أطباق متنوعة
عنوان الموضوع : أطباق متنوعة
مقدم من طرف منتديات نساء الجزائر
أطباق متنوعة
| حلى البسكوت وجوز الهند |
رفع الصور
| المقادير والطريقه مع بعض | :
رفع الصور
نطحن علبة بسكوت شاي كبيره ..
رفع الصور
وبعد مانطحنها نضيف عليها ربع كاس جوز هند ونحركهم ,
ثم نضيف عليها اصبع زبده لين ونخلطهم مع بعض..
ثم نضيف على هالخليط ثلث كاس حليب مركز محلى - حليب نستله -
ونعجن لما تتكون عجينه متماسكه .
رفع الصور
بعدها تضيفين حبات الشوكولاته .. ونكورها لكور صغيره
ونحطها في صينيه عليها ورق زبده
وندخلها لفرن مشغل - من تحت - مسبقاً على درجة حرارة 360 لمدة 10 دقايق .
ونطلعها ونغطيها لما تبرد شوي ونقدمها
رفع الصور
| دجاج بصوص المتبل الفرنسي |
رفع الصور
| الطريقه والمقادير مع بعض | :
صدور دجاج نبهرها ونملحها ونخليها بالثلاجه على مانجهز باقي الأغراض .
نجيب بصل ونقطعه لشرايح طويله ونحمسه مع زبده وشوية زيت لما يذبل ..
ونحط عليه نص مكعب ماجي ( نبي نكهه خفيفه بس )
ونحط الدجاج عليه .. وبعد دقايق نقلبه للجهه الثانيه ..
وبعدها بدقايق نشيل البصل ونخليه عشان بنستخدمه بعدين -
الحين نخلي دجاج ع النار لما يستوي ,
وبعدها نشيله .
الأفضل ان نرجع البصل لنفس القدر ونكمل الخطوات الباقيه ,
وبعدها نرجع البصل في قدر ع النار ونضيف عليه كريمة خفق وحبتين جبن كيري .
لما تذوب الجبنه وتتمازج مع الكريمه نضيف عليها 3 ملاعق طعام المتبل الفرنسي -
ونحركه لما يبدا الصوص يثقل ويسخن .
نصبه فوق الدجاج اللي ع الصحن ونقدمه .
| دجاج بـ دبس الرمان والخضار |
رفع الصور
| الطريقه والمقادير مع بعض | :
نقطع صدور دجاج لمكعبات متوسطه
ونتبلها قبل بـ ليلة بـ [ عصير نص ليمونه + ملعقه كبيره دبس رمان + فص ثوم مفروم ]
ونخليها بالثلاجه .
بعد ما تاخذ وقتها بالتتبيل ..
نحمس بصل مقطع لشرايح طويله مع زيت لما يذبل
ونضيف عليه الدجاج ونخليه لما ينشف الماي حقه .
ونقلبه ونضيف عليه مكعب ماجي وشوي ملح وبهارات مشكله - مو كثير رشه خفيفه بس -
ونضيف فلفل بارد ملون - فليفة - مقطعه لشرايح طويله
ونضيف بعد جزر مقطع شرايح .
ونقلب لما تستوي الخضار
ونقدمها .
| Buttercream |
رفع الصور
رفع الصور
| المقادير والطريقه مع بعض | :
250 غرام زبده - بدرجة حرارة الغرفه -
كاس ونص سكر بودره
ملعقه صغيره فانيلا
3 ملاعق طعام حليب سائل
.
.
أول شي نخفق الزبده مع اضافة السكر شوي شوي ..
ولما نخلص من كل كمية السكر نضيف الفنايلا وملعقتين من الحليب السائل ,
ونخفق شوي وبعدها نزيد السرعه .
بعدين نشوف اذا كانك متماسكه وثقيله مره نضيف آخر ملعقه من الحليب السائل ونخفق .
بعدها نبدى نلونها بألوان الطعام ونحطها بأقماع التزيين ونبدى نزيّن .
| ميني بسبوسه |
رفع الصور
| المقادير | :
1 كاس سميد ناعم
4/3 كاس سكر
4/1 كاس طحين
2/1 كاس جوز هند
1 ملعقه كبيره بيكينج باودر
4/1 ملعقة فانيلا
2/1 كاس زيت
بيضتين
علبة قشطه + ربع كاس ماي نخلطهم مع بعض .
| الطريقه | :
نخلط المقادير الجافه مع بعض ..
ونضيف عليها المقادير السائله ,
ونحركهم زين لما يتجانسون ..
ونكون مجهزين الورق وحاطينه داخل القوالب .
نصبهم فيه وندخلهم الفرن .
نتأكد من نضجهم بـ ادخال عود اسنان أو سكين ..
خلاص نحمرها دقيقتين من فوق .
ونزينها بالفستق .. والشيره
وبالعافية ع قلوبكم
>>>>> ردود الأعضـــــــــــــــــــاء على الموضوع <<<<<
==================================
موضـــــــــــوع رائـع
سلنتــ يمناكــــي
بنتظـــــار جــــــديدكـــ
__________________________________________________ __________
يعطيك الف عافييه قلبوو
__________________________________________________ __________
يسلمووووووو
__________________________________________________ __________
تسلم الايادي يالغلا
__________________________________________________ __________
يسلموو
على الموضوع
رد مع اقتباس
