كـــــــوســــــه بالبـــاشـــاميــــل أكـــــلــــــه خـفيـــفه لطــيــفـه -من مطبخي
عنوان الموضوع : كـــــــوســــــه بالبـــاشـــاميــــل أكـــــلــــــه خـفيـــفه لطــيــفـه -من مطبخي
مقدم من طرف منتديات نساء الجزائر
كـــــــوســــــه بالبـــاشـــاميــــل أكـــــلــــــه خـفيـــفه لطــيــفـه
أخواتى حبيباتى فلذات أكبادى (مع انه كبد واحد هههههههههههههه) ...
السلام عليكن ورحمة الله وبركاته ...النهارده كنت زهقانه
مليش مزاج أعمل أكل لاقيت ايدى راحت لوحدها وأنا فالمطبخ على
الكوسه
وقلت أعمل منها طبق خفيف لطيف ظريف (هو مش خفيف قوى يعنى لأن
فيه بشاميل
هههههه) بس بنحاول على قد منقدر تعديل الطريقه لتكون صحيه ....
مش هطول عليكن اليكن المقادير وكل حد يزود على حسب العدد ....
= المطلوب =
# 3 حبات كوسه مقطعه شرائح ثم الى مكعبات متساويه الحجم متوسطة
السمك.
# كيلو لحم مفروم.
# بصله كبيرة , بصل أخضر شرائح .
# 2 فص ثوم مدقوق ناعم.
# فلفل أخضر , أحمر ,أصفر شرائح.
# فلفل حار( حسب الرغبه) شرائح.
# حبة طماطم كبيرة مبشورة .
# ملعقة زيت.
# بهاراتك المفضله أنا أستخدم ( فلفل أسود , جنزبيل , كسبرة , جوزة
الطيب , زعتر بكميات خفييييييفه ).
# ملح حسب الرغبه.(وممكن نحط مرقة دجاج وتكون ملح وتوابل فنفس
الوقت).
*** الباشاميل ***
# نصف كوب دقيق (طحين).
# نصف كوب زبد أو سمن أو زيت دوار الشمس.
# كوب حليب.
# ممكن نقسم كمية التوابل بين المفروم وبين البشاميل عشان تكون أخف.
= الطريقه =
- الباشاميل -
نحط كمية الزيت و أول ميبدأ يسخن نزود الدقيق ونقلب لحد ميستوي
الخليط ونزود الحليبب التوابل شويه شويه على نار هاديه لحد ميكون
القوام مناسب ..
**ملحوظه : ممكن نستخدم الباشاميل الجاهز بيكون خفيف بردو و طعمه حلو.
- المفروم -
نحط ملعقة الزيت فى مقلايه تيفال بعدين نحط البصل لحد ميبقى شفاف
ونزود الثوم وأول ما رائحته تطلع نزود المفروم ونقلب و نضيف التوابل
والفلفل الحار ونقلب ونتركه ينضج براحته ....
نشوي الكوسه والفلفل على الجريل نحط الكوسه على جنب والفلفل نزوده
على المفروم مع الطماطم المبشورة ونقلب ونتركه لما الكل ينضج نجيب
بيريكس وندهن الارضيه بشوية بشاميل وبعدين نرص طبقه من الكوسه
وشوية مفروم طبقات حتى تكتمل الطبقات الاضافات سواء الجبنه أو
البيض أو البسطرمه (أنا بحط بسطرمه هههههههه) كل حسب رغبته
نحطها فالفرن عشان الجراتان وتطلع سخنه يم يم يم و ألف صحه وهنا
ويــــــــارب تعجبكم ولكم منى كل الحب .
>>>>> ردود الأعضـــــــــــــــــــاء على الموضوع <<<<<
==================================
تسلم ايدك عزيزتي..
مشكورة على الوصفة الحلوة
بانتظار جديدك
ينقل للقسم المناسب
__________________________________________________ __________
تسلم ايدك اختي على هالوصفة
بانتظار جديدك
__________________________________________________ __________
كدا ؟؟؟ كل دي مشاهدات ومحدش يرد ؟؟؟ طيب !!
__________________________________________________ __________
يسلموووووووووو
الايادى ياعسل
__________________________________________________ __________
يمي يمي
يعطيك العافيه
رد مع اقتباس
