 6 قطع شيش طاووق بالزبادى + سلطه.
#اليوم الخامس: سمكة رنجه + 2 توست + سلطه.
#اليوم السادس: 2 بيضه أومليت بالمشروم + 2 توست + سلطه.
#اليوم السابع: نصف كيلو كفته مشويه + 5 م زبادى + سلطه.

الأسبوع الحادى عشر:
...........................

*الافطار اليومى: كوب شاى أو نسكافيه بحليب خالى الدسم + 3 شريحة لانشون دجاج أو لحم أو بيضه أومليت بالبسطرمه + م ص زيت زيتون + 2 توست.
*العشاء اليومى: 4 م فول أو قطعة جبن قريش + رغيف سن + ثمرة فاكهه.
*الغداء اليومى: #اليوم الأول:وجبه مفتوحه.
#اليوم الثانى: نصف كيلو سمك مشوى + 4 م أرز + سلطه.
#اليوم الثالث:10 قطع سوشى + سلطه.
#اليوم الرابع: نصف كيلو جمبرى مشوى + 4 م أرز + سلطه. #اليوم الخامس: علبة تونه + رغيف سن + سلطه.
#اليوم السادس: طاجن جمبرى أو كاليمارى فى الفرن + رغيف سن + سلطه.
#اليوم السابع: 8 م فول أو حمص + رغيف سن + سلطه.

الأسبوع الثانى عشر:
.......................

*الافطار اليومى: كوب شاى أو نسكافيه بحليب خالى الدسم + م ص عسل + قطعة جبن أبيض أو شريحة جبن رومى + 2 توست سن.
*العشاء اليومى: علبة زبادى + ثمرة فاكهه.
*الغداء اليومى: #اليوم الأول:وجبه مفتوحه.
#اليوم الثانى: قطعة مكرونه فرن دايت + سلطه.
#اليوم الثالث: 8 م مسقعه دايت + رغيف سن + سلطه.
#اليوم الرابع: 2 قطعة لحم مسلوقه + خضار مشوى + رغيف سن + سلطه.
#اليوم الخامس: 8 م كشرى مصرى + سلطه.
#اليوم السادس: 4 ثمرات فاكهه + سلطه.
#اليوم السابع: قطعة جبن أبيض + خيار بأى كميه + رغيف سن + 2 ثمرة فاكهه.

***ملاحظات: شرب 2 كوب ماء قبل الأكل ب نصف ساعه وبعده بنصف ساعه... أى وجبه غير مرغوبه يمكن استبدالها بعلبة تونه + رغيف سن + سلطه... الحمص يكون مثل الفول بيوريه أنا عن نفسى لا آكل الفول واستبدله بالحمص ...كمان الأوزان فوق ال 90 يزودو شويه تقريبا 2 ملعقه للأرز و المكرونه والمحشى ..متحرموش نفسكو قوى عشان متعملوش مجاعه للجسم وتتخنو بسرعه بعدها .... انتهى بحمد الله ويااااااااااااارب يعجبكم وربنا يوفقنا جميعا ويقوى ارادتنا ونبقى موديلز هههههههههههههههه وعلى فكرة استغلو المده دى فالماسكات للشعر والبشرة وطبعا التمارين الرياضيه اهم حــــــــــــــــــــاجـــــــه عشان يكون كورس للصحه والجمال وهتلاقو فرق انشالله لانه نظام مبنى على الهرم الغذائى .. ولكم منى كل الحب

>>>>> ردود الأعضـــــــــــــــــــاء على الموضوع <<<<<
==================================


سورى الموضوع طلع كلو على بعضه مع انى كنت منظماه كويس ؟؟؟؟؟؟؟؟؟؟؟ واعذرونى دى أول مشاركه ليا هههههههههههههه


__________________________________________________ __________

هلا حبيبتي
يا ريت تنظمي الرجيم لتسهيل الفائده للجميع
ننتظرك دائما


__________________________________________________ __________

هلا بيك جوسى حبيبتى ميرسى كتييير .. والله بحاول انظم بس موش عاوز يزبط؟؟ موش عارفه أرجع اكتبه أسبوع أسبوع عشان يكون أخف ؟؟ ولا ايه؟ أنا كنت عاوزاه يكون مرة وحده عشان اللى يقراه يشوف اذا كان حابب يعملو ولا لا لان ممكن بعد ميبداو اسبوع اسبوع مش يرتاحو ومش يحبو يكملو .. نيتى كانت خير والله ههههههههههههههه


__________________________________________________ __________

حد يقوللى اعمل ايه عشان انظم الدايت احسن انا زعلانه قوى لانه حلو قوى وكان نفسى تعملوه دا نظام صحى قوى وبيجيب نتيجه ملحوظه وانا هسال وهحاول بردو....


__________________________________________________ __________

و أخيييييييييييرا الدايت اتنظم الحمد لله ويارب تعملوه ويفيدكم باذن الله